Jirimiạ 23:12 - সান্তালী বাইবেল

¹² Ona iạte onkoakʼ hor do leńjedokʼ reakʼ horge hoyakana; ńut doe laga baṛakoa ar onko do onḍegeko bhindạṛokʼa. Ar sạjại emako jokhecʼ iń do onko cetanre muhiniń paṛao ocoya.

Jirimiạ 23:12 Iomraidhean Croise

Jobakʼ 18:18

Uni do marsal khon ńutteye pharak ocokʼa; ar dhạrti khon doe laga ńir ocokʼa.

Sereńko 35:6

Onkoakʼ hor do ńut ar leńjetʼge hoyokʼma; Hẽ, Probhu Isorren goḍet do onkoe khudạuko ma.

Sereńko 73:18

Onko do sạrige leńjedokʼ jaegarem dohoakatʼkoa ar mohor meṭaokʼ talarem ńurhạ giḍi akatʼkoa.

Sereńko 82:5

Disạm cakʼlaokoakʼ do bud ar ạkil bạnukʼtakoa, onko do ńutreko dãṛãnkana; ar dhạrti soṅsar reakʼ rehetʼko dalmalaoeda.

Exodus 32:34

Ańjomme, iń okaṭakʼ jaega reakʼ kathań roṛakatʼ ńitokʼ am do senkate hoṛko onḍe idikom. Ińren goḍet do hore udukʼ idiapea. Ar tinre sạjại reakʼ okte hijukʼa unre onkoń sạjạikoa.”

Kạhtukko 4:19

Menkhan bedhoromkoakʼ hor do kaṛaṅ ńut; onko do bako baḍaea cetʼreko tohodokʼ kana mente.

Jesaea 8:22

Ona tayom onko do ot secʼ beṅgetʼkate eken duk kosṭo ar ńutko ńela. Ar botoranakʼ ńutre onko doko sạṅgiń ocokʼa.

Jirimiạ 11:23

Ar onkoren sarecʼko mente do celehõ bako tahena, ente Anathotren hoṛkoakʼ cetanre ghoṭnań paṛao ocoya onkoakʼ sạjạiyokʼ reakʼ sermare.”

Jirimiạ 13:16

Ape do aperen Probhu Isor sarhaoepe, ar baṅkhan uni do ńute ạguapea ar ape do ńut hijukʼkan buru cetanrepe tohodokʼa. Marsal reakʼpe aslenre hõ uni do ńute hoeocoya, ar ona do kaṛaṅ kucạṅ ńutge hoyokʼa.

Jirimiạ 48:44

Okoe toras khone dạṛjoṅ uni do ghaḍlakʼreye ńurokʼa, ar okoe ghaḍlakʼ khone rakapʼ hijukʼ uni do jhãmpareye sabokʼa; ente iń do Moab reakʼ sạjạiyiń ṭhik dohoakada. Iń Probhu Isorge noa katha doń meneda.

Jirimiạ 50:27

Uniren sanam ḍaṅgrako gocʼkope; onko do gocʼko lạgitʼko idi ocokʼma. Hae, onko do sạjạiyokʼ reakʼ dinge paṛao akatʼkoa.”

Jirimiạ 8:12

Onko do cetʼ akoakʼ ona bạṛicʼ kạmi iạteko lajaokʼkana? Baṅa, onko do cetʼ lajaoge bạnukʼtakoa; onko do lajaokʼge bako cetʼakada. Ona iạte onko do gurokʼko sãoteko gurokʼa. Ar tinre onkoń sạjạikoa unre onko doko tawakʼ ńur ocokʼa. Iń Probhu Isorge noa katha doń meneda.”

Rak̕joṅ 2:20

E Probhu Isor, ma beṅgedme, ar hudisme, am do okoe cetanrehõ nonka do bam beohar akada? Maejiuko do cetʼ akoren hoponko jomkoa one onkoko joton harayetʼko? Probhu Isorakʼ sonot ṭhạ̃ire do cetʼ naekeko ar nạbikoko gocʼ ocokʼa?

Mikạ 7:4

Onko modren sanamko khon bhage hoṛ do rạṅgạini lekako hoyakana, ar joto khon dhorom hoṛ do kuṛitʼrama reakʼ beṛha lekage. Aperen pahradarko lạiyakope, apeakʼ sạjại reakʼ din do sor akana mente. Ar andesalekʼ reakʼ okte do ńitokʼkangea.

Johan 12:35

Jisui metatʼkoa, ar thoṛa dinge ape talare marsaltetʼ menakʼa. Ape ṭhen marsal menakʼrege dãṛãnpe, jemon apere ńut do aloe jitạu daṛeakʼ.

Dosar Biboron 32:35

Behok reakʼ sạjại emokʼ reakʼ ạidạri do ińakʼge; okoeyakʼ oka kuṛại onage uniń emaea. Okte purạulen khan bạirikoakʼ jaṅga do leńjedokʼtakoa; onkoakʼ maraokʼ reakʼ din do sor hecʼakana. Onko lạgitʼ oka ṭhik dohoakan, ona do usạrage onkore paṛaokʼa.”

1 Johan 2:11

Menkhan okoe acʼren boehae kurudaekan uni do ńutre menaea ar ńutregeye dãṛãn kana. Uni do bae baḍaea okateye calakʼkana mente, ente ńut do uniyakʼ mẽtʼe kãṛã akatʼtaea.

Jihudạwakʼ ciṭhi 1:13

Noko do birbão talare jalapuri reakʼ ḍheoko leka kanako; ar jalapuri reakʼ photo leka nokoakʼ lajao paṛao kạmiko do capekʼ kana. Noko do ạcur baṛaekan ipil lekanako; jaejug lạgitʼ kaṛaṅ kucạṅ ńutge noko lạgitʼ do jogao dohoakana.