Jirimiạ 2:25 - সান্তালী বাইবেল

²⁵ Menkhan am do sontor akae tahenme, ar baṅkhan jaṅga reakʼ panahe hõ nosṭokʼtama ar amakʼ nạnḍri hõ rohoṛokʼ tama. Menkhan amem men akada, ‘jãhãn porhoge bạnukʼa. Iń do debotageń dulạṛetʼkoa, onkogeń pańjakoa.’

Jirimiạ 2:25 Iomraidhean Croise

2 Bõsbudạ 28:22

Ahas raj do niạ kosṭo oktere Probhu Isor cetanre artetʼgeye bepạtiạrena.

2 Bõsbudạ 28:23

Uni do Damesekren debotakoko bhagaoledete onko lạgitʼ dãṛẽkoe samaṅketʼkoa. Uni doe hudiskeda, “Aram rajren debotako do onkoko goṛowako kana, onate iń hõ goṛo ńam lạgitʼ onko debotako ṭhen janwariń dãṛẽkoa.” Menkhan onko debotageko hoyokʼkana uniyakʼ ar goṭa Israelre sorbonas hoyokʼ reakʼ karon do.

Jesaea 2:6

Am do amren hoṛko, metakʼme Jakobren hoponkom bạgi giḍi akatʼkoa. Onko do purub disạmren ojhakoteko perecʼ akana; Philisṭiko leka onko do jạdu biddạko kusiyakʼ kana ar eṭakʼ jạtrenko sãote tiko milạu akada.

Jesaea 57:10

Am do dãṛã dãṛãtem laṅga caba akana, enhõ ‘as do bạnukʼa,’ niạ katha do bam menleda. Menkhan sewakate nãwã daṛem ńam idikeda, onate bam laṅgalena.

Jirimiạ 13:21

Okoeko rapaj sãotem gatelen Probhu Isor do am cetare onko tinreye dohokoa unre am do cetʼem menkea? Bedonokʼ jokhecʼ maejiu cetʼ leka haso rakapʼae onkage amhõ cetʼ baṅ hasomea?

Jirimiạ 13:22

Am apnartetʼem kulilen khan, ‘ińre noa do cedakʼ hoyena?’ Enḍekhan ona reakʼ roṛ ruạṛ do hoyokʼkana, ạḍi utạr kạiko iạte amakʼ kicricʼko do oṛecʼ akantama arem jorbojor ocoakana.

Jirimiạ 14:10

Probhu Isor do noko hoṛko reaṅgeye meneda, “Onko do ạcur baṛaeko kusiyakʼ kana; onko do jaṅga bako jirạuetʼtakoa. Onate iń do bạń ataṅetʼkoa; ar ńitokʼ do onkoakʼ dusṭạmi reaṅ iń disạ ruạṛa ar kại reakʼ sạjạiyiń emakoa.”

Jirimiạ 18:12

Menkhan onko doko roṛ ruạṛkeda, ‘jãhãn labge bạnukʼa. Ale do aleakʼ bundisakʼko leka gele calakʼa; ale mimitʼko do aleakʼ bạṛicʼ mon reakʼ kạṭhuạtetʼ lekagele kạmiya.’ ”

Jirimiạ 2:31

“Niạ piṛhiren hoṛko, ińakʼ katha ańjompe. Israelko ṭhen iń do cetʼ hahaṅkar iń hoyakana? Iń do cetʼ kaṛaṅ ńut reakʼ disạmiń hoyakana? Ińren hoṛ do cedakʼko mena, ‘ale do sạdhintegele dãṛãbaṛa daṛeakʼa; ar am ṭhen do bale hijukʼa?’

Jirimiạ 22:20

Probhu Isore meneda, “E Jerusalem, am do Lebanonte senkate hohoeme, ar Basonre amakʼ aṛaṅ ańjom ocoytam. Am do Abarim khon kikiạume, ente amren dulạṛiạko doko chirchạtur akana.

Jirimiạ 22:21

Iń do amakʼ bhạlại jokhecʼ iń sontorletʼmea, menkhan amem metadiń tahẽkana, ‘iń do bạń ańjomtama.’ Pạhil khonge amakʼ beohar do nonkage tahẽkana; am do bam batao letʼtińạ.

