Jirimiạ 21:2 - সান্তালী বাইবেল

² “Babelren Nebukadnesar raj do abo sãoteye lạṛhại kana; onate abo ńutumte Probhu Isor ṭhen nehõrokʼ me jemon uni do abo ṭhene ruạṛ hijukʼ. Hoedaṛeakʼa Probhu Isor do lahate leka abo lạgitʼ hahaṛawakʼe kạmiya.”

Jirimiạ 21:2 Iomraidhean Croise

Genesis 10:10

Uni do Sinạr disạm reakʼ Babel, Erek, Akad ar Kalnere rajosṭiye calaoetʼ tahẽkana.

2 Rapajko 1:3

Menkhan Probhu Isorren goḍet do Tisberen Eliại metadea, “Am do senkate Samariạren raje kol akatʼko hoṛko sãote ńapamkatem metakoa, ‘Israelre Isor do cetʼ bạnuiya, onate Ekronren debota Bakʼal-sebub ṭhen kulijoṅpe calakʼ kana?

2 Rapajko 17:24

Asurren raj do Israel hoṛkoakʼ jaega purun lạgitʼ Babel, Kuth, Awa, Hamat ar Sepharwayim khon hoṛko ạgukate Samariạ nagraha ar atokoreye dohoketʼkoa. Ar onko do onako jaegare girobasokʼko ehopʼena.

2 Bõsbudạ 32:21

Onate Probhu Isor do mitʼṭen goḍete kolkedea uni do Ạsurren rajakʼ ḍeraren sanam lạṛhại birko, mukhiyạko ar subedarkoe marao giḍikatʼkoa. Onate Senakerib doe lajaoente apnarakʼ disạmteye ruạṛ calaoena. Ar acʼren debotawakʼ mundilteye boloyen khan unire adom hoponko do uniko gocʼkedea.

Exodus 9:28

Am do Probhu Isor ṭhen nehõrokʼme. Huḍur ar arel do ḍherge hoyakana. Niạ dhao doń sen ocoapea. Nonḍe do ar tahen baṅ hoyokʼtapea.”

Jesaea 48:2

Ape do sonot nagraharen hoṛ mentepe ńumogokʼ kana ar Israelren Isor cetanrepe bhorsakʼ kana, one uniyakʼ ńutum do phạdkoren Probhuge.

Jirimiạ 15:11

Probhu Isore meneda, “Mitʼṭecʼ bhạlại iạte khạṭigeń aṛakʼmea. Iń do nonkan dosań hoeocoya, onate muhin ar akal oktere amren bạiriko do am ṭhen hecʼkateko nehõrokʼa.

Jirimiạ 21:3

Jirimiạ do onkoe metatʼkoa, “Ape do Sedekiạ raj metaepe,

Jirimiạ 32:17

‘E Probhu Isor, am do amakʼ maraṅ daṛete ar amakʼ daṛeanakʼ tite serma ar otem benao akada. Am ṭhen bin leṭecʼakʼ do cetʼge bạnukʼanaṅ.

Jirimiạ 32:24

Nagraha hatao lạgitʼ cetʼleka pạcri sãote pinḍhạ benao hoyokʼkan ona baṛe ńelme. Lạṛhại, akal ar mahamạri hotete nagraha do Babelrenkoakʼ tire calakʼ lạgitʼ. Ar ona dom ńeletʼkangea, ar okam menletʼ onage hoyakana,

Jirimiạ 34:1

Babelren raj Nebukadnesar, ar uniren sanam lạṛhại phạdko ar uni tabe reakʼ sanam rajosṭiko ar jạtrenko tinre Jerusalem ar ona beṛhaeteakʼ nagrahako upạrteko lạṛhạikan tahẽkana unre Israelren Probhu Isor do Jirimiại metadea uni do jemon Jihudạren Sedekiạ raj ṭhen senkateye metae, “Iń Probhu Isorge noa katha doń meneda, noa nagraha do Babel raj ṭheniń soprota ar uni do seṅgelteye ḍahao maraoa.

Jirimiạ 37:17

ona tayom Sedekiạ do hoṛ kolkate uniye oḍok ạgukedea; ar raj do acʼakʼ oṛakʼre oko okoteye kulikedea, “Probhu Isorakʼ jãhãn katha menakʼa?” Jirimiại menkeda, “hẽ, menakʼgea. Uni do arhõe menkeda, am do Babelren rajakʼ tirem soprot ocokʼa.”

Jirimiạ 37:3

Enhõ mitʼdin Sedekiạ raj do Selemiạ hopon Jehukal ar Maseya hopon naeke Sephaniạ tekin Jirimiạ nạbi ṭhen kolketʼkinteye roṛgotʼkada, “Am do dayakate, aboren Probhu Isor ṭhen ale lạgitʼ koeme.”

Jeheskel 7:26

Muhin cetan muhin hijukʼa, unạn cetan unạn ańjomokʼa. Onko do nạbiko ṭhen khon dorson reakʼ katha ańjom lạgitʼko kurumuṭuiya; naekekoakʼ ạn-ạri reakʼ cecetʼakʼ ar murubbikoakʼ sopolha do baṅ tahena.

Bikʼcạrko 20:27

Onako dinre Isorakʼ bebosta sinduk do Bethelrege tahẽkana, ar Aronren goṛomtetʼ koṛa, metakʼme Eliaser hopon Pinhas do ona samaṅre teṅgokateye sewayetʼ tahẽkana. Ona iạte Israelko do onḍe Probhu Isorakʼ sana baḍae lạgitʼko kuliyana, “Ale do aleren boeha Benjamin gusṭiren upạrte arhõ lạṛhại lạgitʼle calakʼa se baṅa?” Probhu Isore roṛ ruạṛatʼkoa, “Do calakʼpe, ente gapage apeakʼ tire onkoń jimạkoa.”

1 Samuel 10:22

Unre hoṛko do Probhu Isorko kulikedea, “Nonḍe do cetʼ ar jãhãe menakʼkoa?” Probhu Isore menkeda, “Ńelpe, uni do asbabko talareye oko akana.”

1 Samuel 28:15

Samuel do Sạule kulikedea, “Cedakʼ rakapʼ ạgukateyem ạṛisedeń kana?” Sạule menkeda, “Ạḍi muhinreń paṛao akana. Philisṭiko do iń upạrteko lạṛhạikana ar Isor hõe bạgi giḍi akadińạ. Uni do nạbiko hotete hõ baṅ, ar kukmũte hõ bae roṛ ruạṛạń kana. Ona iạte ńitokʼ cetʼ cekae jạruṛtińạ ona baḍae lạgitʼge amiń rakapʼ ạgu ocoakatʼmea.”

1 Samuel 28:6

Ar cetʼe cekaea mente Probhu Isor ṭhene kuliyana, menkhan Probhu Isor do kukmũte hõ baṅ, Urim ar Thumimte hõ baṅ se nạbiko hotete hõ bae roṛ ruạṛadea.