Jirimiạ 20:11 - সান্তালী বাইবেল

¹¹ Menkhan Probhu Isor do daṛeanicʼ bir banṭa leka iń são sãote menaea, onate iń khedeńko doko tohodokʼa ar bako jitạu daṛeakʼa. Onko do bako jo baha daṛeakʼa ar lajaoreko paṛaokʼa; onkoakʼ bemanot ocokʼ reakʼ do okoehõ tisge bako hiṛiń daṛeakʼa.

Jirimiạ 20:11 Iomraidhean Croise

Sereńko 129:2

Ińakʼ gidrạ umer khon ạḍiko santao akadińre hõ, enhõ onko do iń cetanre bako jitạu daṛe akawada.

Sereńko 35:26

Ińakʼ muhin ńelte okoeko rạskạkʼ kan onko sanamge lajao arko opomanokʼma; okoe iń cetante apnarko udugokʼkan onko do lajao ar opomanreko ńurokʼma.

Sereńko 40:14

Okoe do iń gojeń reakʼ kurumuṭure menakʼko onko jotoge lajao arko opomanokʼma; okoe ińakʼ sorbonasko khojkan onko do bohokʼ tumbutʼkateko ruạṛ calakʼma.

Sereńko 47:2

Maraṅ Probhu Isor do botoranicʼ kanae; uni kangeae goṭa pirthimiren raj do.

Sereńko 6:10

Ińren bạiriko do sanamkogeko lajao ocokʼa arko botorokʼa; onko doko ruạṛokʼa, ar ackage lajaoreko paṛaokʼa.

Sereńko 65:5

E aleren babańcaoicʼ Isor, amakʼ dhorom reakʼ botoranakʼ kạmikote am do aleakʼ hohom luturakʼa. Dhạrtiren sanam manwa, ar sanam khon sạṅgińrenko ar jalapuri hanasaren hoṛko hõ amreko bhorsakʼa.

Sereńko 66:5

Ape do dela hijukʼte Isorakʼ kạmi ńel idipe; manwa lạgitʼ uni okaṭakʼe kạmi akatʼ ona do monre botore rakapʼ ocoyeda.

Jesaea 41:10

Onate alom botorạńạ, ente iń do am sãotegeń tahẽnkana; ar alom andesalekʼa, ente iń doń amren Isor kana. Iń doń daṛe ocomea ar khạṭigeń goṛowama ar ińakʼ jit reakʼ jojom titeń sapʼ ṭarhaomea.

Jesaea 41:14

E am tejo Jakob, alom botorokʼa; ińge amiń goṛowama. Iń Probhu Isor do amren babańcaoicʼ Israelren uni sonoticʼge niạ katha doń meneda.

Jesaea 45:16

Ar okoe goṛhon muṭhạnko benaoetʼkan onko do jotoge lajao arko andmandaokʼa; ar mitʼteko akbakaokʼa.

Jirimiạ 1:18

Am do teheń mitʼṭecʼ daṛeanakʼ nagraha leka, mitʼṭecʼ mẽṛhẽtʼ khunṭi leka ar mitʼṭecʼ pitạl reakʼ bhit lekań hoyocoketʼmea jemon goṭa disạm upạrte, metakʼme Jihudạren rapajko, cetan hudạren kạmiyạko, naekeko ar disạmren hoṛko upạrtem teṅgo daṛeakʼ.

Jirimiạ 1:19

Onko do am upạrteko lạṛhạiya menkhan bako bhagao daṛeama, ente iń do rukhiyạime lạgitʼ am são sãotege minạńa. Iń Probhu Isorge noa katha doń menetʼkana.”

Jirimiạ 1:8

Onko do alom botorakoa, ente iń Probhu Isorge amiń rukhiyạmea ar am sãotegeń tahena.”

Jirimiạ 15:15

E Probhu Isor, am do jotowakʼgem bujhạu daṛeakʼkana; onate ińakʼ katha disạime ar ińakʼ moneyakʼme. Ińren jor julumko cetanre amge hala hạlime. Onko cetanre amakʼ sombhuri do ḍhergetama, menkhan onko tire do alom marao ocoyińạ; disạime, am iạte cetʼlekan ṭiṭkạriń sahao akada.

Jirimiạ 15:20

Noko hoṛ ṭhen do pitạl reakʼ mitʼṭecʼ daṛeanakʼ pạcri lekań hoyocomea; onko do am upạrteko lạṛhạiya menkhan bako bhagao daṛeama, ente iń Probhu Isorgeń metamkana, am rukhiyạme ar bańcaome lạgitʼ iń do am são sãoteń tahena.

Jirimiạ 17:18

Iń khedeńkanko do lajaoreko paṛaokʼma, menkhan iń do alom lajao ocoyińạ. Onko doko torasokʼma, menkhan iń do alom toras ocoyińạ. Onko cetanre muhin reakʼ din ạguiyme; ar dobṛa nosṭote jarkharkom!

Jirimiạ 22:22

Hoe do amren sanam gukʼpikoe oṭaṅ idikoa ar amren dulạṛiạko do bondikate sạṅgińteko idi ocokʼa. Unre amakʼ sanam dusṭạmi iạte lajao arem opoman ocokʼa.

Jirimiạ 23:40

Ape do jaejug henosta ar lajaogeń ladeapea ar ona do baṅ hiṛińokʼa.”

Jirimiạ 32:18

Am do hajar hajarko amakʼ asambheṛ dayam udukʼako kana ar apatkoakʼ ghạṭko reakʼ sạjại do onkoren hoponkom emakokana. E maraṅ ar daṛeanicʼ Isor, amakʼ ńutum do sanam daṛeanicʼ Probhuge;

Daniel 12:2

Ar unre dhạrti reakʼ otreko jạpitʼ akatʼ alekha hoṛ doko ebhenokʼa; ar adomko do jaejug jiwetʼ tahen lạgitʼko beretʼa, arhõ adomko doko beretʼa lajao ar jaejug hirkhạwanko hoyokʼ lạgitʼ.

Romiko lạgitʼ Pạul Apostolakʼ ciṭhi 8:31

Enḍekhan noako babotre cetʼbon menkea? Isor abo tulucʼ menae khan enḍekhan jãhãeye hạ̃n daṛekebona?

2Timothi 4:17

Menkhan Probhu Isor do iń sãoteye tahẽkana ar daṛeye dan ạdiń tahẽkana. Onate iń do purạte bhage sombatiń porcar daṛeakʼ tahẽkana ar sanam boṅgan hoṛ jạtrenkoko ańjomleda. Isor do dhạcri kulakʼ moca khone rukhiyạledińạ.