Jirimiạ 20:8 - সান্তালী বাইবেল

⁸ Iń do tinạkʼ dhao kathań roṛetʼkan unạkʼ dhaoge maraokʼ reakʼ kathageń porcaretʼ kana. Onate Probhu Isorakʼ katha iạte iń do goṭa dinge opoman ariń cigạri ocokʼkana.

Jirimiạ 20:8 Iomraidhean Croise

2 Rapajko 2:23

Elisae do onḍe khon Bethelteye senena. Ar horte calakʼ jokhecʼ ạḍi utạr huḍiń koṛako do nagraha khonko oḍokʼ hecʼente uni siṛogadeteko metadea, “E ceḍe, ceḍe bohokʼ, ma rakapʼ calakʼme.”

2 Bõsbudạ 36:16

Menkhan onko do Isoren kol hoṛkoko landa-dhutʼako kan tahẽkana, ar onkoakʼ kathako chi baṅakʼ kan tahẽkana ar uniren nạbikoko ṭiṭkạriyetʼko tahẽkana. Mucạtʼre Probhu Isorakʼ edre do uniren hoṛko upạrte caṛhaoena; ar rukhiyạ ńam lạgitʼ jãhãn hor do ar baṅ tahẽlen takoa.

Jesaea 57:4

Ape do okoepe landa dhutʼae kana? Ar okoepe isiṛae kana ar alaṅpe totʼae kana? Ape do cetʼ sasantaoicʼ ar ekʼṛeyicʼren hopon dope baṅkana?

Jirimiạ 15:10

Hae, hae! E eṅgạńtiń, cedakʼ iń dom janamkedińa, one okoe sãote goṭa disạm do jhogṛa are lạṛhạikan? Okoehõ rin do bạń emakatʼkoa se okoehõ iń do rin bako emakawạdińa, enhõ sanamkoge iń doko sarapạńkana.

Jirimiạ 15:15

E Probhu Isor, am do jotowakʼgem bujhạu daṛeakʼkana; onate ińakʼ katha disạime ar ińakʼ moneyakʼme. Ińren jor julumko cetanre amge hala hạlime. Onko cetanre amakʼ sombhuri do ḍhergetama, menkhan onko tire do alom marao ocoyińạ; disạime, am iạte cetʼlekan ṭiṭkạriń sahao akada.

Jirimiạ 17:27

Menkhan ińakʼ katha bape ańjom ar jirạukʼmãhã iń ńutumte bape begar dohoy ar Jerusalem phaṭok duạrte enhilokʼ bojhakope ader, enḍekhan Jerusalem reakʼ sanam phaṭok duạrkore seṅgeliń lagaoa ar ona do Jerusalem reakʼ dolankoe joma. Ona seṅgel do okoehõ bako ĩṛicʼ daṛeakʼa.’ ”

Jirimiạ 20:7

E Probhu Isor, am dom bulạu kedeńte ińakʼ nonka dosa do hoyakantińạ; ar iń khonem daṛegete am dom jitạu akana. Iń do goṭa dinge landa-dhutʼạń kan hoṛgeń hoyakana; ar sanam hoṛge ińko siṛogạń kana.

Jirimiạ 28:8

Am ar iń lahate sedaeren okoe nạbikoko tahẽkan, onko do aema disạm ar maraṅ maraṅ rajosṭi upạrte lạṛhại, akal ar mahamạri reaṅko nạbileda.

Jirimiạ 5:1

Probhu Isore meneda, “Jerusalem reakʼ ḍaharkore onte note ńir baṛaepe ar beṛhaete beṅgetʼ ạcurpe. Onḍenakʼ nagraha reakʼ haṭ bajarkore khoj hataope. Ńelpe, nonkan jãhãepe ńamea se baṅa okoe do dhorom ar sạriyakʼreye dãṛãnkan enḍekhan iń do ona nagrahań ikạkakʼa.

Jirimiạ 5:6

Ona iạte bir khon mitʼṭen dhạcri kul do oḍok hecʼkate onkoe gocʼkoa. Ar hahaṅkarren mitʼṭen hunḍạr doe maraokoa ar onkoakʼ nagraha ṭhen mitʼṭen tạrupʼ do tãṛãkʼ akane tahena. Ar jãhãege onḍe khonko oḍokokʼ onko doe or cirạkoa, ente onkoakʼ ghạṭ do ḍhergea ar bạṛicʼ horte calakʼ reakʼ ghoṭna hõ maraṅgetakoa.

Jirimiạ 6:10

Okoeyiń galmaraoakoa ar okoeyiń sontorkoa jemon ińakʼ kathako ańjomtiń? Onkoakʼ lutur do tepetʼgete bako ańjom ńameda. Probhu Isorakʼ katha onko lạgitʼ do mitʼṭecʼ henostage hoyakana; onare jãhãn rạskạge bako ńameda.

Jirimiạ 7:9

Ape do kombṛoko, gogocʼko, laṭghaṭko ar eṛe eṛe kiriạkʼko kanape ar Bakʼ-al debota ńutumte dhupkope jeretʼetʼ kana. Ona chaḍa okoe debotako bape orom akatʼko onkope pańjayetʼkoa.

Habakkuk 1:3

Cedakʼ dusṭami hoṛ ńelko lạgitʼ dom jorae moṭeńkana? Cedakʼ am do behokakʼem sahaoeda? Iń samaṅre jarkhar ar santao hoyokʼkana ar jhogṛa hõ jaoge hoyokʼkana.

Luk 11:45

Unre sostor baḍaeko modre mitʼ hoṛ do Jisui metadea, “E Guru, am do noa kathate ale hõm bemanotetʼlea.”

Ibriko 11:26

Uni do Misor reakʼ dhon durib khon Mạsi ńutumteakʼ henostage ạḍi bạ̃ṛtiye moneyada, ente uni do kuṛại secʼe beṅgetʼ akatʼ tahẽkana.

Ibriko 13:13

Onate dela bon, uniyakʼ henosta bon gogte nagraha bahre uni ṭhen bon calakʼma,

1 Patras 4:14

Mạsi iạtepe henosta ocokʼkan khan enḍekhan ape dope bhạgangea, ente Isorakʼ mạhimate perecʼ akan Jiu do apere menaea.