Jirimiạ 24:9 - সান্তালী বাইবেল

⁹ Ar jãhãrege onkoń sạṅgiń giḍikako onḍege onko do botorankoń hoyocokoa, dhạrtiren sanam jạtrenko ṭhen hirkhạwanko, landa-dhutʼanko, henostako ar kạhtukgeń hoyocokoa. Ar onkoakʼ ńutum iạte hoṛko do onkoko sarapakoa.

Jirimiạ 24:9 Iomraidhean Croise

1 Rapajko 9:7

enḍekhan Israelko okaṭakʼ disạmiń emakatʼko ona khon doń laga oḍokpea. Ar okaṭakʼ mundil do ińakʼ tahen oṛakʼ lạgitʼ iń begar dohoakatʼ ona hõ ińakʼ mẽtʼãhã samaṅ khoniń sạṅgiń giḍikakʼa. Unre Israel do eṭakʼ eṭakʼ jạtrenko ṭhen kạhtuk ar cigạri lekako hoyokʼa.

2 Bõsbudạ 7:20

enḍekhan iń okaṭakʼ disạmiń emakawatʼpe ona khon rehetʼ sudhạń totʼ giḍikapea ar iń ńutumte okaṭakʼ koejoṅ oṛakʼ iń begar dohoakatʼ ona hõ ińakʼ mẽtʼãhã samaṅ khoniń sạṅgiń giḍikakʼa. Unre sanam jạtrenko ṭhen ona oṛakʼ do landa-dhutʼakʼ iń hoeocoya.

Sereńko 69:11

Ar gõṛẽ kicricʼ iń horokʼetʼ tahẽkanre hoṛko do ińko landa dhutʼạńkan tahẽkana.

Jesaea 43:28

Onate iń do apeakʼ mundilren naekekoń opomankoa ar Jakob do marao ocokʼ lạgitʼ iń soprotea ar Israel do landa-dhutʼicʼ iń hoeocoyea.”

Jesaea 65:15

Ińren bachao akan hoṛko do jãhãe henostako lạgitʼ apeakʼ ńutumko ńumtapea. Probhu Isor do apeye gocʼpea, menkhan acʼren golamko do ar mitʼṭecʼ ńutume emakoa.

Jirimiạ 15:4

Jihudạren raj Hiskiạren hopon Manase Jerusalemre okae ceka akatʼ ona iạte uni oka sạjạiyiń emae ona ńelte dhạrtiren sanam rajosṭiren hoṛ do botor caṛhaoakoa.

Jirimiạ 19:8

Niạ nagraha doń jarkhara ar landa-dhutʼakʼgeń hoeocoya; ar okoe ona aṛeteko parom calakʼ onko do ona reakʼ duk ńelte botor caṛhaoakoa arko land-dhutʼakʼa.

Jirimiạ 25:18

Iń do Jerusalem ar Jihudạ reakʼ nagrahako ar onaren rapajko ar rajkạmiyạkoń ńũ ocoketʼkoa, jemon teheń cetʼ leka menakʼko onkage jarkharakʼ, ujạṛakʼ, cigạri ar sarapan hoṛko hoyokʼ.

Jirimiạ 26:6

Onate niạ oṛakʼ do Silo lekań hoeocoya ar nonkań hoeocoya jemon dhạrtiren sanam jạtrenko niạ nagrahako sarapakʼ.’ ”

Jirimiạ 29:18

Iń do lạṛhại, akal ar mahamạrite onkoń khudạu baṛakoa ar dhạrtiren sanam rajosṭirenko ṭhen do botoranko lekań hoyocokoa. Ar okoe jạtrenko talareń laga ńirko onko ṭhen do landa-dhutʼan ar hirkhạwankogeń hoyocokoa. Onko ńelte hoṛko doko ṭhak utạrokʼa ar onkoakʼ ńutum do sarapanakʼ hoyokʼtakoa.

