Jirimiạ 27:21 - সান্তালী বাইবেল

^21-22 ‘okako jinis ińakʼ oṛakʼ ar Jihudạ rajakʼ oṛakʼre ar Jerusalemre menakʼ onako hõ Babelte idikʼa ar tin hạbicʼ onako bạń moneyakʼ un hạbicʼ onako do onḍege tahena. Ar ona tayom iń do arhõ niạ ṭhạ̃ite onakoń ruạṛ ạguiya. Iń Israelren Isor phạdkoren Probhuge niạ katha doń meneda.’ ”

Jirimiạ 27:21 Iomraidhean Croise

2 Rapajko 20:17

Probhu Isore meneda, nonkan din hijukʼa tinre amakʼ raj oṛakʼ reakʼ sanamakʼ ar amren hapṛamkoko jogao dohoakatʼte teheń hạbicʼ menakʼ onako jotoge Babelte idi ocokʼa, cetʼge baṅ bạgi oṭokʼa.

2 Bõsbudạ 36:18

Babelren raj do Isorakʼ oṛakʼ reakʼ lạṭu kạṭicʼ sanamakʼ jinis ar dhon-durib, raj ar uniren kạmiyạkoakʼ dhonko Babelteye idikeda.

Esra 1:11

Onḍe do jotote mõṛẽ hajar ponsae sona ar rupạ reakʼ jinisko tahẽkana. Bondi dosare bidisiạre girobasokʼ kan hoṛko do tinre Babel khon Jerusalemteko hecʼena unre Sesbasar do niạko jinis soṅgeteye ạgu darakeda.

Esra 1:7

Ona chaḍa Nebukadnesar do Probhu Isorakʼ oṛakʼ reakʼ okako jinis Jerusalem khon idikate acʼren debotawakʼ mundilreye doholetʼ, Kores raj do khajańci sordar Mithredath hotete onakoe oḍok ạgukeda. Ar Mithredath do Jihudạren disạm cakʼlaoyicʼ Sesbasar onakoe lekhawadea.

Jesaea 39:6

Probhu Isore meneda, nonkan din hijukʼa tinre amakʼ raj oṛakʼ reakʼ jotowakʼ ar amren hapṛamkoko jogao akatʼ jãhãnakʼge teheń hạbicʼ tinạkʼ menakʼ onako jotoge Babelte idi ocokʼa, cetʼge baṅ bạgi oṭokʼa.

Jirimiạ 20:5

Iń do noa nagraha reakʼ sanam dhon-durib, metakʼme onkoakʼ khet baṛge reakʼ anajko ar sanam damanakʼ jinisko ar Jihudạ rapajkoakʼ sanam murạiko onkoren bạirikoakʼ tireń soprota. Onko do ona luṭkate Babelteko idiya.

Rak̕joṅ 1:10

Uniren bạiriko do uniyakʼ damanakʼ jinisko joṭetʼ akatʼtaea; boṅgan hoṛ jạtrenko hõ acʼakʼ sonot ṭhạ̃ite bolokʼe ńelakatʼkoa. Noko doko onko hoṛ kangea okoe do amakʼ somajte bolokʼem baronletʼko.