Jirimiạ 22:8 - সান্তালী বাইবেল

⁸ “Ar eṭakʼ eṭakʼ jạtren hoṛko do niạ nagraha aṛeteko parom calakʼ jokhecʼ am ińko kulikʼa, ‘Probhu Isor do noa maraṅ nagraha cedakʼe nonkakeda?’

Jirimiạ 22:8 Iomraidhean Croise

Jirimiạ 16:10

“Noko hoṛko niạko katham jạhirako tayom tinre amko kulimea, ‘Cetʼ iạte Probhu Isor do ale upạrte nonkan muhin reakʼ kathae roṛeda? Ar aleakʼ ghạṭ do cetʼ kantalea? Aboren Probhu Isor upạrte ale do cetʼle kại akada?’

Jirimiạ 40:2

Jirimiại aṛage jokhecʼ Nebusaradan do uniye metade tahẽkana, “Amren Probhu Isor do Jihudạ upạrte niạ maraokʼ reakʼgeye roṛleda.

Jirimiạ 40:3

Ar Probhu Isor do ńitokʼ onageye onka akada. Noako do hoyakana, ape do Probhu Isor upạrtepe kại akada ar uniyakʼ aṛaṅ hõ bape ańjomletʼtaea.

Rak̕joṅ 4:12

Dhạrtiren rapajko do bako pạtiạukʼkan tahẽkana, Jerusalem reakʼ phaṭok duạrte jãhãe bạiriko bolo daṛeakʼa mente.

Jeheskel 12:16

Menkhan onko talaren adom hoṛ do lạṛhạite, akalte ar mahamạri reakʼ ti khoniń bańcaokoa, jemon jãhãregeko calakʼ onḍege jạt jạtrenko talare akoakʼ joto hirkhạwakʼ kạmi reakʼ kathako aṅgoc. Onate onko doko baḍae daṛeakʼa, ińkangeạń Probhu Isor do.”

Jeheskel 14:23

Onkoakʼ sobhab ar kạmiko ńelte ape do jiwi raṛecʼpe ńama arpe bujhạu daṛeakʼa, ạuṛiyakʼte iń do jãhãnakʼ bạń cekaya mente. Ar iń Probhu Isorge noa katha doń menetʼkana.”

Jeheskel 39:23

Ar jạt jạtrenko doko baḍae daṛeakʼa, Israelko do akoakʼ kại iạte bondi dosateko senlena mente, ente onko do ińre bepạtiạuko tahẽkana. Ona iạte ińakʼ mẽtʼãhã do onko khoniń betʼ esetʼ akatʼ tahẽkana ar bạirikoakʼ tireń soprotletʼkoa; ar onko do jotoge lạṛhạireko gocʼlena.

Jeheskel 5:15

Iń do tinre heṛan edre, ar raṅgao ar heṛan eger hotete amiń sạjạimea unre am beṛhaeten jạtrenko do am ńelteko tharbasaokʼa; onko ṭhen am do nihạ̃t ar landa-dhutʼicʼgem hoyokʼa ar mitʼṭecʼ sontoricʼ lekage.

Daniel 9:7

“E Probhu, am dom hokren Isor kana, menkhan teheń hạbicʼ ale do aleakʼ lajaole asen baṛayeda. Jihudạrenko, Jerusalemrenko ar Israelren sanamko do amre bepạtiạr iạte jạt jạtrenkoakʼ disạmrem chirchạturletʼko onko sanamkoge lajaoko asen baṛayeda.