Jirimiạ 22:5 - সান্তালী বাইবেল

⁵ Menkhan niạko hukum bape manao enḍekhan iń Probhu Isor do ińakʼ ńutumte kiriạkateń meneda, niạ raj oṛakʼ do jarkharokʼa.’ ”

Jirimiạ 22:5 Iomraidhean Croise

2 Bõsbudạ 7:19

“Menkhan ińakʼ hor khonpe pharakokʼ ar okako niạm ar hukumkoń emakawatʼpe onape bạgiyakʼte debotakope sewawako arpe ḍobokʼako,

2 Bõsbudạ 7:21

Niạ koejoṅ oṛakʼ do ńitokʼ nunạkʼ maraṅakʼ hoyakanre hõ unre okoe noa aṛeteko parom senokʼ onko do comkao godokʼteko kuliya, ‘Probhu Isor do cedakʼ niạ disạm ar niạ koejoṅ oṛakʼ cetanreye onkakeda?”

2 Bõsbudạ 7:22

Ar hoṛkoko roṛ ruạṛa, ‘noa reakʼ karon do hoyokʼkana, okoe do Misor disạm khone oḍok ạguletʼko onko hapṛamkoren Probhu Isor do onkoe bạgi giḍi akatʼkoa. Onko do debota secʼko ghańjeṛ akana ar onkoko sewawako kana; ar onatege uni do onko cetanre noa bạṛicʼakʼe paṛao ocoakada.’ ”

Sereńko 95:11

Ona iạte iń do edreteń kiriạlena, ‘onko do ińakʼ jirạukʼ jaegate baṅgeko bolo ńama.’ ”

Jesaea 1:20

menkhan tabe akae bape aṅgoc arpe hul enḍekhan khạṭige tarwaṛetepe marao ocokʼa.” Probhu Isor do acʼge niạ kathae roṛeda.

Jirimiạ 12:7

“Iń do amren hoṛkoń aṛakʼ giḍi akatʼkoa ar ińakʼ sompotti Israel doń bạgi akadea; ar okoeyiń dulạṛede uni do acʼren bạirikoakʼ tireń soprot akadea.

Jirimiạ 17:27

Menkhan ińakʼ katha bape ańjom ar jirạukʼmãhã iń ńutumte bape begar dohoy ar Jerusalem phaṭok duạrte enhilokʼ bojhakope ader, enḍekhan Jerusalem reakʼ sanam phaṭok duạrkore seṅgeliń lagaoa ar ona do Jerusalem reakʼ dolankoe joma. Ona seṅgel do okoehõ bako ĩṛicʼ daṛeakʼa.’ ”

Jirimiạ 26:4

Am do noa katham jạhirakoa, Probhu Isore meneda, ‘unạkʼ din ińakʼ katha do bape ańjomleda ar ape samaṅre okaṭakʼ ạn-ạriń dohoakatʼ ona hõ bape manao akada;

Jirimiạ 39:8

Babelrenko do rajakʼ oṛakʼre ar hoṛkoakʼ oṛakʼkore seṅgelko jeretʼada ar Jerusalem reakʼ pạcriko rạputʼkeda.

Jirimiạ 44:26

Menkhan Misorre girobasokʼ kan sanam Jihudiko, ape do Probhu Isorakʼ katha ańjompe. Probhu Isore meneda, ‘iń do ińakʼ maraṅ ńutumteń kiriạkʼ kana, Misorre jãhã ṭhạ̃iregeko girobasokʼ kan Jihudạren hoṛko do iń ńutumte kiriạkate bako mena, jiwetʼ Isor ńutumteń kiriạkʼ kana.

Amos 6:8

Phạdkoren Probhu Isor do acʼakʼ ńutumte kiriạkateye meneda, “Iń do Jakobakʼ bạḍại ar uniyakʼ gaṛkoń hirkhạwakʼ kana; onate apeakʼ nagraha ar onare menakʼ jotowakʼ do eṭakʼ hoṛakʼ tireń jimạkakʼa.”

Mikạ 3:12

Onatege Sion do ape iạte khet baṛge lekae cas ocokʼa, ar Jerusalem do dhaṅ dhaserakʼ ḍhipi leka hoyokʼa, ar koejoṅ oṛakʼ reakʼ buru do jhạuạkote dapal esedokʼa.

Mathae 23:38

E Jerusalemren hoṛko, apeakʼ oṛakʼ do ujạṛokʼa.

Ibriko 3:18

Ar okoeko ṭhen baṅ Isor doe kiriyạlenteye metatʼko tahẽkan, onko do uniyakʼ jirạukʼ joṅ jaegate bako bolo ńama? Onko do cetʼ nokoko hoṛ doko baṅkana one okoe do bako pạtiạuadete uniko bemanotlede?

Ibriko 6:13

Isor do Abrahame gokʼade tahẽkanre acʼakʼ ńutumteye kiriạlena, ente acʼ khon maraṅ okoe hõ bạnukʼkoa one uni ńutumteye kiriạ daṛekokʼ.

Ibriko 6:17

Isor oka emokʼ lạgitʼe gokʼletʼ, ar okoe onako ńam, onko do noa kiriạ hotete ạḍi pusṭạute udukʼakoe menleda je, uni okaṭakʼe ṭhik akatʼ ona do ar baṅ bodolokʼa. Onate uni do kiriạ hoteteye sạbudkeda okae ṭhik dohoakatʼ ona do hoyokʼgea mente.