Jirimiạ 21:6 - সান্তালী বাইবেল

⁶ Niạ nagrahare okoeko girobasokʼkan baṅ do manwa baṅ do janwar, onko jotoge mahamạriteń ńẽtʼkoa, ar onate onko doko gujukʼa.

Jirimiạ 21:6 Iomraidhean Croise

Jesaea 6:11

Unre iń doń menkeda, “E Probhu Isor, ar tinạkʼ din?” Uni doe roṛ ruạṛạdińa, “Tinạkʼ din nagrahako baṅ marao utạrokʼ, oṛakʼ-duạr baṅ ujạṛokʼ ar khet-baṛgeko baṅ jarkharokʼ;

Jirimiạ 14:12

Onkoko upạsetʼre hõ onkoakʼ rakʼ do bạń ańjomtakoa; jeredokʼ samaṅokʼakʼ ar anaj samaṅokʼakʼko samaṅre hõ iń do bạń ataṅtakoa. Ona bodolte lạṛhại, akal ar mahamạrgeń kola ar onateń maraokoa.”

Jirimiạ 20:4

Ente Probhu Isore meneda, ‘apnar lạgitʼ ar ar amren gateko lạgitʼ mitʼṭecʼ torasgeń hoyocomea. Onko do am ńeńel tulucʼge akoren bạirikoakʼ tarwaṛeteko gocʼ ocokʼa. Iń do goṭa Jihudạ Babelren rajakʼ tireń soprota. Uni do onkoren ḍher hoṛge Babelteye bondi idikoa ar sarecʼ hoṛ do tarwaṛeteye gocʼkoa.

Jirimiạ 32:24

Nagraha hatao lạgitʼ cetʼleka pạcri sãote pinḍhạ benao hoyokʼkan ona baṛe ńelme. Lạṛhại, akal ar mahamạri hotete nagraha do Babelrenkoakʼ tire calakʼ lạgitʼ. Ar ona dom ńeletʼkangea, ar okam menletʼ onage hoyakana,

Jirimiạ 33:12

Noa potit jumi, okare manwa ar janwar celege bạnukʼko, onḍe ar onḍenakʼ sanam nagraha ar atoko do arhõ gukʼpiko ar bhiḍiko lạgitʼ ạtiń ṭạnḍige hoyokʼa.

Jirimiạ 34:17

“Ona iạtegeń meneda, ape do bape bataoletʼtińạ, ente aperen jạt bhạiko lạgitʼ ape do chaḍao reakʼ bape lại jạhirleda. Ona iạte ńitokʼ iń do ape lạgitʼ chaḍaokʼ reakʼ iń lại sodoreda; ona chaḍaokʼ do hoyokʼ kana lạṛhại, akal ar mahamạrige. Iń do nonka dosań hoyocoe tapea ona ńelte dhạrtiren sanam rajosṭiren hoṛ do botorteko thar tharaokʼa.

Jirimiạ 36:29

Ona chaḍa Jihudạren raj Jehoyakimem metaea, Probhu Isore meneda, ‘puthi jeretʼ giḍikateyem kulikana Jirimiạ do cedakʼ ona puthireye ol akada, Babelren raj do khạṭige hecʼkate noa disạme jarkhara ar manwa ar janwarkoe maraokoa?

Jirimiạ 42:22

Onate ńitokʼ baḍaekakʼpe, okaṭakʼ ṭhạ̃ite senkate girobasokʼpe menetʼkan onḍe do lạṛhạite, akalte ar mahamaritepe gujukʼa.”

Jirimiạ 7:20

Ona iạte Probhu Isor doe meneda, “Ińakʼ edre ar raṅgao do niạ ṭhạ̃i cetanre, manwa ar janwarko cetanre, ṭạnḍi reakʼ dare nạ̃ṛĩko cetanre ar jumi reakʼ phosolko cetanreń paṛao ocoya, ar ona edre do jolokʼtege tahena, baṅge ĩṛĩjokʼa.”

