Jirimiạ 20:16 - সান্তালী বাইবেল

¹⁶ Probhu Isor do daya baṅkate one sanam nagrahae maraoletʼ uni hoṛ do onka baṛeye hoyokʼma. Uni do setakʼ jokhecʼ guhere ańjomma ar tikin do lạṛhại reakʼ andoṛge;

Jirimiạ 20:16 Iomraidhean Croise

Jirimiạ 18:22

Onko upạrte ackage hạ̃hạ̃nkom ạgukote onkoakʼ oṛakʼ khon rakʼko ańjomokʼma, ente iń sabeń lạgitʼ onko do ghaḍlakʼko la akada ar ińakʼ jaṅga lạgitʼ pạsiko oḍaoakada.

Jirimiạ 23:14

Ona chaḍa Jerusalemren nạbiko talare do noa botoranakʼ jinisgeń ńelakada, onko do laṭghaṭ ar eṛeyakʼre jionko khemaokana. Onko do sasantaokoakʼ tiko keṭecʼetʼtakoa jemon dusṭạmi khon okoe hõ aloko ruạṛ daṛeakʼ. Onko sanamkoge iń ṭhen do Sodom ar Gomoraren hoṛ lekako hoyakana.

Jirimiạ 26:13

Ńitokʼ ape do apeakʼ colon ar kạmiko sudhrạutape ar aperen Isor Probhuakʼ katha ańjomtaepe. Enḍekhan Probhu Isor do ape upạrte okaṭakʼ muhin kol reakʼe goṭa akatʼ ona do ar bae kola.

Jirimiạ 4:19

Hae, ińakʼ mon do, ińakʼ ontor do! Iń doń khadbadaokʼ kana. Hae, ińakʼ ontor, iń doń dhak dhakaokʼ kana. Iń do hape akan bạń tahẽdaṛeakʼ kana, ente sakwa reakʼ saḍe ar lạṛhại reakʼ sabadiń ańjomakada.

Rak̕joṅ 4:6

Ente ińren hoṛkoren hoponerawakʼ ḍạnṭao do maraṅge tahẽkana, Sodom reakʼ kại khon do, one ona mitʼ ripitʼtege jalao maraolen; ar onare tige baṅ lagaolena.

Jeheskel 21:22

Uniyakʼ jojom ti reakʼ gulibãṭ do paṛao akana Jerusalem lạgitʼ, ona doe lạiyaekana lạṛhại andoṛ rakab lạgitʼ, phaṭok duạrko upạrte sobokʼ bhugạkʼakʼkoe jut aroe lạgitʼ, pinḍhạko upʼ rakab lạgitʼ, ghekʼrao buruńjko benao lạgitʼ.

Hosea 10:14

ona iạte ape upạrte lạṛhại reakʼ kạumạu rakapʼa ar apeakʼ sanam gaṛko do marao ocokʼa, cetʼleka Solomon do lạṛhại hilokʼ Beth-Arbele maraoletʼ. Unre hopon ar hoponerako sãote eṅgatko hõ otreko tawakʼ ocolena.

Hosea 11:8

“E Ephrayim, am do cekateń bạgimea? E Israel, cekate am do eṭakʼ hoṛakʼ tireń jimạmea? Cekate iń do Adma ar Seboyim lekań marao utạrmea? Am lạgitʼ ińakʼ ontor do ahkaokʼkantińa; ińakʼ daya do amre rakabokʼkana.

Hosea 13:14

“Seoul reakʼ daṛe khon ińge damte uniń chaḍao ạguiyea. Ar gocʼko khon hõń bańcaoea. E gujukʼ, okortam hul? E Seoul, okortam amakʼ moron do? Iń do bạń mãyãkʼa.

Amos 1:14

Ona lạṛhại dinre botoranakʼ birbão hoe leka lạṛhại talare iń do Rahab reakʼ bhit upạrte seṅgeliń kola; ar ona do uniyakʼ gaṛkoe joma.

Amos 2:2

Onatege iń do Moab upạrte seṅgeliń kola; ona do Keriot reakʼ gaṛkoe joma. Lạṛhại reakʼ hoho ar sakwa saḍe reakʼ gulmal talare Moab doe gujukʼa.

Amos 4:11

Ińge aperen Isor do cetʼleka Sodom ar Gomorań maraoletʼ onkage aperen ḍherkogeń maraoketʼkoa. Ape do seṅgel khon halaṅ rakapʼ akatʼ jolokʼkan ṭhuṭkutʼ leka kanape, enhõ ape do iń ṭhen bape ruạṛ hecʼlena.

Jona 3:4

Jona do ona nagrahare bolokate mitʼdin reakʼ hore senena ar noa katha hohoate lạlạiye ehopʼena, “Ar pongel mãhã khange Niniwi nagraha do ḍahao maraokʼa.”

Jona 4:2

Uni do Probhu Isor ṭhen koekateye menkeda, “E Probhu Isor, iń do disạmre tahenregeń baḍaekan tahẽkana, nonka hoyokʼa mente. Ona iạtege iń do pạhilre Tạrsisteń ńir pharakokʼ kan tahẽkana. Ińiń baḍaekan tahẽkana, am do daya ar mãyãwan Isor kanam, ar ạḍi anecʼ edrekʼicʼ ar dayate kisạ̃ṛicʼge, ar bạkʼṛicʼ khon dom kastaokʼkana.

Sephaniạ 1:16

Ona do pạcrite esetʼ joto nagrahako upạrte ar konac reakʼ sanam khon usul pahra oṛakʼ upạrte sakwa reakʼ saḍe ar lạṛhại reakʼ hoho dinge hoyokʼa.

Luk 17:29

Menkhan Loṭ do Sodom khone oḍok calaoen dinre serma khon seṅgel ar gondhok reakʼ dakʼe jạ̃ṛĩketʼ khan sanam hoṛkoe ḍahao maraoketʼkoa.

Dosar Biboron 29:22

“Nonkate noa disạm cetanre oka hạnko hijukʼ ar Probhu Isor okako rog bighin noa disạm cetanreye kol ona reaṅ aperen bõsko ar sạṅgiń disạm khon hijukʼkan bidisiạko hõ noako ńela.

Dosar Biboron 29:23

Goṭa disạmge buluṅ ar gondhokte ḍahao reḍha akana. Onare cetʼge baṅ er ar rohoeyokʼa, se onare cetʼge baṅ janamokʼa ar ghãs hõ baṅ omonokʼa. Noa disạm do Sodom, Gomora, Adma ar Seboyim leka hoyokʼa one oka do Probhu Isor raṅgao ar edreteye jalao maraoletʼ.

2 Patras 2:6

Sodom ar Gomora nagraha seṅgelte ḍahao maraokate Isor do ona nagraharen hoṛkoe sạjạiletʼkoa ar nonkate uni doe udukʼatʼkoa, okoe Isor bako botorae onko do cetʼ dosa hoyokʼ takoa mente;

Jihudạwakʼ ciṭhi 1:7

Sodom, Gomora ar onakin beṛhaeteakʼ joto nagrahakoren hoṛko hõ ṭhik onko lekageko laṭghaṭetʼ tahẽkana. Okoe jaejug seṅgelre khadlekʼ reakʼ kuṛạiko ńam noko do onkoakʼ nạmunageko hoyakana.