Jirimiạ 24:2 - সান্তালী বাইবেল

² Mitʼṭecʼ khạclạkʼre do pạhil beleakʼ loa leka bhage loa tahẽkana, ar eṭakʼ khạclạkʼre do ạḍi bạṛicʼ loa jo tahẽkana, ona do nunạkʼ bạṛicʼ tahẽkana je, okoege bako jom daṛeakʼa.

Jirimiạ 24:2 Iomraidhean Croise

Jesaea 5:4

Ińakʼ darkha bagwan lạgitʼ okań ceka akatʼ ona khon bạ̃ṛti do ar cetʼ cekae hoykokʼtińa? Tinre iń do bhage darkha lạgitʼ iń koyokʼ horkeda unre cedakʼ onare jojo darkha jo do joyena?

Jesaea 5:7

Phạdkoren Probhu Isorakʼ darkha bagwan do Israel bõsren hoṛkoge; ar Jihudạren hoṛko do rạskạwanakʼ darkha nạ̃ṛĩge. Uni do hok bicạr reakʼe ńam baṛakeda menkhan mãyãme ńelkeda; uni do dhorom reakʼe ńam baṛakeda menkhan duk reakʼ rakʼe ańjomkeda.

Jirimiạ 29:17

“Iń phạdkoren Probhu Isor do onko upạrte lạṛhại, akal ar mahamạriń kola ar onko do hirkhạwakʼ loa lekań hoyocokoa one ona do bạṛicʼ iạte celege bako jom daṛeakʼ.

Hosea 9:10

Probhu Isore meneda, “Hahaṅkarre darkha nạ̃ṛĩ leka Israel doń ńamledea; pạhil dhao jo emokʼkan loa dare reakʼ pạhilakʼ jo lekage aperen hapṛamkoń ńelletʼkoa. Menkhan onko do Bakʼal-Piyạr ṭhen senkate apnartetʼko ạkhrińena ar akoren dulạṛiạ boṅga lekage onko do hirkhạwankoko hoylena.

Mikạ 7:1

Hai iń do! Iń do niron din reakʼ joko samṭao akatʼ lekageń hoyakana one joko gotʼketʼ tayomko tumạlketʼ, ar jom lạgitʼ darkha reakʼ jãhãn thopage bạnukʼa; ar pạhilre beleakʼ loa hõ bạnukʼa one oka lạgitʼ ińakʼ jiwiye gagojokʼkan.

Nạhum 3:12

Amakʼ sanam gaṛko do bele jote perecʼ loa dare leka; jãhãege onae rukui uniyakʼ mocarege ona do ńurokʼa.

Numeri 18:13

Probhu Isor ṭhen ạguwakʼ onkoakʼ jumi reakʼ phosol hõ apeakʼ hoyokʼa. Ar apeakʼ gharońjren okoe saphako tahen eken onkoge onako jom daṛeakʼa.

Mathae 5:13

“Ape do dhạrti reakʼ buluṅ kanape, menkhan buluṅ sabakʼlen khan cekate rahamokʼa? Ona do ar okaṭakʼ kạmirege baṅ lagaokʼa. Eken bahrete giḍikakʼ ar hoṛko lebetʼakʼ lekge hoyokʼa.