Jirimiạ 23:1 - সান্তালী বাইবেল

¹ Probhu Isore meneda, “Hae, onko gukʼpiko do, one okoe do ińakʼ gupi ṭạnḍiren bhiḍikoko maraoetʼko arko chirchạtur cabayetʼkotiń.”

Jirimiạ 23:1 Iomraidhean Croise

Jirimiạ 10:21

Gukʼpiko doko bebujgea, onko do Probhu Isorakʼ mone joṅakʼ baḍae bako khoja; ar onatege bako jo bahakʼkana ar onkoren sanam pal janwarko doko chirchạtur akana.

Jirimiạ 12:10

Aema gupiko do ińakʼ darkha bagwanko nosṭo akatʼtińạ ar jaṅgateko lebetʼ gasmanḍao akada; ińakʼ mońj bagwan do ujạṛakʼ ar hahaṅkargeko hoyoco akada.

Jirimiạ 13:17

Ar katha bape ańjom khan apeakʼ bạḍại iạte iń do danaṅreń raga, ạḍitetʼ geń raga ar ińakʼ mẽtʼ do mẽtʼ dakʼte perecʼjokʼtińạ, ente Probhu Isorren hoṛ do bondikateko idi ocokʼa.

Jirimiạ 2:26

“Kombṛoe sapʼ ocolenre cetʼ lekae lajao ocokʼ onkage Israel bõsrenko hõko lajao ocokʼa. Onko do apnarte, akoren rapajko ar kạmiyạko, onkoren naekeko ar nạbiko jotogeko lajao ocokʼa

Jirimiạ 2:8

Naekeko hõ bako kuliyana, ‘Probhu do okare menaea mente?’ Okoeyakʼ tire ạn-ạri tahẽkan onko hõ bako oromledeńa; onko do iń upạrteko hulkeda. Nạbiko hõ ạuṛiyakʼren boṅgako tayomte senkate Bakʼal debota ńutumteko nạbiyetʼ tahẽkana.

Jirimiạ 22:22

Hoe do amren sanam gukʼpikoe oṭaṅ idikoa ar amren dulạṛiạko do bondikate sạṅgińteko idi ocokʼa. Unre amakʼ sanam dusṭạmi iạte lajao arem opoman ocokʼa.

Jirimiạ 23:2

Ona iạte okoe do ińren hoṛko gupiyetʼko onko gukʼpiko upạrte Israelren Probhu Isor doe meneda, “Ape do ińakʼ palren bhiḍikope chirchạtur akatʼkoa arpe laga ńir akatʼkoa, onko do bape joton akatʼkoa; onate iń do apeakʼ behok iạteń sạjạipea.

Jirimiạ 50:6

“Ińren hoṛ do atʼ akan bhiḍiko lekako hoyakana; onkoren gukʼpiko do bạṛicʼ horteko ghańjeṛ idi akatʼkoa. Onko gukʼpiko iạte onko do buru burukore ar boṭkocʼ boṭkocʼko calakʼkana ar akoakʼ chaṛko hiṛińakada.

Jeheskel 13:3

Probhu Isore meneda, ‘Hae, onko bebuj nạbiko do, okoe do jãhãn dorson baṅ ńamkate hõ ạuṛiyakʼte nạbi kathako roṛetʼkan.

Jeheskel 34:1

Probhu Isoe do ińe metadińạ,

Jeheskel 34:21

Joto nijor bhiḍiko ạuripe laga ńirko hạbicʼ ape do hoṛmo ar tarenkote onkope ṭhelaoetʼkoa ar dereńtepe uṭicʼ pạsiretʼkoa.

Jeheskel 34:31

E ińakʼ palrenko, ińakʼ ạtiń ṭạnḍirenko, ape do ińren kangeape ar iń doń aperen Isor kana. Ar iń Probhu Isorge noa katha doń meneda.’ ”

Jeheskel 36:38

Jerusalemre niṭ akatʼ porobre cetʼleka samaṅokʼ bheḍakote perejokʼkan tahẽkan onkage dhaṅdhaser akan nagrahako do alekha manwakote perejokʼa. Unre onko doko baḍae daṛeakʼa, ińkangeạń Probhu Isor do.”

Sakariạ 10:3

Probhu Isore meneda, “Gukʼpiko upạrte ińakʼ edre do jaljalaokʼ kantińạ, ona iạte mukhiyạ gukʼpikoń sạjạikoa. Iń phạdkoren Probhu Isorge ińakʼ palren, metakʼme Jihudạren hoṛkoń ńel todarotkoa ar daṛean lạṛhại sadom lekań hoyocokoa.

Mathae 15:14

Onko do apnartetʼko kãṛãgere hõ kãṛã ạyurko kanako. Ar kãṛã do kãṛãye ạyure khan banarge ghaḍlakʼrekin ńurokʼa.”

Mathae 9:36

Uni do gadel hoṛe ńelketʼko khan mãyã hecʼadea, ente onko do gupiyicʼ begor bhiḍi leka laṅga arko asokʼ ṭayokʼ akan tahẽkana.

Johan 10:10

Kombṛo do eken kombṛo, khũn ar nonosṭo lạgitʼe hijukʼa. Iń doń hecʼakana jemon jionko ńam, ar ona jion jemon sareṛokʼtako.

Johan 10:12

Eken din ṭalao lạgitʼ okoe gupi kạmiye kạmikan uni do gupiyicʼe baṅkana ar bhiḍiko hõ acʼren doko baṅkana. Uni do hunḍạr hijukʼe ńellere bhiḍikoe ńir bạgiyakoa, ente uni do eken din ṭalaotae lạgitʼ noae kạmikana ar bhiḍiko lạgitʼ hõ jãhãnakʼ bae dạndikʼa. Ar hunḍạr do onkoe ạtkirkoa ar bhiḍiko doko chirchạturokʼa.

Johan 10:8

Iń lahate okoeko hecʼlen onko sanamkoge kombṛo arko ḍạku kana, menkhan bhiḍiko onkoakʼ katha do bako ańjomleda.