Jirimiạ 27:5 - সান্তালী বাইবেল

⁵ ‘ińakʼ maraṅ daṛete ar ektiạri perecʼ tite iń do niạ dhạrti ar ona cetanre okoe manwa ar janwarkoń sirjạu akatʼko, ar okoe lek kanae menteń hudisede uniyakʼ tirege iń do ektiạriń emetʼkana.

Jirimiạ 27:5 Iomraidhean Croise

Genesis 1:25

Isor do dhạrtiren sanam lekan bir janwarko, ạsul janwarko ar sanam lekan leńokʼ ṭunḍạṅkan jiwiyankoe benaoketʼkoa. Noko sanamkoge apan ạpin jạtrenko lekate saṅgekʼ reakʼ daṛeye ematʼkoa. Isore ńelkeda ona do ạḍi mońjge hoyakana.

Genesis 9:6

Isor do manwa acʼlekageye sirjạu akadea; onate jãhãn manwa jodi jãhãeye khũne enḍekhan eṭakʼ armitʼ hoṛ do uni khũniạhi hoṛakʼ jiwiye hataotaea.

Esra 1:2

“Parasren raj Kores do niạ kathae meneda, ‘sermaren Probhu Isor do dhạrti reakʼ sanam rajosṭi ińe em akawạdińa ar Jihudạ reakʼ Jerusalemre acʼ lạgitʼ mitʼṭecʼ oṛakʼ benao lạgitʼe bachao akadińạ.

Nehemiạ 9:22

“Tayomte ḍher rajosṭi ar jạtrenko do onkoakʼ tirem jimạketʼkoa, onkoakʼ sanam jaega jumiko Israel jạtrenkom hạṭińatʼkoa. Onko do Hesbonren raj Sihonakʼ disạm ar Basonren raj Ogakʼ disạmem ạidạriatʼkoa.

Sereńko 102:25

Sedae jugre am do dhạrti reakʼ rehetʼem bạisạu akada; ar serma hõ amakʼ titegem benao akada.

Sereńko 96:5

Eṭakʼ eṭakʼ jạtren debotako doko ạuṛiyakʼgea, menkhan Probhu Isor do maraṅ serma sirjạuicʼ kanae.

Exodus 20:11

Probhu Isor do turui dinre serma ar ot ar jalapuri ar onare menakʼ jotowakʼe sirjạukeda, menkhan eae din hilokʼ doe jirạuena. Ona iạte Probhu Isor do ona dine bhoratʼa ar acʼ lạgitʼe begar dohokada.

Exodus 6:6

Onate Israelkom lạiyakoa, Probhu Isore meneda, ‘Iń doń Probhu Isor kana. Misorrenkoakʼ bojhatepe ten akan khoniń oḍok ạgupea. Ar golam reakʼ ti khoniń bańcaopea. Ti tiạrkate onko do bebạṛicʼ iń sạjạikoa ariń chaḍaopea.

Jesaea 42:5

Probhu Isor do serma sirjạukateye bel akada; uni do dhạrti ar onare oka janamokʼ onakoe aṭetʼ akada; uni do onare tahenkan hoṛko sãhetʼe emako kana ar onḍe okoeko dãṛãnkan onko do jiue emakokana. Uniye meneda,

Jesaea 44:24

Amren Probhu Isor, okoe doe amren chakʼḍaoicʼ kan, ar okoe do kukhireye gaṛhaoletʼme uniye meneda, “Iń kangeạń Probhu Isor do; ińge jotowakʼ iń sirjạuakada. Iń do sermań aṭetʼ akada ar ińge prithimiń pasnao akada.

Jesaea 45:12

Ińge dhạrti sirjạukate onare manwań sirjạukedea; iń do ińakʼ tite sermań pasnao akada ar sermaren siń cando, ńindạ cando ar ipilkoń benao akatʼkoa.

Jesaea 48:13

Ińakʼ tite pirthimi reakʼ rehetʼ iń bạisạu akada ar jojomtite sermakoń pasnao akada; ar onakoń hohowakʼre mitʼ domte teṅgo godokʼ kana.

Jesaea 51:13

Ar ape okoeye sirjạu akatʼpe uni do cedakʼpe hiṛińkedea? Uni do sermae pasnao akada ar dhạrti reakʼ rehetʼe bạisạu akada. Cikʼpạyicʼakʼ kurkurạukʼ edrete cedakʼ ape do siń sạṭupʼpe torasokʼ kana? Uni cikʼpạyicʼakʼ edre do botoranakʼ cetʼ hõ baṅkana.

