Jirimiạ 22:9 - সান্তালী বাইবেল

⁹ Unre onkoko roṛ ruạṛa, ‘ona reakʼ karon do hoyokʼkana onko do Probhu Isorakʼ bondobosko bạgi akada ar debotakoko sewawako kan tahẽkana.’ ”

Jirimiạ 22:9 Iomraidhean Croise

1 Rapajko 9:8

Niạ mundil do ńitokʼ maraṅ utạrakʼ hoyakanre hõ unre ona aṛete okoeko parom calakʼ onko do unreko comkao godokʼa ar cigạrikateko mena, ‘Probhu Isor do cedakʼ niạ disạm ar niạ mundil doe nonka ocokeda?’

2 Rapajko 22:17

Onko do ińko bạgi giḍi akadińạ ar debotako ńutumte dhupko jeretʼetʼ kana ar akoakʼ titeko benao akatʼko sanam murhutʼkote ińko khĩs ocoyediń kana; ona iạte niạ jaega upạrte ińakʼ edre do salgaokʼkan tińạ ar ona do baṅge ĩṛĩjokʼa.’

2 Bõsbudạ 34:25

Onko do ińko bạgi giḍi akadińạ ar debotako ńutumte dhupko jeretʼetʼ kana ar onkoakʼ titeko benao akatʼko sanam boṅga murhutʼkote ińko khĩs ocoyediń kana. Ona iạte niạ jaega cetanre ińakʼ edre doń paṛao ocoygea ar ińakʼ edre seṅgel do baṅge ĩṛĩjokʼa.

Jirimiạ 11:10

Onko do onkoren hapṛamkoakʼ kại secʼgeko ruạṛ akana one okoe do ińakʼ katha ańjom bako rebenlen. Onko do debotako sewawako lạgitʼ onkoko pańjaketʼkoa. Onkoren hapṛamko lạgitʼ oka bondobosiń doholetʼ ona do Israel ar Jihudạren hoṛko bako manaoleda.

Jirimiạ 16:11

Unre am do onkom metakoa, Probhu Isore meneda, ‘noa reakʼ karon do hoyokʼ kana aperen hapṛamko do ińko bạgi giḍi akadińa ar debotako pańja akatʼkote onkoko sewa akatʼkoa. Onko doko bạgi giḍi akadińa ar ińakʼ ạn-ạriko bebatao akada.

Jirimiạ 50:7

Ar jãhãege onkoko ńametʼko onkogeko tạhuṛetʼkoa; onkoren bạiriko meneda, ‘ale do dusi dole baṅkana, ente Probhu Isor upạrte, onkoakʼ sạriyakʼ reakʼ ạtiń ṭạnḍi upạrte, onkoren hapṛamkoren asicʼ uni Probhu Isor birudre onko doko kại akada.’

Jirimiạ 9:13

Probhu Isore meneda, “Ona reakʼ karon do hoyokʼkana, iń okaṭakʼ ạn-ạriń emakatʼko ona doko bạgi akawada; onko do ińakʼ aṛaṅ bako ańjomleda ar ona leka bako taṛamleda.

Jeheskel 12:16

Menkhan onko talaren adom hoṛ do lạṛhạite, akalte ar mahamạri reakʼ ti khoniń bańcaokoa, jemon jãhãregeko calakʼ onḍege jạt jạtrenko talare akoakʼ joto hirkhạwakʼ kạmi reakʼ kathako aṅgoc. Onate onko doko baḍae daṛeakʼa, ińkangeạń Probhu Isor do.”

Jeheskel 14:23

Onkoakʼ sobhab ar kạmiko ńelte ape do jiwi raṛecʼpe ńama arpe bujhạu daṛeakʼa, ạuṛiyakʼte iń do jãhãnakʼ bạń cekaya mente. Ar iń Probhu Isorge noa katha doń menetʼkana.”

Jeheskel 39:23

Ar jạt jạtrenko doko baḍae daṛeakʼa, Israelko do akoakʼ kại iạte bondi dosateko senlena mente, ente onko do ińre bepạtiạuko tahẽkana. Ona iạte ińakʼ mẽtʼãhã do onko khoniń betʼ esetʼ akatʼ tahẽkana ar bạirikoakʼ tireń soprotletʼkoa; ar onko do jotoge lạṛhạireko gocʼlena.

Jeheskel 5:15

Iń do tinre heṛan edre, ar raṅgao ar heṛan eger hotete amiń sạjạimea unre am beṛhaeten jạtrenko do am ńelteko tharbasaokʼa; onko ṭhen am do nihạ̃t ar landa-dhutʼicʼgem hoyokʼa ar mitʼṭecʼ sontoricʼ lekage.

Dosar Biboron 29:24

Ona ńelte eṭakʼ sanam jạtren hoṛko mena, ‘Probhu Isor do cedakʼ noa disạm doe nonka akada? Cedakʼ uniyakʼ noa jaljalao edre do?’