Jirimiạ 29:22

Ar Babelre menakʼko Jihudạren sanam bondiko do hoṛko ạsisakore unkinakʼ kathako roṛa, ‘Probhu Isor do Sedekiạ ar Ahab lekae hoeocoy tạkinma, one Babelren raj do seṅgelte unkine atarletʼ kin,’

Jirimiạ 34:17

“Ona iạtegeń meneda, ape do bape bataoletʼtińạ, ente aperen jạt bhạiko lạgitʼ ape do chaḍao reakʼ bape lại jạhirleda. Ona iạte ńitokʼ iń do ape lạgitʼ chaḍaokʼ reakʼ iń lại sodoreda; ona chaḍaokʼ do hoyokʼ kana lạṛhại, akal ar mahamạrige. Iń do nonka dosań hoyocoe tapea ona ńelte dhạrtiren sanam rajosṭiren hoṛ do botorteko thar tharaokʼa.

Jirimiạ 42:18

Israelren phạdkoren Probhu Isore meneda, ‘Jerusalemre okoeko girobasokʼkan onko cetanre cetʼleka ińakʼ edre ar khĩs paṛaokʼ akan onkage Misortepe senlen khan ińakʼ edre do ape cetanre paṛaokʼa. Ape do ṭiṭkạri ar hirkhạwan hoṛpe hoyokʼa; ape ńelte hoṛko do botor caṛhaoakoa ar ape do ạsisankope hoyokʼa. Ar tishõ niạ ṭhạ̃i do bape ńela.’

Jirimiạ 44:12

Jihudạren sarecʼ hoṛko okoe do Misorte senkate upriạ hoṛko leka girobasokʼ lạgitʼko goṭa akatʼ onko upạrte nonka bebostań hataoa onko jotoge Misorreko marao utạrokʼa. Onko do lạṛhạite ar baṅkhan akalteko gujukʼa. Ar landa dhutʼako jạtrenko hoyokʼa; onkoakʼ dosa ńelte hoṛko botorokʼa, ar onkoakʼ ńutumko sarapakʼa.

Jirimiạ 44:13

Iń do cetʼleka Jerusalem iń sạjại akadea, ar okoe Misorreko girobasokʼ kan onko hõ onkage lạṛhại, akal ar mahamạriteń sạjạikoa.

Jirimiạ 44:22

Apeakʼ bạṛicʼ ar hirkhạwakʼ kạmiko Probhu Isor do tinre bae sahao daṛeada unre apeakʼ disạm do ujạṛakʼ, maraoakʼ ar hirkhạwakʼ ṭhạ̃ige hoyena ar ona disạm reakʼ ńutum do hoṛkoko sarapakʼa. Ar teheń hạbicʼ hõ ona do onkage menakʼa.

Jeheskel 23:46

“Ente Probhu Isor do nonkae meneda; unkin upạrte phạdke phạd ạgukope ar mitʼṭecʼ botoranakʼ ar jarkharakʼge hoyocokinpe.

Jeheskel 25:3

Probhu Isorakʼ noa katha onko ańjom lạgitʼ metakom, ‘Ińakʼ oṛakʼ besonotokʼkan ar Israel disom ujạṛokʼkan ńelte ar Jihudạren hoṛko bondi ocokʼkan ńelte ape do ạḍipe kusilena.

Jeheskel 26:2

“E manwa hopon, Jerusalem babotre Tur do kusikateye menakada, ‘bhagege hoyakana, jạt jạtrenkoakʼ phaṭok duạr do rạputʼ akana ar ona reakʼ silpińko do jhicʼakana; iń doń purunokʼa, ente nagraha do jarkharena.’

Jeheskel 5:8

Ona iạte ińge am upạrte, ar boṅgan hoṛ jạtrenkoakʼ mẽtʼ samaṅreń sạjạimea.

Dosar Biboron 28:25

“Probhu Isorgeye nonkaea jemon ape do aperen bạiriko samaṅrepe bhagao ocokʼ. Ape do mitʼ horte jhãpe ema menkhan onko do eae horteko dạṛ pạnḍuja. Dhạrtiren eṭakʼ sanam rajosṭiren hoṛ do apeakʼ halot ńelte botorteko keklesedokʼa.

Dosar Biboron 28:37

Probhu Isor okoe jạtrenko talareye chirchạturpe onko do apeakʼ ona ńelte botorteko keklesedokʼa, ar ape do landa-dhutʼ ar cigạri baragpe hoyokʼa.