Jirimiạ 22:16 - সান্তালী বাইবেল

¹⁶ Uni do reṅgecʼ orecʼko ar dukhạliạkoakʼ mamblae chinḍạuetʼtako tahẽkana. Probhu Isor baḍaeye do ona sanamakʼ kạmikoge.

Jirimiạ 22:16 Iomraidhean Croise

1 Bõsbudạ 28:9

“Ar ińren hopon Solomon, am do am apatren Isor samaṅrem taṛam ar amakʼ mon ar ontorte unim sewawaea, ente Probhu Isor do sanamkoakʼ ontore baḍaekana ar ganḍonjoṅakʼ hõe baḍaegea. Uniyakʼ monsubạ baḍae reakʼem kurumuṭule khanem baḍae daṛeakʼ, menkhan unim bạgiye enḍekhan uni hõ jaejug lạgitʼe nihạ̃tmea.

Sereńko 109:31

ente uni do reṅgecʼ orecʼko aṛereye tahena, jemon behok reakʼ bicạr khon onkoakʼ jiwiye rukhiyạitako.

Sereńko 36:10

Okoe amko baḍae akatʼme onkore amakʼ asambheṛ dulạṛ do jaejug hạbicʼ tahen ma; ar okoeyakʼ ontor khạṭige onko do jaoge amakʼ dhorom bicạrko ńama.

Sereńko 9:10

Am okoeko baḍae akatʼme onko do amregeko hirlạ joṅma, E Probhu Isor, ente okoe khạndri hạbicʼ baḍaemeko khojkan, onko do tis hõ bam bạgi giḍi akatʼkoa.

Kạhtukko 31:9

Alom thir hapekokʼa, hok reakʼ bicạrme; nacar ar reṅgecʼko lạgitʼ ạidạri rukhiyạitakome.

Jesaea 1:17

Bhageakʼ kạmi reakʼ cetʼ joṅpe, hok reakʼ bicạrpe, sasantaoko sudhrạukope, reṅgecʼko secʼ tahenpe, ar rạnḍi maejiukoakʼ teṅgo goṛowakope.”

Jirimiạ 5:28

Onko do moṭa arko cĩkạ̃ṛ akana. Onkoakʼ bạṛicʼ kạmi reakʼ simạko do bạnukʼtakoa; ṭũạr amarko jemon hok reakʼ bicạr aloko ńam onate onko secʼ bako teṅgokʼ kana ar nacarkoakʼ ạidạri hõ bako rukhiyạyetʼtakoa.

Jirimiạ 9:16

Ar nonkan boṅgan hoṛ jạtrenko talareń chirchạturkoa okoe do akohõ baṅ ar akoren hapṛamko hõ bako baḍae akatʼko. Ar ạuriko marao utạrko hạbicʼ onko tayom tayomte lạṛhạiyiń kola.’ ”

Jirimiạ 9:24

menkhan jãhãe sarhaokʼe menjoṅ kan khan uni do noa iạteye sarhaokʼma, uni do ińe orom akadińạ, metatʼme uni doe baḍae akadińạ, iń kangeạń Probhu Isor do; ińakʼ dulạṛ do asambheṛgea ar dhạrtire ińakʼ kạmi do dhorom ar sạriyakʼte perecʼgea. Ente iń do noakogeń bạsutakʼkana. Ar iń Probhu Isorge noa katha doń meneda.”

Jirimiạ 9:3

Probhu Isore meneda, “Onko do eṛeyakʼ sar tuń lạgitʼ akoakʼ akʼ leka alaṅko sapṛao akatʼtakoa; disạmre sạriyakʼ cetanre eṛeyakʼ jitạu akana. Onko do kại cetanko kạiyeda. Ar akoren Isor mente bako aṅgoc edeńkana.

Mikạ 6:8

E manwa, okaṭakʼ bhageakʼkan ona ma coṅ udukʼ akawatʼme. Hok reakʼem kạmi, dayam dulạṛ ar amren Isor tulucʼ nindhạntem taṛam chaḍa Probhu Isor do ar cetʼhõ coṅ am ṭhen khon ma bae khojkan.

Johan 16:3

Onko do noa iạtegeko onkaea ente Baba hõ bako baḍaeakadea ar iń hõ bako baḍae akadińạ.

Johan 17:3

Ar jaejug jion do nõkʼõe, amge eskar sạri Isorko baḍaeme ar amem kolakade Jisu Mạsi.

Johan 17:6

“Dhạrtirenko mod khon okoekom emakawạdiń onko ṭhen amiń sodor akatʼmea. Onko do amrengeko tahẽkana, ar am do ińem emakawạdińa. Onko do amakʼ kathako batao akada.

Johan 8:19

Phạrusikoko metadea, “Amren Baba do okare menaea?” Jisui roṛ ruạṛatʼkoa, “Ape do iń hõ bape baḍae akadińạ ar ińren Baba hõ bape baḍae akadea. Ente ińpe baḍaeliń khan honaṅ ińren Baba hõpe baḍaekea.”

Titus lạgitʼ Pạul Apostolakʼ ciṭhi 1:16

Onko do Isorko baḍaeyede kana menteko lạiyogokʼ kana, menkhan akoakʼ kạmi hotete uni doko baṅekana. Onko do hirkhạ ocokʼko ar bebataoko kanako ar sanam bhage kạmi lạgitʼ doko okạjuạgea.

1 Samuel 2:2

Probhu Isor leka sonoticʼ do okoe hõ bạnugicʼan, ente am chaḍa ar cele Isorge bạnukʼkoa; aboren Isor leka asrae buru do ar cetʼge bạnukʼa.