Jirimiạ 27:4

Onkoren kisạ̃ṛko mitʼṭecʼ khobor emako lạgitʼem metakoa, Israelren Isor phạdkoren Probhu do onkoren kisạ̃ṛko niạ katha galmarao ako lạgitʼe metakokana,

Jirimiạ 32:17

‘E Probhu Isor, am do amakʼ maraṅ daṛete ar amakʼ daṛeanakʼ tite serma ar otem benao akada. Am ṭhen bin leṭecʼakʼ do cetʼge bạnukʼanaṅ.

Jirimiạ 51:15

Probhu Isor do acʼakʼ daṛete dhạrtiye sirjạu akada, ar acʼakʼ ạkiltege pirthimi reakʼ rehetʼe bạisạu akada ar uniyakʼ bujte sermae pasnao akada.

Daniel 2:38

Ar jãhã ṭhạ̃irege manwako girobasokʼ kan, onḍege uni do otren janwarko ar coṭren cẽṛẽko hõ amakʼ tireye jimạ akatʼkoa ar onko jotoko cetanre mạlike benao akatʼmea; ar amkangeam uni sonaren bohokʼ do.

Daniel 4:14

Uni do ãṭ aṛaṅteye menkeda, ‘dare do makʼ bhindạṛpe ar ona reakʼ ḍạrko hese giḍipe; ona reakʼ sakamko hotʼ giḍikakʼpe ar ona reakʼ joko chiṭiạu giḍikakʼpe. Ar ona dare buṭạ khon janwarko ar ḍạrko khon cẽṛẽko ńir joṅma,

Daniel 4:17

“ ‘Noa hukum do hohorhokoakʼ niṭakʼ lekateakʼ kana, sonotkoakʼ kathatege noa khojgokʼ do, jemon jiwetʼko doko baḍae daṛeakʼ, Coṭ utạricʼ do manwakoakʼ rajosṭiye calaoeda mente; ar jãhãegeye kusiyaekan unige rajosṭi doe danae kana ar manwa talare sanam khon nicạṛicʼge cetanreye duṛupʼede kana.’

Daniel 4:22

E maharaj, am kangeam ona dare do. Am do maraṅ ar daṛeanem hoyakana; amakʼ daṛe do ḍher akante serma hạbicʼem tiyokʼ akada ar amakʼ rajosṭi do dhạrti reakʼ ses simạna hạbicʼ seṭer akana.

Daniel 4:25

Am do hoṛko tala khonem laga ńir ocokʼa ar janwarko sãotem tahena; am do ḍaṅgra leka ghãsem joma ar serma reakʼ sisirdakʼtem lohodokʼa. Nonkate eae bochor hạbicʼ calakʼa, one tin hạbicʼ bam aṅgocʼ manwakoakʼ rajosṭi cetanre maraṅ Isorgeye rajokʼkana mente ar onako rajosṭi do acʼ okoeye kusiyae unigeye emaekana.

Daniel 5:18

E Maharaj, maraṅ Isor do am baba, metakʼme Nebukadnesar do rajosṭi, ar ṭhonoke emade tahẽkana.

Aposkạmi 14:15

“E ho gateko, ape do cedakʼ noakope onkayeda? Ạliń hõ coṅ ape leka duk suk jojom manwakange liń. Ạliń do ape ṭhen bhage sombat liń porcareda jemon noa ạuṛiyakʼko khon jiwetʼ Isor secʼpe, ạcurokʼ. Unige serma ar ot ar jalapuri ar onare menakʼ jotowakʼe sirjạu akada.

Aposkạmi 17:24

“Isor, one uni dhạrti ar onare menakʼ jotowakʼe benao akatʼ, unige serma ar dhạrtiren Probhu Isor kanae. Uni do tite benaoakʼ okaṭakʼ mundilre hõ bae tahenkana.

Aposkạmi 17:26

Uni do mitʼṭen manwa khon sanam jạtren hoṛkoe sirjạu akatʼkoa jemon goṭa dhạrtireko girobasokʼ. Onko do tinre okakoreko girobasokʼa ona hõ acʼakʼ sana lekae goṭa dohoakada.

