Jirimiạ 26:2 - সান্তালী বাইবেল

² “Iń Probhu Isorgeń meneda, am do senkate ińakʼ racare teṅgokʼme ar Jihudạ reakʼ nagrahako khon okoeko hoṛ do koejoṅ lạgitʼ ińakʼ oṛakʼteko hijukʼ onko sanamko ṭhen okaṭakʼ katha galmaraoakoń hukum akatʼme ona reakʼ mitʼke mitʼ katham lạiyakoa, mitʼṭecʼ hõ alom bad oṭokakʼa.

Jirimiạ 26:2 Iomraidhean Croise

Jirimiạ 1:17

“Am do ḍanḍa paṭhe keṭejokʼte teṅgokʼme ar okaṭakʼ roroṛ iń metam onko ṭhen ona lạime. Ar onko ńelte do alom torasokʼa, jemon onko samaṅre aloń toras ocome.

Jirimiạ 1:7

Menkhan Probhu Isor do ińe metadińạ, “Alom mena iń doń huḍińgea. Ente okoeko ṭheniń kolme onko mimitʼko ṭhen am dom calakʼa ar okaṭakʼ roroṛ iń metam onagem roṛa.

Jirimiạ 19:14

Ona tayom Jirimiạ do Tophet khone ruạṛ hecʼena. Probhu Isorge acʼakʼ katha lại jạhir lạgitʼ onḍeye kolledea. Uni do Probhu Isorakʼ oṛakʼ reakʼ racare teṅgokate sanam hoṛkoe galmaraoatʼkoa,

Jirimiạ 23:28

Okoe nạbi kukmũe ńeletʼ uni do acʼakʼ kukmũ reakʼ katha do kukmũ lekageye roṛma, menkhan okoe ińakʼ kathae ńamakatʼ uni do pạtiạr salakʼ onae lại jạhirma; ente guhum jaṅ ṭhen bhusạ reakʼ do jãhãn damge bạnukʼa.

Jirimiạ 25:2

Ona iạte Jirimiạ nạbi do Jihudạren sanam hoṛko ar Jerusalemreko tahẽnkan sanam hoṛkoe jạhiratʼkoa,

Jirimiạ 28:5

Unre Jirimiạ nạbi do naekeko ar sanam hoṛko okoe do Probhu Isorakʼ oṛakʼreko teṅgo akan tahẽkan onko samaṅre Hananiạ nạbiye roṛ ruạṛadea.

Jirimiạ 36:10

Unre Probhu Isorakʼ oṛakʼ reakʼ nãwã phaṭok duạr ṭhen cetan reakʼ bakher racare Saphan hopon Gemariạ olokʼicʼakʼ kandhare teṅgokate Baruk do ona puthi khon Jirimiạ reakʼ kathako sanam hoṛkoe paṛhao ańjomatʼkoa.

Jirimiạ 42:4

Jirimiạ nạbi do onkoe roṛ ruạṛatʼkoa, “Apeakʼ katha doń ańjomakada. Apeakʼ nehõr lekate iń do aperen Probhu Isor ṭhen khạṭigeń koejoṅa. Ar Probhu Isor okae lạiyạń ona jotogeń baḍae ocopea, ape ṭhen do cetʼge bạń okoya.”

Jirimiạ 7:27

“Am do noako katham galmaraoakore onko do amakʼ katha bako ańjomtama; arem hohoakore hõ onko do bako goṅama.

Jeheskel 3:10

Uni do arhõe metadińạ, “E manwa hopon, iń okako kathań lạiyam kan ona do mon lagaokate ańjomtińme ar monre rebetʼ dohokakʼme.

Jeheskel 33:7

“E manwa hopon, Israel jạtrenko lạgitʼ iń do pahradariń bahal akadea; onate iń okań menetʼkan ona ańjompe ar iń ńutumte onko cehaokope.

