Jirimiạ 23:11 - সান্তালী বাইবেল

¹¹ Probhu Isore meneda, “Nạbi ar naeke do Isor bako botorae kana; ińakʼ oṛakʼre hõ onkoakʼ dusṭạmiń ńel akatʼtakoa.

Jirimiạ 23:11 Iomraidhean Croise

2 Bõsbudạ 33:5

Probhu Isorakʼ oṛakʼ reakʼ banar racarege uni do sermaren ipilko ńutumte adomakʼ pinḍkoe benaokeda.

2 Bõsbudạ 33:7

Uni do okoe murtikoe lakʼ rokʼ ocoketʼko onko do Isorakʼ oṛakʼreye dohokatʼkoa. Niạ oṛakʼ reaṅge Probhu Isor do Dạud ar uniren hopon Solomone metatʼkin tahẽkana, “Niạ oṛakʼ ar Israelren sanam gusṭiko tala khoniń bachao akawan niạ Jerusalemge iń lạgitʼ jaejug tahen oṛakʼ iń benaoa.

2 Bõsbudạ 36:14

Ona chaḍa naekekoren sanam mukhiyạko ar disạm hoṛko do eṭakʼ jạtrenko leka hirkhạwakʼ kạmikateko kạikeda ar Probhu Isor Jerusalemre okaṭakʼ oṛakʼ do acʼ ńutumteye begar doholetʼ ona hõe bhonḍ ocokeda.

Esra 10:18

Okoe eṭakʼ jạtren kuṛiko baplaletʼko tahẽkan onkoakʼ tạlika do nonka leka: Naekeko modre Josadakʼ hopon Jesua ar uniren boehakoakʼ bõsrenko modre Makʼasia, Eliaser, Jarib ar Godlia.

Jirimiạ 11:15

“Ińren dulạṛiạyicʼ do ińakʼ oṛakʼre cetʼ ạidạri menakʼtaea, aemako tulucʼ dusṭạmiye kạmiakatʼ khan? Cetʼ sonot jel do amakʼ nosṭokʼe eṛankea? E behokko, muhin hecʼapere hõ cetʼpe hulạskokʼa?”

Jirimiạ 23:15

“Ona iạte iń do phạdkoren Probhu Isorren nạbiko reakʼ iń roṛeda, iń do haṛhatʼakʼ jomakʼ ar bis dakʼgeń ńũ ocokoa, ente Jerusalemren nạbiko ṭhen khon do besonotakʼge goṭa disạmre oḍok akana.”

Jirimiạ 32:34

Onko do ińakʼ oṛakʼre akoren hirkhạwan murhutʼko doho akatʼkote onako bhonḍakada.

Jirimiạ 5:31

Nạbiko do eṛeyakʼko nạbiyeda, naekeko do akoakʼ tirege ạidạri dohokateko ḍanṭao kana, ar ińren hoṛko do nonkageko dulạṛkana. Menkhan E ińren hoṛko, ona reakʼ mucạtʼ hecʼlenre cetʼpe cekaea?”

Jirimiạ 50:6

“Ińren hoṛ do atʼ akan bhiḍiko lekako hoyakana; onkoren gukʼpiko do bạṛicʼ horteko ghańjeṛ idi akatʼkoa. Onko gukʼpiko iạte onko do buru burukore ar boṭkocʼ boṭkocʼko calakʼkana ar akoakʼ chaṛko hiṛińakada.

Jirimiạ 6:13

“Huḍińko khon hapṛakʼko hạbicʼ sanamkoge labko monejoṅ kana, nạbi ar naekeko hõ eṛeyakʼko kạmikana.

Jirimiạ 7:30

Probhu Isore meneda, “Jihudạren hoṛ do iń nońjorre bạṛicʼakʼko kạmi akada. Ińakʼ oṛakʼre akoren hirkhạwan boṅgako doho akatʼkote onako bhonḍakada.

Jirimiạ 8:10

Ona iạte akoren bạhuko do eṭakʼ hoṛko ar onkoakʼ khet baṛge do nãwã mạlik koń emakoa. Huḍiń utạricʼ khon maran utạricʼ hạbicʼ jotoge lab lạgitʼko lalocakʼ kana; nạbiko ar naekeko jotoge eṛeyakʼko kạmikana.

Rak̕joṅ 2:20

E Probhu Isor, ma beṅgedme, ar hudisme, am do okoe cetanrehõ nonka do bam beohar akada? Maejiuko do cetʼ akoren hoponko jomkoa one onkoko joton harayetʼko? Probhu Isorakʼ sonot ṭhạ̃ire do cetʼ naekeko ar nạbikoko gocʼ ocokʼa?

Jeheskel 23:39

Inạko dinrege unkin do ạkinren boṅgako ṭhen ạkinren hopon ar hoponerako kin teṅgen akatʼkoa ar ińakʼ oṛakʼte bolokatekin bhõnḍ akana. Unkin do ińakʼ oṛakʼrege noakin kạmi akada.

Jeheskel 44:10

“ ‘Israelko tinre bạṛicʼ horteko senlena unre iń bạgikate okoeko Liwi do boṅga secʼko ạcurlente iń khon sạṅgińko senlen onko do akoakʼ kại reakʼ kuṛại asen baṛae hoyokʼtakoa.

Jeheskel 7:20

Onko do mońj mońj gohna iạteko gorbokʼkan tahẽkana ar onate akoren hirkhạwan boṅga muṭhạnko benaojoṅ kan tahẽkana. Onate iń do onako hirkhạwakʼ jinisgeń hoyoco akatʼtakoa.

Jeheskel 8:11

Onako samaṅre Israelren gel eae murubbiko teṅgo akan ar onko talare Saphan hopon Jasaniạ teṅgo akaniń ńelkedea. Ar onko mimitʼkoakʼ tire do mitʼṭecʼkate dhup dạni tahẽkana ar ona khon dhũạ do rimil cetan secʼ rakabokʼkan tahẽkana.

Jeheskel 8:16

Ona tayom uni do Probhu Isorakʼ oṛakʼ bhitri reakʼ racareye idikedińa ar onḍe koejoṅ oṛakʼte bolokʼ hor reakʼ pinḍạre ar pinḍ talare bargel mõṛẽ hoṛko tahẽkana. Onko do Probhu Isorakʼ mundil secʼ deakate siń candoko sewawae kan tahẽkana.

Sephaniạ 3:3

Uniren rajren kạmiyạko do hạnḍrạukʼkan dhạcri kul leka ar disạm cakʼlaoko do ńindạren hunḍạr leka kanako; one setakʼ lạgitʼ cetʼge bako sarecʼ dohokakʼ kan.

Sephaniạ 3:4

Uniren nạbiko do ṭhok arko bepạtiạrgea. Uniren naekeko do sonotakʼko besonot ocoakada ar ạn-ạri upạrteko kạmikana.