Dosar Biboron 2:19

Menkhan ape do tinre Amonrenko ṭhenpe seṭerokʼa unre onko do alope ạṛiskoa se lạṛhại lạgitʼ alope uskạukoa, ente Amonrenkoakʼ disạm reakʼ okaṭakʼ hĩs hõ ape do bạń emapea. Ona do Loṭ bõsrenko sompotti lekateń em dohoakatʼkoa.’ ”

Dosar Biboron 2:21

Rephayimko do daṛean ar lekhare ḍhergeko tahẽkana. Ar Anakiko leka usul hoṛko tahẽkana. Probhu Isor do Amonrenko hotete onkoe maraoletʼkoa; ar Amonrenko do Rephayimkoko laga ńirketʼkote onkoakʼ jaegare girobasokʼko ehopʼena.

Dosar Biboron 2:7

“Aperen Probhu Isor do joto kạmiregeye bhor akawatʼpea. Ar noa maraṅ utạr hahaṅkar talate calakʼ jokhecʼ hõ uni do apeye ńel todarot akatʼpea. Niạ pongel bochor aperen Probhu Isor do ape sãoteye tahẽkana ar apeakʼ jãhãn okulạn hõ baṅ hoylentaepea.

Dosar Biboron 2:9

Ona tayom Probhu Isor do ińe metadińạ, ‘ape do Moabrenko alope buskokoa se lạṛhại lạgitʼ hõ alope uskạukoa, ente onkoakʼ disạm reakʼ oka hĩsge ape do bạń emapea. Iń do sompotti lekate Ar nagraha do Loṭren bõskoń emakawatʼkoa.”

Dosar Biboron 32:8

Maraṅ Isor do tinre eṭakʼ jạtrenko sompottiye hạṭińatʼkoa, ar manwa hoponko tinre eṭakʼ eṭakʼ jạtreye hạṭińketʼkoa, unre Israel jạtrenkoakʼ lekhae disạ dohṛaketʼte eṭakʼ jạtrenkoakʼ simạnakoe ṭhik dohoatʼkoa.

Dosar Biboron 4:17

baṅ do otren jãhãn janwarkoakʼge, baṅ do coṭren uḍạu baṛaekan cẽṛẽkoakʼge,

Dosar Biboron 4:25

“Ape ar aperen bõsko ona disạmre ḍher dinpe girobasokʼ tayom tinre bạṛicʼ horte senkate sewawako lạgitʼ muṭhạnkope benaojoṅa ar aperen Probhu Isorakʼ mẽtʼre oka bạṛicʼakʼkan onape onkaete unipe khĩs ocoye,

Dosar Biboron 4:32

“Isor do dhạrtire manwa sirjạukede tayom khon ar apeko bidạl reakʼ laha dinko khon khoj hataokate ńelpe; serma reakʼ mitʼ mucạtʼ khon eṭakʼ mucạtʼ hạbicʼ kulijoṅpe, okako hoyakan ona lekan maraṅ ar jãhãnakʼko hoyakana se baṅa, se ona lekan jãhãnakʼ ańjom akana se baṅa,

Dosar Biboron 4:35

“Ape jemonpe baḍae daṛeakʼ, Probhu kangeae Isor do ar uni chaḍa cele Isorge bạnukʼkoa, ona iạtege noako dope ńel ocolena.

Dosar Biboron 5:16

‘Amren Probhu Isorakʼ hukum bataotaeme ar amren gogo ar baba ganaokinme. Enḍekhan Probhu Isore emam disạmre ḍher din jiwetʼem tahena ar bhạlại hoyokʼtama.

Dosar Biboron 9:29

Menkhan noko do amren hoṛkangeako, amakʼ sompottige okoe do amakʼ daṛeanakʼ ti tiạrkatem oḍok ạguakatʼko.’

Kolossiko lạgitʼ Pạul Apostolakʼ ciṭhi 1:16

Ente sermare ar otre, oka ńelokʼkan ar oka baṅ ńelokʼ kan, jotowakʼge uni hotete sirjạu akana. Siṅghạsonkoge cetʼ, rajosṭikoge cetʼ, baṅ do rajkoge, baṅ do ektiạriankoge sanamakʼ do uni hotete uni lạgitʼge sirjạu akana.

Ibriko 1:2

Menkhan sesa sisi dinkore uni do acʼren Hopon hotete abokoe galmarao akatʼbona. Isor do acʼren Hopon sanamakʼren ạidạri hoyokʼ lạgitʼe dohokedea. Ar Hopon hotetege uni do sanamakʼe sirjạukeda.

Johan sodor 4:11

“E aleren Probhu Isor, amge man ar ṭhonok ar daṛe ńam lek kanam, ente amge jotowakʼem sirjạu akada; ar amakʼ monejoṅakʼ lekage onako do sirjạu akana ar ṭikạu menakʼa.”