Jirimiạ 2:28 - সান্তালী বাইবেল

²⁸ E Jihudạ, apnar lạgitʼ okoe debotakom benao akawan onko do unre okareko tahenkana? Muhinrem paṛaolenre amko bańcao daṛeam khan doko hecʼocoge, ente aema nagrahako menakʼtama ar debotako hõko ḍhergetama.

Jirimiạ 2:28 Iomraidhean Croise

Jirimiạ 11:13

Jihudạre tinạkʼ nagraha ar atoko menakʼ unạkʼge debotako hõ menakʼkoa, ar Jerusalemre tinạkʼ kulhiko menakʼ uniye lajao ocokʼ Bakʼal debota ńutumte dhup jered lạgitʼ pinḍko hõ unạkʼge benao akana.

Jesaea 45:20

“Jarwakʼpe ar hijukʼpe, ma hecʼ sorokʼpe, E ape boṅgan hoṛ jạtren paskao akanko. Onko do cetʼ hõ bako baḍaea, one okoe do akoakʼ kaṭ reakʼ goṛhon muṭhạnko gokʼ baṛayetʼ. Onko do nonkan debota ṭhenko koejoṅa okoe do bae bańcao daṛeako.

Dosar Biboron 32:37

Unre uni doe mena, “Okayenako onkoren debotako do? Okayena onkoakʼ ona buru do one okareko asraylen?

Bikʼcạrko 10:14

Okoe debotakope bachaoan tahẽkan onko ṭhenge senkate ragpe. Onkoge muhinreko bańcaope ma.”

Jesaea 46:7

Onko do tarenre ladekateko gokʼ idiyedea; ar uniyakʼ jaegareko dohoyedea ar onḍege uni doe tahenkana. Ar ona jaega khon bae ocogokʼkana. Ar jãhãege uni ṭhene rakʼlere hõ bae roṛ ruạṛeda, ar uniyakʼ duk-kosṭo khon hõ bae rukhiyạ daṛeaekana.

Hosea 10:1

Israel doe alak balakokʼkan darkha nạ̃ṛĩ kana; onare do ḍher joge sapʼlena. Uni do joko tinạkʼ saṅge idiyentae unạkʼge pinḍko hõe ḍherkeda; ar disạm hõ tinạkʼ sahre idiyentae unạkʼge uni do mońj mońj boṅga khunṭikoe benaokeda.

Jesaea 46:2

Unkin debota do mitʼ domtekin sombodokʼa arkin ombakʼ hapekʼa. Unkin do bojha idiko hõ bạkin rukhiyạ daṛeakoa bickom akingekin bondi idi ocokʼa.

2 Rapajko 3:13

Elisae do Israelren raje metadea, “Am tulucʼ ińakʼ do cetʼ? Am do amren ạpum ar amren eṅgamren nạbiko ṭhen calakʼme.” Israelren raje roṛ ruạṛkeda, “Baṅa, bạń calakʼa, ente Moabakʼ tire jimạle lạgitʼ Isorge ale pepe rapajkoe jarwa mitʼ akatʼlea.”

Jirimiạ 1:16

Ińren hoṛ do ińko bạgi giḍi akadińạ, onko do debotako ńutumte dhupko jeretʼeda ar apnar tite benaoakʼ jinisko ḍobokʼakʼ kana. Iń do onkoakʼ dusṭạmi kạmi iạte onko upạrte ińakʼ bicạrkoń jạhira.

Jirimiạ 11:12

Tinre muhin hijukʼa unre Jihudạ ar Jerusalemren hoṛ do senkate onko debota ṭhenko raga one okoe samaṅre dhupko jeretʼetʼ tahẽkan, menkhan onko do bako rukhiyạ daṛeakʼa.

Jirimiạ 30:7

Hae, enhilokʼ do ạḍi botoranakʼge hoyokʼa! Onka do ar tisge baṅ hoyokʼa. Ona do Jakobakʼ kosṭo reakʼ okte hoyokʼa, menkhan uni do ona khone bańcao ocokʼa.

Jirimiạ 37:19

Okoe ape ṭhen noa kathako nạbiletʼ baṅma, Babel raj do am ar niạ disạm upạrte do bae hijukʼa, onko aperen nạbiko doko okayena?

Habakkuk 2:18

“Boṅgawakʼ do jãhãn damge bạnukʼtaea, ente manwage coṅ uni mae rokʼ benao akade. Ar dulicʼ muṭhạn hõ jãhãn damge bạnukʼtaea, ente manwa do ona khon eṛe cecetʼakʼgeko ńama. Ar okoe acʼakʼ tite onakoe benao akatʼ uni do cedakʼ onareye ṭehãḍokʼkana? Uni boṅga ma kathage coṅ bae roṛ daṛeakʼ.

Habakkuk 2:19

Jạt jạtrenko doko mena, ‘Hae uni hoṛ do, one okoe kaṭ do jiwetʼakʼe metakʼkan se jiwi bạnukʼ dhiri do beredokʼe metaekan.’ Onako do cetʼ uni sikhnạte em daṛeaea? Onako ma eken sona ar rupạte muṛạu esetʼ akan; onakore do cetʼ sahẽtʼge bạnukʼa.

Jesaea 57:13

Goṛo ńam lạgitʼ tinrem raga unre amem jarwa akawan boṅga murhutʼkogeko rukhiyạ mema! Hoe do onkoe oṭaṅ idikoa; ar hisitʼ hoe doe idi tapʼkoa. Menkhan okoe hoṛ iń ṭhen asraye hatao uni do disạmre ar ińakʼ sonot burure ạidạriye ńama.”