Jirimiạ 23:8 - সান্তালী বাইবেল

⁸ bickomko mena, ‘okoe do Israelko utạr ar eṭakʼ disạmteye sạṅgińletʼko ar onḍe khone ạguketʼko uni jiwetʼ Probhu Isor ńutumte kiriạkateń meneda.’ Onate onko do akoakʼ disạmreko girobasokʼa.”

Jirimiạ 23:8 Iomraidhean Croise

Jesaea 11:11

Enhilokʼ Probhu Isor do acʼren sarecʼ jiwetʼ hoṛko Ạsur khon, Misor khon, Pathros khon, Kus khon, Elam khon, Babel khon, Hamath ar jalapuri ḍhip reakʼ disạm khon bańcaoko lạgitʼ dosar dhao tiye tiyạrtaea.

Jesaea 14:1

Probhu Isor do Jakobe mãyãwaea; uni do arhõ Israele bachaoea ar onkoakʼ disạmreye duṛubea. Bidisiạ hoṛko do onko sãoteko seledokʼa ar onko do Jakobakʼ bõsrenko tulucʼko midokʼa.

Jirimiạ 16:14

Probhu Isore meneda, “Nonkan dinko hijukʼkana unre hoṛko do ar bako mena, ‘Misor disạm khon okoe do Israelkoe oḍok ạguletʼko, uni jiwetʼ Probhu Isor ńutumteń kiriạkʼkana,’

Jirimiạ 16:15

bickomko mena, ‘utạr disạm ar eṭakʼ disạmkore okoe do Israelkoe sạṅgińletʼko ar onḍe khone oḍok ạguakatʼko uni jiwetʼ Probhu Isor ńutumtele kiriạkʼ kana.’ Onko do ona kathako mena, ente onkoren hapṛamko okaṭakʼ disạmiń udukʼatʼko tahẽkan ona disạmtegeń ruạṛ ạgukoa.

Jirimiạ 23:3

Okako disạmre ińren pal bhiḍikoń laga ńirletʼko onḍe khon ińge onkoren sarecʼko do akoakʼ ạtiń ṭạnḍiteń ruạṛ ạgukoa; onḍe onko doko bạḍokʼa arko saṅge idikʼa.

Jirimiạ 29:14

Ape dope baḍaeyińạ, ar iń do apeakʼ bondi dosa khoniń ruạṛ ạgupea. Okoe jạtrenko ar ṭhạ̃ireń sạṅgiń akatʼpe onḍe khon iń doń samṭao jarwapea. Ar okaṭakʼ ṭhạ̃i khon bondikateń idi ocoletʼpe iń do onḍegeń ạgu ruạṛpea. Iń Probhu Isorge noa katha doń meneda.”

Jirimiạ 30:10

“Onate E ińren golam Jakob, am do alom botorokʼa; E Israel, alom as chuṭạukʼa. Iń do sạṅgiń ṭhạ̃i khon am ar bondi idi ocoakan amren hoponko khạṭigeń bańcaokoa. Jakob do arhõ suluk ar nirạiteye tahena ar okoehõ bako botor ocoyea.

Jirimiạ 30:3

ente nonkan dinko hijukʼkana tinre iń do ińren hoṛ Israel ar Jihudạ reakʼ dosań ạgu ruạṛa ar okaṭakʼ disạm do onkoren hapṛamkoń ematʼko tahẽkan ona disạmre iń do onkoń ruạṛ ạgukoa, ar ona do onkoakʼ dokholre tahena.”

Jirimiạ 31:8

Ńelpe, utạr disạm khon iń do Israelkoń ạgukoa ar dhạrti reakʼ ses simạna khoniń jarwa mitʼkoa. Onko modre kãṛãko, leḍhako, bhạrti hoṛmoko ar bedon rakapʼ akatʼko maejiu hõko tahena; ar maraṅ utạr mitʼṭecʼ dolko ruạṛ hijukʼa.

Jirimiạ 32:37

ińakʼ khĩs ar jolokʼkan edre iạte okako disạmre onkoń sạṅgiń giḍiletʼko onḍe khon khạṭigeń jarwakoa. Ar noa ṭhạ̃iteń ruạṛ ạgukoa ar khạtirjomań girobas ocokoa.

Jirimiạ 8:3

Okareń sạṅgiń giḍikako onḍe onko dusṭạmi jạtren sarecʼ jiwetʼ tahen hoṛ do jion khon morongeko kusiyakʼa. Noa katha do phạdkoren Probhu Isorgeye roṛeda.”

Jeheskel 28:25

“Eṭakʼ jạtrenko talare chirchạtur akan Israelko tinreń jarwakoa unre jạt jạtrenkoakʼ mẽtʼãhã samaṅre onko talare ińakʼ sonottetʼ iń sodora. Unre onko do akoakʼ ona disạmreko girobasokʼa one okaṭakʼ disạm do ińren guti Jakob iń emade tahẽkan.

Jeheskel 34:13

Iń do jạt jạtrenko ar disạmko tala khoniń oḍok ạgukoa ar akoakʼ disạmreń jarwakoa. Ar Israel reakʼ buru-boṭkocʼ cetanre, gaḍako aṛere ar disạm reakʼ sanam ṭhạ̃ikore onkoń gupikoa.

Jeheskel 36:24

“ ‘Boṅgan hoṛ jạtrenko tala khon ińge apeń oḍok ạgupea; ar goṭa disạm khoniń jarwapea ar apeakʼ disạmteń ruạṛ ạgupea.

Jeheskel 36:35

Onko doko mena, noa disạm do lahate maraolen tahẽkana, menkhan ńitokʼ ona do Eden bagwan leka hoyakana; ona reakʼ nagrahako do maraoakʼ, ujạṛakʼ ar jarkharakʼ hoylena, menkhan ńitokʼ do pạcrite esetʼ ar ḍerakʼ ṭhạ̃ige hoyakana.

Jeheskel 37:25

Ar okaṭakʼ disạm do ińren guti Jakob iń em akawadea, ar okaṭakʼ disạmre onkoren hapṛamko girobasokʼ kan tahẽkan onḍege onko hõko girobasokʼa. Onko ar onkoren hoponko, hoponerako ar goṛom gidrạko onḍe jaejugko tahena ar ińren guti Dạud do jaejug hạbicʼ onkoren raje hoyokʼa.

Jeheskel 39:28

Unre onko doko baḍae daṛeakʼa, onkoren Probhu Isor doń ińkangea, ente jạt jạtrenko talare bondi dosareń kolletʼko tahẽkanre hõ onko do akoakʼ disạmteń ruạṛ ạgukoa, ar okoehõ bạń bạgi oṭoakoa.

Joel 3:7

“Ańjompe, okako ṭhạ̃ikore onkope ạkhriń akatʼko onḍe khon iń do onkoń hoho ạgukoa ar ape okaṭakʼpe ceka akatʼ onage apeakʼ bohokʼreń ruạṛapea.

Mikạ 7:15

Misor disạm khon oḍok hijukʼ reakʼ dinko leka am do hahaṛawakʼ kạmiko udukʼaleme.

Sephaniạ 3:20

E Jerusalemren hoṛko, ona jokhecʼ iń do apeń ạgu jarwapea. Ar lahate leka tinreń ruạṛkatapea unre dhạrtiren sanam jạtrenko talare ape do manot ar ṭhonokan hoṛiń hoyocopea, ar onape ńela. Iń Probhu Isorge noa katha doń meneda.”