Jeheskel 40:4

Uni hoṛ do ińe metadińạ, “E manwa hopon, am do mẽtʼte ńelme ar luturte ańjomme ar iń okań udukʼam ona jotowakʼ moneyakʼme, ente ona lạgitʼge nonḍeń ạgu akatʼmea. Ar jãhãnakʼgem ńel ona jotoge Israelkom lạiyakoa.”

Mathae 28:20

Ar okakoń hukum akatʼpe onako doho cetʼakope. Ńelpe, jug mucạtʼ hạbicʼ iń do ape tulucʼ minạńa.

Luk 19:47

Jisu do dinạm hilokʼ mundilre senkate cetʼakoe ehopʼena. Ar Maraṅ naekeko, sostor baḍaeko ar disạm hoṛkoren mukhiyạko do goje lạgitʼ ạtko ńam baṛayetʼ tahẽkana,

Johan 18:20

Jisui roṛ ruạṛkeda, “Iń do hoṛko ṭhen sodortegeń galmarao akada. Ar Jihudiko mitʼ sãote okareko jarwakʼ ona sunạgogkore ar mundilre iń do jaogeń cetʼ akawatʼkoa. Ar danaṅre do cetʼge bạń roṛakada;

Johan 8:2

Dosar hilokʼ Jisu do ạḍi setakʼre arhõ mundilteye hecʼen khan sanam hoṛ uni ṭhenko hecʼena. Unre Jisu do duṛupʼkate onko cetʼakoe ehopʼena.

Aposkạmi 20:20

Apeakʼ okaṭakʼte porhoanakʼ hoyokʼ nonkan jãhãnakʼge ape baḍae ocope lạgitʼ do bạń pạclena, bickom bahrere sodorte apeakʼ oṛakʼreń cetʼakawatʼpea ariń porcar akada.

Aposkạmi 20:27

ente Isor okae khojkan ona baḍae ocope do tishõ bạń pạc akana.

Aposkạmi 5:25

Unre mitʼṭen hoṛ do hecʼkateye menkeda, “Ńelpe, okoe hoṛko hajotrepe bhoraoletʼko onko do mundilre teṅgokate hoṛkoko cetʼako kana.”

Aposkạmi 5:42

Onko do jaoge mundilre ar oṛakʼ oṛakʼ senkate cetʼakoko ehopʼena ar Jisuge Mạsi kanae mente noa bhage sombat porcar iditegeko tahẽyena.

Dosar Biboron 12:32

“Iń okakoń hukumatʼpe onako sanamakʼpe manaoa; ar noa sãote cetʼ hõ alope juṭucʼakʼa, ar niạ khon jãhãnakʼ hõ alope kaṭaoa.

Dosar Biboron 12:5

Menkhan aperen Probhu Isor do apnar sodorokʼ lạgitʼ aperen gusṭiko emakʼ jaega khon okaṭakʼ ṭhạ̃i acʼ lạgitʼe bachao joṅ onḍege sewawae lạgitʼ calakʼpe.

Dosar Biboron 4:2

Iń do okaṭakʼ hukumiń emapekan ona sãote jãhãnakʼ alope juṭucʼakʼa ar ona khon jãhãnakʼ hõ alope meṭao giḍikakʼa. Ape do aperen Probhu Isorakʼ emakʼ hukumgepe manao idiya.

Josuạ 8:35

Noa babotre Mose okako hukume emlen ona reakʼ mitʼṭecʼ hõ Josuạ do bae badleda goṭa Israel somajrenge onae paṛhao ańjomatʼkoa. Niạ somajre do maejiuko, gidrạko ar onko talareko girobasokʼkan eṭakʼ jạtrenko hõko tahẽkana.

Johan sodor 22:19

Ar noa puthi reakʼ sanamakʼ kathako, metakʼme Isorakʼ kathako khon jãhãege thoṛagane kaṭao giḍikakʼ enḍekhan Isor hõ noa puthire olakan jion dare ar ona sonot nagraha reakʼ ạidạri uniyakʼ jion khone kaṭao giḍikataea.