Jirimiạ 2:34 - সান্তালী বাইবেল

^34-35 Amakʼ tire do miridos reṅgecʼ orecʼkoakʼ jiwi reakʼ mãyãmge ńamokʼkana, onko do sind bhugạkʼ ṭhen bam ńamletʼkoa. Ar niạko tayom hõm meneda, ‘iń doń miridosgea; Probhu Isor do ińre jãhãn edre bạnukʼtaea.’ Menkhan iń do bicạrkateń sạjạimea, ente am dom meneda, ‘iń do bạń kại akada.’

Jirimiạ 2:34 Iomraidhean Croise

2 Rapajko 21:16

Inạ chaḍa Manase do bin dusạn hoṛkoakʼ mãyãm nunạkʼe joro ocoakada je, ona mãyãmte Jerusalem reakʼ mitʼ simạ khon eṭakʼ simạna hạbicʼ perecʼlen tahẽkana. Uni do Jihudạren hoṛkoe kại ocoletʼkote onko do Probhu Isorakʼ mẽtʼre oka bạṛicʼakʼ kan onageko kạmiyetʼ tahẽkana.

Exodus 22:1

“Jãhãe hoṛ ḍaṅgra se bhiḍi kombṛo ạgukate dãṛẽye samaṅe seye ạkhrińe, enḍekhan uni do mitʼṭen ḍaṅgra bodolte mõṛẽ goṭen ḍaṅgra ar mitʼṭen bhiḍi bodolte ponea bhiḍi em ruạṛkakʼ hoyokʼtaea.

Exodus 22:2

“Kombṛo do jãhãnakʼ kombṛoe lạgitʼ oṛakʼ bolokʼ jokhecʼe sapʼ ocokʼ are ghạlkateye gocʼlen khan, enḍekhan okoeyakʼ dalte uniye gocʼen uni do khũn iạte dạyi bae tahena.

Jesaea 57:5

Ape do Elon dare buṭạkore, mitʼke mitʼ hạriạṛ dare buṭạkore herel reakʼ sanatepe jal jalaokʼkana; ape do buru nala ar huṭupʼ buru ciritʼkore aperen hoponpe teṅgenetʼkoa.

Jesaea 59:3

Ente apeakʼ tiko do mãyãmte bhõnḍakana ar apeakʼ kạṭupʼ do ghạṭkote perecʼ akana. Apeakʼ moca do eṛe kathae roṛeda ar apeakʼ alaṅ do dusṭạmigeye phuṭạu akada.

Jesaea 59:7

Onkoakʼ jaṅga do kại secʼge ńir calakʼtakoa; onko do bindusạnkoakʼ mãyãm joro ocoytako lạgitʼko usạrayeda. Onkoakʼ joto hudiskoge bạricʼgetakoa; onkoakʼ horre do jarkhar ar harkhetge menakʼa.

Jirimiạ 19:4

Ente onko do ińko bạgi giḍi akadińa ar niạ ṭhạ̃i do debotakoakʼ ṭhạ̃iko benao akada; onko do nonkan debotako ṭhen dhupko jeretʼeda one onkoakʼ katha do akoren hapṛamko se Jihudạren rapajko hõ tisge bako baḍaekan tahẽkan. Ona chaḍa niạ ṭhạ̃i do miridoskoakʼ mãyãmteko perecʼ akada.

Jirimiạ 2:33

“E Jihudạ, am do dulạṛ khudạurem gạkhuṛgea! Bạṛicʼ utạricʼ maejiu hõ amakʼ hor doe ńeleda arem cetʼaekana.

Jirimiạ 6:15

Onko do akoakʼ ona baṛicʼ kạmi iạte cetʼko lajaokʼ kana? Baṅa, onko do cetʼ lajaoge bạnukʼtakoa; onko do lajaokʼge bako baḍaea. Ona iạte onko do gurokʼko sãoteko gurokʼa. Ar tinreń sạjạikoa unre onko doko tawakʼ ńurokʼa. Iń Probhu Isorge noa katha doń meneda.”

Jirimiạ 7:31

Onko do akoren hoponko ar hoponerako seṅgelre khadleko lạgitʼ Bin-hinom buru lodam reakʼ Tophet ńutumanakʼ than boṭkocʼko benao akada. Menkhan niạ hukum iń do bạń em akana, ińakʼ monre hõ ona do baṅ rakapʼlena.

Jirimiạ 7:6

ar bidisiạko, ṭũạr amarko se rạnḍiko bape santaoko ar niạ disạmre miridoskoakʼ mãyãm bape joro ocoy ar eṭakʼ debotako bape pańjako,

Jirimiạ 8:12

Onko do cetʼ akoakʼ ona bạṛicʼ kạmi iạteko lajaokʼkana? Baṅa, onko do cetʼ lajaoge bạnukʼtakoa; onko do lajaokʼge bako cetʼakada. Ona iạte onko do gurokʼko sãoteko gurokʼa. Ar tinre onkoń sạjạikoa unre onko doko tawakʼ ńur ocokʼa. Iń Probhu Isorge noa katha doń meneda.”

Rak̕joṅ 1:9

Uniyakʼ mạilạ do uniyakʼ kicricʼrege laṭkao akantaea; darakan din reakʼ do bae dạndilena. Uni doe sombotʼ bhindạṛ akana; jiwi raṛecʼtae lạgitʼ do celege bạnukʼkotaea. Uniye meneda, “E Probhu Isor, ińakʼ duk baṛe ńeltińme, ente bạiriko doko jitạu akana. ”

Rak̕joṅ 4:14

Onko do kãṛãko leka kulhikoreko dãṛãnkan tahẽkana; onko do mãyãmte nonkako bhonḍ akana, celege onkoakʼ kicricʼ do bako joṭetʼetʼ tahẽkana.

Jeheskel 20:31

Teheń hạbicʼ ape do aperen boṅgako ṭhen aperen hopon ar hoponerako seṅgelrepe samaṅetʼkote onko boṅgako hotete apnartetʼpe bhonḍokʼ kana. E Israelko, iń do cetʼ ape hoteteń kuli ocokʼa? Iń ńutumteń kiriạkʼ kana, oka lekate hõ ińakʼ monsubạ do bạń baḍae ocopea.

Jeheskel 22:25

Ona disạmren nạbiko doko soṛojontrokana; onko do hạnḍrạukʼ kan dhạcri kul leka kanako. Onko do hoṛko jomkoa, dhon-durib ar damanakʼ jinisko hataoa ar disạm talare ḍher maejiuko rạnḍi ocokoa.

Jeheskel 23:45

Menkhan dhorom hoṛ do unkinko bicạrkinạ laṭghaṭ maejiuko bicạrko lekage, ar mãyãmko joro ocoy ạimạiko bicạrko lekage, ente unkin do laṭghaṭren maejiukin kanakin ar mãyãm do unkinakʼ tire menakʼa.

Jeheskel 24:7

Ente uniye joro ocoakatʼ mãyãm do ńithõ acʼ talarege menakʼa; uni do ona cenḍeń cạṭạnireye jorokeda, otre do bae joroleda dhuṛire ona dapalkakʼ lạgitʼ do.

Jeheskel 9:9

Uni doe roṛ ruạṛadińa, “Israel ar Jihudạren hoṛkoakʼ ghạṭ do ḍhergetakoa; disạm do mãyãmte perecʼ akana ar nagraha do bedhorom kạmire unumakana. Onkoko meneda, ‘Probhu Isor do noa disạme bạgi akawada: onate uni do noako bae ńeletʼkana.’