Jirimiạ 22:18 - সান্তালী বাইবেল

¹⁸ Onatege Probhu Isor do Jihudạ raj Josiạren hopon Jehoyakim reaṅe meneda, “Uni lạgitʼ do okoehõ bae ‘hae haeyokʼa.’ Hoṛko do uni lạgitʼ ‘hae ińren kisạ̃ṛ! Hae uniyakʼ ṭhonok,’ onka do bako homor halaṅa.

Jirimiạ 22:18 Iomraidhean Croise

2 Samuel 1:26

Hae, Jonathan, ińren boeha! Am lạgitʼ ińakʼ do maraṅ duktiń. Ińren do tinạkʼ dulạṛiạ; iń lạgitʼ amakʼ dulạṛ do kuṛikoakʼ dulạṛ khon hõ ḍherge tahẽkana.

1 Rapajko 13:30

Uni do acʼ lạgitʼ benao akatʼ topare uniye topakadea. Uni ar acʼren hoponko do niạ menkate uni lạgitʼ homor halaṅko ehopʼena, “Hae boehatiń, hae!

2 Rapajko 23:36

Jehoyakim do bargel mõṛẽ bochor umerre raje hoylena. Uni do gelmitʼ bochor Jerusalemre raje calaokeda. Uniren eṅgattetʼakʼ ńutum do Sebida tahẽkana; uni do Ruma atoren Podaeren hoponerae tahẽkana.

2 Rapajko 23:6

Uni do Probhu Isorakʼ oṛakʼ khon Asera muṭhạn hataokate Jerusalem bahre Kedron soḍokʼte idikate onakoe atar giḍikada. Ona tayom onako gunḍạkate ona reakʼ dhuṛi do hoṛkoakʼ topa cetanreye chiṭiạukada.

2 Rapajko 24:6

Tayomte uni do acʼren hapṛamko ṭhene calaoena ar uniren hopon Jehoyakim do uniyakʼ jaegareye rajena.

1 Bõsbudạ 3:15

Josiạren pạhilicʼ hopon do Johanan, dosaricʼ do Jihowakim, tesaricʼ do Sidikiạ, ponicʼ do Solum.

2 Bõsbudạ 35:25

Josiạ lạgitʼ Jirimiạ do homor halaṅ sereńe joṛaokeda ar teheń hõ sanam gaenahako Josiạwakʼ homor sereńko sereńeda. Ar Israelko talare niạ do mitʼṭecʼ niạm lekage hoyena ar homor sereń reakʼ puthire hõ ona do ol hoyena.

2 Bõsbudạ 36:5

Jehoyakim do bargel mõṛẽ bochor umerre raje hoyena ar gelmitʼ bochor Jerusalemre raje calaokeda. Uni do acʼren Probhu Isorakʼ mẽtʼre oka bạṛicʼakʼkan onageye kạmiyetʼ tahẽkana.

Jirimiạ 16:6

Niạ disạmren huḍiń hapṛakʼ sanamgeko gujukʼa. Okoehõ onko do bako topakoa, onko lạgitʼ do bako homor halaṅa ar onko lạgitʼ akoakʼ hoṛmo hõ bako getʼ cirạitakoa, ar bohokʼ hõ bako hoyo poṭorokʼa.

Jirimiạ 21:11

Ona chaḍa Jihudạ reakʼ raj bõsrenko hõ niạ katha ańjom lạgitʼem metakoa,

Jirimiạ 22:10

Gocʼ akan raj lạgitʼ do alope rakʼ homora; ona khon bickom bondikate okoe sạṅgińteye idi ocoakan uni lạgitʼ rakʼ homorpe, ente uni do tishõ ar bae ruạṛ hijukʼa se acʼakʼ janam disạm hõ ar bae ńelńama.

Jirimiạ 22:12

Okare bondikateye idi ocoakan uni do onḍegeye gujukʼa; uni do noa disạm ar bae ńelńama.”

Jirimiạ 34:5

menkhan suluktegem gujukʼa. Amren hapṛamko, metakʼme am lahate okoe rajko tahẽkan onko manot emako lạgitʼ cetʼleka dhupko jeretʼetʼ tahẽkan onkage hoṛko do am manotme lạgitʼ dhupko jereda ar ‘haere hae kisạ̃ṛtale do’ niạ menteko halaṅ homora. Iń Probhu Isorge noa katha doń meneda.”

Jirimiạ 36:30

Ona iạte am reaṅ iń Probhu Isorgeń meneda, Dạudakʼ siṅghạsonre duṛubokʼ lạgitʼ amren do celege jiwetʼ bako tahena; amakʼ mạ̃ṛĩ do bahrete giḍi ocokʼa siń reakʼ setoṅ lạgitʼ ar ńindạ reakʼ rataṅ lạgitʼ.