Jeheskel 12:16

Menkhan onko talaren adom hoṛ do lạṛhạite, akalte ar mahamạri reakʼ ti khoniń bańcaokoa, jemon jãhãregeko calakʼ onḍege jạt jạtrenko talare akoakʼ joto hirkhạwakʼ kạmi reakʼ kathako aṅgoc. Onate onko doko baḍae daṛeakʼa, ińkangeạń Probhu Isor do.”

Jeheskel 14:13

“E manwa hopon, jãhã disạmren bepạtiạrakʼko kạmite iń reaṅko kại, ar iń do onko upạrte ińakʼ tiyiń tiyạrte ona lạgitʼ piṭhạ reakʼ jogao iń bond ocoy, ar onate akaliń kolte manwako ar janwarkoń maraoko,

Jeheskel 14:17

“Iń do ona disạm upạrte tarwaṛe ạgukateń men, ‘disạm reakʼ sanam ṭhạ̃ire lạṛhại hoyokʼma,’ ar iń do onaren hoṛko ar janwarkoń gocʼko.

Jeheskel 14:19

“Ar iń do ona disạm talare mahamạriń kol ar onaren manwa ar janwarkoń gocʼ cabakote ińakʼ edre onko cetanreń dultiń,

Jeheskel 14:21

“Ńitokʼ iń Probhu Isorgeń menetʼ kana, iń do tinre Jerusalemren manwa ar janwarko gocʼko lạgitʼ uni upạrte lạṛhại, akal, bir janwarko ar mahamạri noa ponea botoranakʼ sạjạiyiń kola unre tinạkʼ artetʼ bạṛicʼ hoyokʼa!

Jeheskel 33:27

“Am do onkom metakoa, iń Probhu Isorge iń ńutumte kiriạkateń menetʼkana, okoe ona dhaṅ dhaser akan ṭhạ̃ire menakʼko onko doko gocʼ ocokʼa, ar okoe ṭạnḍire menakʼko onko do bir janwar ṭhen jom ocokʼ lạgitʼ iń emakoa ar okoe gaṛ ar danderre menakʼko onko do mahamạriteko gujukʼa.

Jeheskel 33:29

Onkoakʼ hirkhạwakʼ sanam kạmiko iạte tinre disạm do ujạṛ utạrakʼ iń hoeocoya unre onko doko baḍae daṛeakʼa, ińkangeạń Probhu Isor do.

Jeheskel 7:15

“Nagraha bahrere do lạṛhại ar bhitrire do mahamạri ar akal menakʼa; ar okoe bahrereko tahen onko do lạṛhạiteko gujukʼa, ar okoe nagraha bhitrireko tahen onko do akal ar mahamạriteko jom ocokʼa.

Hosea 4:3

Ona iạte disạm doe homor halaṅeda ar okoe uni talareko tahen kan onko doko marao utạrokʼ kana ar janwarko, cẽṛẽko ar hako hõko gocʼ cabakʼ kana.

Mikạ 3:12

Onatege Sion do ape iạte khet baṛge lekae cas ocokʼa, ar Jerusalem do dhaṅ dhaserakʼ ḍhipi leka hoyokʼa, ar koejoṅ oṛakʼ reakʼ buru do jhạuạkote dapal esedokʼa.

Sephaniạ 1:3

Manwa ar janwar, coṭren cẽṛẽ ar jalapuriren hakoko hõń caba utạrkoa. Iń do bedhoromkoń sumạrkoa. Ar dhạrti khon manwa doń marao utạrkoa.

Luk 21:24

Onko do tarwaṛeteko gocʼ ocokʼa ar sanam jạtrenko talare bondi akan leka chirchạturko tahena. Ar por jạtrenkoakʼ okte ạuri purạukʼ hạbicʼ Jerusalem do onkoakʼ jaṅgate lebetʼ gańjaokʼa.