Jirimiạ 22:11 - সান্তালী বাইবেল

¹¹ Uni doe hoyokʼ kana Josiạ hopon Salum, okoe do acʼren apat tayom Jihudạren raje hoylena menkhan uni do noa ṭhạ̃i bạgikateye calaoena. Probhu Isor do uni reaṅe meneda, “Uni do tishõ ar bae ruạṛ hijukʼa.

Jirimiạ 22:11 Iomraidhean Croise

2 Rapajko 23:29

Josiạwakʼ rajokʼ oktere Misorren Pharao raj Neko do Asurren raj goṛowae lạgitʼ phurạt gaḍa secʼe senena. Unre Josiạ hõ uni teṅgo darame lạgitʼe oḍok calaoena, menkhan Pharao Neko do uni tulucʼe lạṛhạiyente Josiạ do Megidoreye gocʼocoyena.

2 Rapajko 23:30

Josiạren lạṛhại phạdko do rãt gạḍire uniyakʼ mạ̃ṛĩko ladeketʼte Megido khon Jerusalemteko ạgukeda ar uniye ṭhik dohoakatʼ topareko baekadea. Tayomte disạmren hoṛko do uniren hopon Jehoahasko ojokʼ bahalkedete uniren apatakʼ jaegareko rajkedea.

2 Rapajko 23:31

Jehoahas do bargel pe bochor umerre Jihudạren raje hoylena. Uni do Jerusalemre pe cando raje calaokeda. Uniren eṅgatakʼ ńutum do Hamutal tahẽkana; uni do Libna nagraharen Jeremiạren hoponerae tahẽkana.

2 Rapajko 23:34

Ar Josiạren eṭagicʼ hopon Eliakim do uniren apat Josiạ bodolteye rajkedea ar Eliakimakʼ ńutume bodolketʼte Jehoyakime dohoketʼtaea. Pharao Neko do Jehoahas Misorteye idikedea, ar Jehoahas do onḍegeye gocʼena.

1 Bõsbudạ 3:15

Josiạren pạhilicʼ hopon do Johanan, dosaricʼ do Jihowakim, tesaricʼ do Sidikiạ, ponicʼ do Solum.

2 Bõsbudạ 28:12

Unre lạṛhại khon okoeko ruạṛ hecʼlen Ephrayimren adom mukhiyạko do onko upạrteko teṅgoyena. Onko mukhiyạko doko hoyokʼkana Johanan hopon Asariạ, Mesillemot hopon Berekiạ, Salumren hopon Jehiskiạ ar Hadlalren hopon Amasa.

2 Bõsbudạ 34:22

Unre Hilkiạ ar acʼ sãote raj okoekoe kolletʼko onko do niạ reaṅ baḍae lạgitʼ maejiu nạbi Hulda ṭhenko senena. Hulda do kicricʼ khạnḍwạkʼ rurukhiyạicʼ Salumren bạhui tahẽkana. Salum do Hasraren goṛomtetʼ koṛa, metakʼme Toknatren hopone tahẽkana. Uni do Jerusalem reakʼ dosarakʼ ṭhạ̃ireye tahenkan tahẽkana.

Jirimiạ 22:27

Ar okaṭakʼ disạmte ruạṛ hijukʼpe khojkan onḍe do tishõ bape ruạṛ hecʼ daṛeakʼa.”

Sephaniạ 1:1

Amonren hopon Jihudạren raj Josiạwakʼ rajokʼ jokhecʼ Kusren hopon Sephaniạ ṭhen Probhu Isorakʼ katha do sodorena. Kus do Gedaliạren hopon, ar Gedaliạ do Amariren hopon, ar Amari do Hiskiạren hopone tahẽkana.