Jirimiạ 3:13

Am do eken amakʼ ghạṭko aṅgocʼme, amren Probhu Isor upạrtem hul akada mente, ar hạṛiạṛ dare buṭạkore debotako do amakʼ dulạṛem em akawatʼkoa ar ińakʼ aṛaṅ hõ bam ańjom akada.’

Jirimiạ 44:17

Ale okale roṛakatʼ ona do khạṭigele kạmiya. Cetʼ leka aleren hapṛamko, rapajko ar rajkạmiyạko do Jihudạ nagrahakore ar Jerusalem reakʼ ḍaharkore sermaren rạni ńutumte dhupko jeretʼetʼ tahẽkan arko coḍoretʼ tahẽkan onkage ale hõle kạmiya. Ona jokhecʼ aleakʼ do aḍhela jomakʼ tahẽkana ar ale hõ ạḍi bhagele tahẽkana ar jãhãn kosṭoge bale ńamleda.

Rak̕joṅ 1:2

Uni do ạyupʼ jokhecʼ ạḍiye rakʼetʼ kana, mẽtʼ dakʼte johakine lohotʼetʼtaea. Acʼren dulạṛiạko modren uniyakʼ jiwi raṛejtae lạgitʼ do okoehõ bạnukʼkoa. Uniren gateko do jotoge uniko eṛeakadea; onko jotoge uniren bạiriko hoyakana.

Rak̕joṅ 4:4

Nunu gidrạkoakʼ alaṅ do tetaṅte tạrure jalatʼakana; gidrạko do jomakʼko kokoekana, menkhan celehõ bako emakokana.

Jeheskel 20:32

“ ‘Ape dope menetʼ kana, dhạrtiren eṭakʼ jạtren hoṛko lekape hoyokʼa okoe do kaṭ ar dhiri reakʼko pujạwakʼkan. Menkhan apeakʼ monre oka menakʼ ona do tishõ baṅ hoyokʼa.

Hosea 2:3

Ar baṅkhan uni doń uluṅea ar acʼakʼ janam hilokʼ cetʼlekae tahẽkan onkageń hoeocoyea. Uni do hahaṅkar jaega, ar khaṅgoṭ jumi lekań hoeocoyea ar dakʼ tetaṅteń gocʼ ocoyea.

Hosea 2:5

Onkoren eṅgattetʼ doe laṭghaṭ akada ar okoe uniyakʼ kukhireye hoyakan uni do lajao paṛaoakʼgeye kạmi akada. Uniye menkeda, ‘ińren dulạṛiạkoń pańjakoa; onkoge ińakʼ jomakʼ ar ńũiyakʼ, bhiḍi upʼ, mĩhĩ musnạ jạ̃ṛĩ sutạm, sunum ar ńũńũakʼko emạńkana.’

Malaki 3:14

Apepe meneda, ‘Isor sarhaoe do ạuṛiyakʼgea. Uniyakʼ ạn-ạri lekate kạmi ar homor halaṅ baṛakate phạdkoren Probhu Isor samaṅre dãṛãbaṛae do cetʼ aboakʼ jãhãn lab hoyena?

Luk 15:22

“Menkhan apattetʼ do acʼren gutikoe metatʼkoa, ‘den usạrate mońj utạrakʼ kicricʼ ạguiype ar uni horokʼaepe. Tire mundạm ar jaṅgare panahi horokʼaepe,

Luk 16:24

Unre uni do ãṭ aṛaṅte hohowateye menkeda, ‘E baba Abraham, dayawạńme baṛe. Ar Lasar iń ṭhen kolkaeme jemon uni do acʼakʼ coṭ kạṭupʼ dakʼre topokate ińakʼ alaṅe reaṛkạtiń. Ente noa jolokʼ seṅgelreń jal jalaokʼ kana.’

Romiko lạgitʼ Pạul Apostolakʼ ciṭhi 8:24

Kại khon bańcao ńamkate abo do noa asge bon ńamakada. Ar oka lạgitʼ bon asakan ona bon ńamakatʼ khan enḍekhan ona as do ar asge baṅ tahẽlena. Oka ńam akan, ona lạgitʼ do ar okoeye asokʼa?

Dosar Biboron 32:16

Ạnạṛi Isor sewawae iạte uni do ạḍiko ãṭ ocokedea, ar hirkhạwakʼkoteko khĩs ocokedea.