Jirimiạ 26:15 - সান্তালী বাইবেল

¹⁵ Tobe noa do khạṭige baḍaekakʼpe, ińpe gocʼ giḍikạńre hõ miridosicʼakʼ mãyãm reakʼ dạyi do ape cetanrege ar niạ nagraha cetanre ar okoe nonḍeko tahenkan onko cetanrege paṛaokʼa; ente noako katha baḍae ocope lạgitʼge Probhu Isor doe kol akadińạ.”

Jirimiạ 26:15 Iomraidhean Croise

Genesis 4:10

Unre Probhu Isore menkeda, “Cetʼem ceka akada? Ńelme, ot khon amren boehawakʼ mãyãm do iń ṭhene rakʼeda.

Genesis 42:22

Ruben do onkoe metatʼkoa, “Iń doń metatʼpe tahẽkangea, ‘uni cetanre behokakʼ alope kạmiya.’ Menkhan unre bape ańjomletʼtińạ. Ńitokʼ do uniyakʼ mãyãm reakʼ hakʼla hạli reakʼ okte hoyakana.”

2 Bõsbudạ 24:22

Sakariạren apattetʼ Jehoyada do Joas ṭhen oka pạtiạrtetʼe udukʼletʼ Joas do ona bae disạletʼte uniren hopone gocʼ ocokedea. Sakariạ do gujukʼ jokhecʼe menleda, “E Probhu niạ baṛe hala ruạṛme.”

Kạhtukko 6:16

Probhu Isor do eae goṭecʼ jiniskoe kurudakʼkana onako do uni ṭhen hirkhạwakʼ kana;

Kạhtukko 6:17

bạḍạite perecʼ mẽtʼ, eṛe alaṅ, miridoskoakʼ mãyãme joro ocoyicʼ ti,

Jirimiạ 2:30

Iń do ạuṛiyakʼgeń sạjại akatʼpea; ińakʼ cehaona do bape moneyada. Jom ukʼjạṛkan dhạcri kul leka apeakʼ tarwaṛe do aperen nạbikoe gocʼ akatʼkoa.

Jirimiạ 2:34

Amakʼ tire do miridos reṅgecʼ orecʼkoakʼ jiwi reakʼ mãyãmge ńamokʼkana, onko do sind bhugạkʼ ṭhen bam ńamletʼkoa. Ar niạko tayom hõm meneda, ‘iń doń miridosgea; Probhu Isor do ińre jãhãn edre bạnukʼtaea.’ Menkhan iń do bicạrkateń sạjạimea, ente am dom meneda, ‘iń do bạń kại akada.’

Jirimiạ 22:17

Menkhan amakʼ mẽtʼ ar mon do eken behokakʼ hameṭjoṅ, miridoskoakʼ mãyãm ar santao ar julum reakʼge menakʼa.”

Jirimiạ 22:3

Probhu Isore meneda, ‘oka hok reakʼkan ar oka ṭhikakʼ kan ona onkaepe. Okoeye luṭ ocokʼkan uni do acʼren sasantaoicʼ khon rukhiyạyepe. Bidisiạko, ṭũạr amako ar rạnḍi maejiuko jãhãnakʼ alope behoktakoa se alope santaokoa ar niạ ṭhạ̃ire miridoskoakʼ mãyãm alope joro ocoytakoa.

Jirimiạ 26:12

Unre Jirimiạ do sanam hoṛko ar rajkạmiyạkoe metatʼkoa, “Ape do niạ oṛakʼ ar nagraha upạrte okape ańjomketʼ ona lạlại lạgitʼge Probhu Isor do ińe kol akadińa.

Jirimiạ 30:1

Probhu Isor ṭhen khon noa katha do Jirimiạ ṭhen sodorena,

Jirimiạ 7:6

ar bidisiạko, ṭũạr amarko se rạnḍiko bape santaoko ar niạ disạmre miridoskoakʼ mãyãm bape joro ocoy ar eṭakʼ debotako bape pańjako,

Numeri 35:33

Apeakʼ disạm do alope besapha ocoya, ente mãyãmpe joro oco lekhan disạm do besaphakʼa. Ar oka disạmre mãyãm jorokʼ onḍe do mãyãm joro ocoyicʼakʼ mãyãm chaḍa ar okalekate hõ ona reakʼ chut do baṅ dapalokʼa.

Mathae 26:25

Ado okoe bạirikoakʼ tire Jisui soprot ocoye lạgidokʼkan tahẽkan uni Jihudại menkeda, “E Guru, uni do cetʼ iń kạnạń?” Jisu do uniye metadea, “Am do ṭhikgem meneda.”

Aposkạmi 7:60

Are ikhṛumente ãṭ aṛaṅteye menkeda, “E Probhu Isor, nokoakʼ noa kại do alom lekhawakoa,” Ar noa menkate uni doe gocʼena.

Dosar Biboron 19:10

Ape do noape nonkaea jemon sompotti lekate okaṭakʼ disạm aperen Probhu Isore emape lạgidokʼkan ona disạm cetanre bin dusạn hoṛkoakʼ mãyãm alo jorokʼ ar mãyãm reakʼ doste ape hõ dusire alope paṛaokʼ.

Johan sodor 16:6

Noko hoṛko do Isorren hoṛko ar nạbikoko khũn akatʼkoa. Onate am do noa mãyãm ńũi lạgitʼem emakatʼkoa ar noage onko lạgitʼ do lek kana.”