Jirimiạ 23:9 - সান্তালী বাইবেল

⁹ Noa tayom nạbiko babotre Probhu Isorakʼ katha ańjomkate iń do ontorreń rạputʼ gejer akana ar ińakʼ sanam jaṅko do lewe lewe akana. Probhu Isor ar uniyakʼ sonot katha iạte iń do bul hoṛ leka, darkha rasa ńũkate bul bhuteṛ hoṛ lekań hoyakana.

Jirimiạ 23:9 Iomraidhean Croise

Sereńko 60:3

Amren hoṛko do akalem ńel ocoakatʼkoa; ar nonkan darkha nạ̃ṛĩ reakʼ rasam ńũ ocoakatʼlea onate ale do bul hoṛko lekale taṛameda.

Sereńko 69:20

Hirkhạ iạte ińakʼ mon do rạputʼ akana onate iń doń kạhil akana. Ińakʼ dukte jemon eṭakʼkoko dukokʼ ar onage iń doń khojkan tahẽkana, menkhan ona do bạń ńamleda. Jiwi raṛecʼko emdaṛeạń hoṛiń khojletʼkoa, menkhan onkan okoe hõ bạń ńamletʼkoa.

Jesaea 28:1

Hae, Ephrayimren bul hoṛkoakʼ mukuṭ lekan nagraha, one oka iạte onko doko bạḍạiyetʼ tahẽkan! Hae, ona Ephrayim reakʼ bạḍạite perecʼ ṭhonok reakʼ mosotʼ akan mala, one oka do buru-nala otet reakʼ muthnire menakʼakʼ! Ona buru-nalaren hoṛko do darkha rasateko ńũ oborakana.

Jesaea 29:9

Ape do ṭhak ar hahaṛakʼpe; jạpitʼkate kãṛãkʼpe, menkhan darkha rasa ńũte do alo; konḍe manḍekʼpe, menkhan bubulakʼ iạte do alo;

Jesaea 51:21

Onate E am nacaricʼ, niạ katha ańjomme. Am dom bul ocoakana, menkhan darkha rasate do baṅa.

Jesaea 6:5

Unre iń doń menkeda, “Hae, iń doń marao utạrena, ente ińakʼ moca do bhõnḍgetińa ar nonkan hoṛko talareń girobasokʼ kana okoekoakʼ moca do bhõnḍgetako. Iń do ińakʼ mẽtʼte raj, phạdkoren Probhu Isoriń ńelkedea.”

Jirimiạ 20:9

Ińiń menkhan, “Uniyakʼ katha do bạń lạiya se uniyakʼ ńutumte ar cetʼge bạń roṛa,” enḍekhan uniyakʼ katha do ińakʼ ontorre lokʼkan bursi seṅgel leka jaṅ bhitri hạbicʼ bond akange tahẽnkana. Iń do bhitrire doho dohoteń laṅga cabakʼkana; sạrige ona do ar bạń doho daṛeakʼkana.

Jirimiạ 36:16

Onko do sanamakʼ katha ańjomkate botorokʼ salakʼ am iń secʼko beṅgetʼana ar Barukko metadea, “Noako reakʼ joto katha do raj jạhiraetege hoyokʼa.”

Jirimiạ 5:31

Nạbiko do eṛeyakʼko nạbiyeda, naekeko do akoakʼ tirege ạidạri dohokateko ḍanṭao kana, ar ińren hoṛko do nonkageko dulạṛkana. Menkhan E ińren hoṛko, ona reakʼ mucạtʼ hecʼlenre cetʼpe cekaea?”

Jirimiạ 8:18

Ińakʼ duk do nunạkʼ ḍhera, ona reakʼ jiwi raṛecʼ do bạnukʼa; ińre ińakʼ ontor do ạḍi dukokʼkana.

Jirimiạ 9:1

Hae, ińakʼ bohokʼ do dakʼge hoylen khan, ar ińakʼ mẽtʼ do jharna dakʼge hoylentiń khan! Enḍekhan iń jạtren okoeko hoṛko gocʼ ocoakan onko lạgitʼ siń ar ńindạń rakʼkea.

Rak̕joṅ 3:15

Haṛhatʼakʼkote uni doe perecʼ akadińạ, ar bisteye bi ocoakadińạ.

Jeheskel 13:3

Probhu Isore meneda, ‘Hae, onko bebuj nạbiko do, okoe do jãhãn dorson baṅ ńamkate hõ ạuṛiyakʼte nạbi kathako roṛetʼkan.

Jeheskel 9:4

Uni doe metadea, “Am do Jerusalem nagraha talate parom calakʼme ar ona talare okako bạṛicʼakʼ kạmi hoyakan ar ona iạte okoeko kũhrạuetʼkan onkoakʼ moloṅre mitʼṭecʼ cinhạ emakom.”

Jeheskel 9:6

Haṛamko, juạnko, juạniko, maejiuko, ar kạṭicʼ gidrạko jotope gocʼkoa, menkhan okoekoakʼ moloṅre cinhạ menakʼ onko do alope joṭetʼkoa. Mundil khonge ona do ehobpe.” Onate onko do mundil samaṅre okoe murubbiko tahẽkan onko hoteteko ehopʼkeda.

Daniel 8:27

Iń Daniel doń laṅgayena ariń ruạyente thoṛa din giticʼ iń tahẽyena. Ona tayomiń beretʼena ar rajakʼ kạmi lạgitʼ iń senena. Iń do ona dorson ńelkate ạḍiń cintạyena, ente ona dorson reakʼ mane do bạń bujhạuleda.

Habakkuk 3:16

Ona ańjomkate iń do botorokʼ iń ehopʼena, ińakʼ luṭikin hõ thar tharaoentinạ; iń doń nijor idiyena ar ińakʼ jaṅgakin do lakaṛ lukuṛokʼ ehopʼena. Enhõ iń do ona din lạgitʼ jiwi hataṛkate koyokʼ hor akaegeń tahena one oka hilokʼ ale khekhedko do muhinreko paṛaokʼ.

Romiko lạgitʼ Pạul Apostolakʼ ciṭhi 7:9

Ińakʼ jionre ạnko hijukʼ lahare iń do jiwetʼgeń tahẽkana, menkhan hukum hijukʼ são sãote kại hõ jiwetʼ ruạṛena.