Jirimiạ 26:19 - সান্তালী বাইবেল

¹⁹ Jihudạren raj Hiskiạ se Jihudạren eṭakʼ jãhãe do cetʼ Mikại gocʼledea? Hiskiạ do cetʼ Probhu Isor bae botorae kan tahẽkana ar uniyakʼ daya do cetʼ bae khojletʼa? Onate Probhu Isor do hoṛko cetanre oka muhin paṛao ocoy reakʼ kathae roṛletʼ ona do ar bae kolleda. Menkhan abo do apnarte mitʼṭecʼ maraṅ botor bon ạgujoṅkana. ”

Jirimiạ 26:19 Iomraidhean Croise

2 Samuel 24:16

Jerusalem marao lạgitʼ serma goḍet do tinre tiye tulketʼtaea unre Probhu Isor do ona bạṛicʼ sạjại khon mone ạcurketʼtaea. Ar okoe serma goḍet do hoṛkoe maraoetʼko tahẽkan uniye metadea, “Inạkʼkakʼme, ḍher hoyakana. Amakʼ ti do or ruạṛtam.” Un jokhecʼ Probhu Isorren goḍet do Jebusiạ Arownakʼ khạrại ṭhene teṅgo akan tahẽkana.

2 Bõsbudạ 32:20

Ona iạte Hiskiạ raj ar Amosren hopon Jesaea do koejoṅ hotete sermaren Isor ṭhen rakʼ joṅkin ehopʼena.

2 Bõsbudạ 34:21

“Okaṭakʼ puthi ńamen onare cetʼ ol menakʼa ona do senkate Israel ar Jihudạren sarecʼ hoṛko lạgitʼ Probhu Isor ṭhen kulijoṅpe. Aboren hapṛamko do Probhu Isorakʼ katha leka bako senlente ar niạ puthire olakan lekahõ bako kạmiletʼte uniyakʼ edre do abore paṛao akana.”

Exodus 32:14

Niạ katha ańjomkate Probhu Isor do daya hecʼadea. Uniren hoṛko cetanre oka muhin ạgui reakʼ kathae menletʼ ona do ar bae ạguleda.

Jesaea 26:21

Ńelpe, dhạrtiren hoṛko kại reakʼ sạjại emako lạgitʼ Probhu Isor do acʼakʼ tahen ṭhạ̃i khone oḍok hijukʼ kana. Dhạrti do acʼre joro akan mãyãme sodora; ar acʼre khũn akanko do bae dapalkoa.

Jesaea 37:1

Hiskiạ raj do niạ kathae ańjomketʼ khan acʼakʼ kicricʼe oṛecʼketʼtaete gõṛẽ kicricʼe horokʼkeda ar Probhu Isorakʼ oṛakʼteye boloyena.

Jesaea 37:4

Ạsurren raj do jiwetʼ Isor nisṛạue lạgitʼ Rabsakeye kolakadea, menkhan amren Probhu Isor do hoedaṛeakʼa onako sanamakʼ katha ańjomkate uniye sạjạiyea. Onate am do onko lạgitʼ koeme one okoe ńit hạbicʼ jiwetʼ menakʼko.”

Jirimiạ 26:15

Tobe noa do khạṭige baḍaekakʼpe, ińpe gocʼ giḍikạńre hõ miridosicʼakʼ mãyãm reakʼ dạyi do ape cetanrege ar niạ nagraha cetanre ar okoe nonḍeko tahenkan onko cetanrege paṛaokʼa; ente noako katha baḍae ocope lạgitʼge Probhu Isor doe kol akadińạ.”

Jirimiạ 26:3

Hoedaṛeakʼa onko do onako ańjoma ar akoakʼ bạṛicʼ hor khonko ruạṛ hijukʼa. Ar onkoakʼ behokakʼ iạte onko cetanre okaṭakʼ muhin ạgui lạgitʼ iń goṭa akatʼ ona do ar bạń paṛao ocoya.

Jirimiạ 44:7

“Ńitokʼ iń do Israelren phạdkoren Probhu Isoriń meneda, cedakʼ apnarte nunạkʼ bạṛicʼakʼ dope kạmikana? Ape do herelko, maejiuko, ńir keṭecʼ gidrạko, nunu gidrạko Jihudạ khonpe oḍok ạguketʼkote apnartege onkope maraoetʼkoa.

Amos 7:3

Unre Probhu Isor do mone ạcurketʼteye menkeda, “Onka do ar baṅ hoyokʼa.”

Habakkuk 2:10

Am do ḍher jạtrenkom marao akatʼkote amakʼ gharońj cetanre lajaoem ạgu akada ar bańcaokʼ reakʼ ạidạri dom caba akada.

Sakariạ 7:2

Ona jokhecʼ Probhu Isorakʼ bhor ataṅ lạgitʼ Bethelren hoṛko do Sareser, Regem-melek ar unkinren hoṛko kolketʼkoa.

Numeri 16:38

Kại gunạkʼte tinạkʼ hoṛko gocʼen dhup dạniko do onko hoṛkoakʼ kangea. Menkhan Probhu Isor samaṅre hạjirletʼ iạte onako do uni ńutumte begar dohoakana. Onate am do onakom kuṭạm capṛa ocoya ar pinḍrem bạisạukakʼa. Jemon Israelko ṭhen mitʼṭecʼ cinhạ leka tahen.”

Mathae 23:35

Onate Habel reakʼ mãyãm khon Borkhiạren hopon Sakariạ reakʼ mãyãm hạbicʼ one sonot jaega ar pinḍ talarepe khũnlede, uni Sakariạ khũn hạbicʼ dhạrtiren tinạkʼ bin dusạnkoko khũn ocoakan onko sanamkoakʼ mãyãm reakʼ dạyikpe hoyokʼa.

Aposkạmi 5:39

Menkhan Isor secʼ khonakʼ kan khan ohope thir ocodaṛelekoa. Ente hoedaṛeakʼa ape do Isor upạrtegepe lạṛhại kan.”

Johan sodor 16:6

Noko hoṛko do Isorren hoṛko ar nạbikoko khũn akatʼkoa. Onate am do noa mãyãm ńũi lạgitʼem emakatʼkoa ar noage onko lạgitʼ do lek kana.”