Jirimiạ 21:13 - সান্তালী বাইবেল

¹³ E Jerusalem, buru nala otetre tahenkanicʼ iń do enhõ am upạrte minạńa. Am dom meneda, ape upạrte do okoege bako hecʼdaṛeakʼa, ar apeakʼ tahen ṭhạ̃ire okoehõ bako bolo daṛeakʼa;

Jirimiạ 21:13 Iomraidhean Croise

Sereńko 125:2

Jerusalem beṛhaete cetʼleka burute esetʼ ạcurge onkage Probhu Isor do acʼren hoṛkoe esetʼ ạcur akatʼkoa, ar ńitokʼ hõe dohoyetʼkoa ar jaejug hạbicʼ hõe dohokoa.

Exodus 13:20

Niạ tayom onko do Sukot nagraha khon mohnḍakate hahaṅkar reakʼ Etamko metakʼ jaegareko ḍerayena.

Exodus 13:8

Enhilokʼ ape do aperen hoponkope metakoa, ‘Misor disạm khon tinreń oḍok hecʼlena unre Probhu Isor iń lạgitʼ okae cekaletʼ ona disạite noań onkayeda.’

Jesaea 22:1

Dorson reakʼ buru-nala babotre Probhu Isorakʼ katha do nonka: Am do ńitokʼem ceka akante, amren hoṛko do chat cetanteko rakapʼ kana?

Jirimiạ 17:3

E Jihudạ, amakʼ kại gunạkʼte disạm talare ińakʼ burure amakʼ dhonko ar amakʼ murạiko ar goṭa disạm reakʼ amakʼ than boṭkocʼko do luṭ reakʼ jinis lekateń soprota.

Jirimiạ 21:5

Ińge ape upạrteń lạṛhạiya ińiń tiyạr akatʼ ti ar keṭecʼ sopote, edre raṅgao ar maraṅ kurkurạukʼtege.

Jirimiạ 49:16

E dhiri paṛakʼkore girobasokʼ kan buru reakʼ usul ṭhạ̃iren ạidạriyicʼ, am dom torasanicʼ kanre hõ amakʼ ontor reakʼ bạḍạikoge am doe eṛe akatʼmea. Am do pajhaṛ cẽṛẽ leka coṭrem tukạlere hõ latarteń or pheḍ ạgumea.

Jirimiạ 50:31

Iń phạdkoren Probhu Isorgeń meneda, E bạḍạiyicʼ, ńelme, am birudrege minạńa, ente sạjại ńam reakʼ din do seṭer akantama.

Jirimiạ 51:25

Probhu Isore meneda, “E jarkharicʼ buru, am do goṭa dhạrtiren makʼraoicʼ kanam; iń do am upạrte minạńa. Iń do am upạrte ińakʼ tiyiń tiạra ar cạṭạni khoniń kunḍlạń ńurhạmea ar am do mitʼṭecʼ lo ceḍe buru lekań hoyocomea.

Jirimiạ 7:4

Probhu Isorakʼ oṛakʼ ńutumte oka eṛe katha roṛogokʼkan onare do alope bhorsakʼa.

Rak̕joṅ 4:12

Dhạrtiren rapajko do bako pạtiạukʼkan tahẽkana, Jerusalem reakʼ phaṭok duạrte jãhãe bạiriko bolo daṛeakʼa mente.

Jeheskel 13:8

“ ‘Iń Probhu Isorgeń meneda, onkoakʼ eṛe katha ar eṛe dorson lạgitʼ iń do onko upạrte minạńa.

Jeheskel 21:3

Unim metaea, Probhu Isore meneda, ‘iń do am upạrte minạńa. Iń do khap khon ińakʼ tarwaṛeń oḍoka ar am tala khon dhorom hoṛ ar bedhorom hoṛ jotogeń gocʼkoa.

Jeheskel 34:10

Iń Probhu Isorgeń menetʼkana, iń do gukʼpiko secʼ do bạnuńạ; ar onkoakʼ ti khon ińren bhiḍikoń hataokoa. Ar ińren pal gukʼpiko khoniń ocokʼkoa jemon apnartetʼ aloko lab daṛeakʼ. Onkoakʼ moca khon ińakʼ palrenkoń rukhiyạkoa ar bhiḍiko do onkoren jomakʼ bako hoyokʼa.

Jeheskel 5:8

Ona iạte ińge am upạrte, ar boṅgan hoṛ jạtrenkoakʼ mẽtʼ samaṅreń sạjạimea.

Mikạ 3:11

Onḍenko mukhiyạ do ghus jomkateko bicạra, ar naekeko do ṭakate cecetʼakʼko emokʼa ar nạbiko hõ ṭaka hataokateko nạbiya. Ar Probhu Isorakʼ gokʼṛo reakʼ as dohokateko mena, “Probhu Isor do cetʼ abo talare bạnuiya? Abo cetanre jãhãn muhin do baṅ hijukʼa.”

Nạhum 2:13

Phạdkoren Probhu Isore meneda, “E Niniwi, iń do am upạrte; amakʼ rãt gạḍikoń jeretʼ giḍikakʼa, ar tarwaṛe do amren dhạcri kulkoe jomkoa. Iń do amren sikạr lạgitʼ celege noa dhạrtire bạń doho oṭokakoa. Ar amren sombat emokʼkoakʼ aṛaṅ hõ ar baṅ ańjomokʼtakoa.”