Jirimiạ 2:21 - সান্তালী বাইবেল

²¹ Iń do bachao akatʼ itạ khon janamakʼ bhage darkha reakʼ cara lekań rohoeketʼmea; enḍekhan cekate am do bạṛicʼ bir darkha nạ̃ṛĩ dom hoyena?

Jirimiạ 2:21 Iomraidhean Croise

Genesis 18:19

Iń Probhu Isor do noa lạgitʼge uniń bachao akadea jemon acʼren hoponko ar oṛakʼren eṭakʼ sanamko dhorom ar ińakʼ sanaleka calakʼ reakʼ solhae emako. Ar onko do uniyakʼko ańjomtaete onka lekako calakʼ, enḍekhan iń Probhu Isor do Abraham reaṅ okań menakatʼ onageń onkaea.”

Genesis 32:28

Uni hoṛe menkeda, “Isor ar manwa sãote lạṛhạikatem jitạu akante amakʼ ńutum Jakob do baṅ tahena, amakʼ ńutum do hoyokʼa Israel (metakʼme ‘Isor tulucʼ lạṛhạiyicʼ ’).”

Sereńko 44:2

Am do amakʼ tite eṭakʼ jạtrenkom laga ńirketʼkote ona jaegare aleren hapṛamkom doholetʼkoa; am do onko hoṛko cetanre nosṭoakʼem ạguleda ar aleren hapṛamkom teṅgo keṭecʼ ocoletʼkoa.

Sereńko 80:8

Am do mitʼṭen darkha nạ̃ṛĩ leka Misor disạm khonem uṭhạu ạguakatʼlea; ar am do eṭakʼ jạtrenkom laga ńirketʼkote onḍem rohoeketʼlea.

Sereńko 80:9

Am do ona lạgitʼ jumim saphakeda; ar ona reakʼ rehetʼ do otre bạisạuente goṭa disạm pasnaoena.

Exodus 15:17

Amge amren hoṛko ạgukate poha leka amakʼ bururem rohoekoa. E Probhu Isor, am apnar tite benaoakʼ onage amakʼ tahen oṛakʼ do; E Probhu Isor, amakʼ tite benaoakʼ onage amakʼ tahen ṭhạ̃i do;

Jesaea 1:21

Hae, kũạri nagraha, ona do kusumbi leka hoyakana! Mitʼ okte uni do hok reakʼ bicạrte perecʼe tahẽkana; unire dhorom tahẽkana, menkhan ńitokʼ do khũniạhikoko girobasokʼ kana.

Jesaea 27:2

Enhilokʼ niạ sereńko sereńa; “Sereńpe ona darkha bangwan reaṅ one oka khon rasa ńamokʼkan.

Jesaea 41:8

Probhu Isore meneda, “Menkhan E ińren guti Israel, ar ińiń bachao akade Jakob, ińren dulạṛicʼ Abrahamren bõs,

Jesaea 5:4

Ińakʼ darkha bagwan lạgitʼ okań ceka akatʼ ona khon bạ̃ṛti do ar cetʼ cekae hoykokʼtińa? Tinre iń do bhage darkha lạgitʼ iń koyokʼ horkeda unre cedakʼ onare jojo darkha jo do joyena?

Jesaea 60:21

Unre amren sanam hoṛ do dhoromko hoyokʼa; onko do jaejug lạgitʼ disạmko ạidạrijoṅa. Onko do ińakʼ tite, rohoe akan kahle kanako, onko hotetege ińakʼ mạhima do sodorokʼa.

Jesaea 61:3

jemon Sionre okoeko hirdạukʼkan onkoakʼ bohokʼre torocʼ bodolte abhraniń emako; hirdạukʼkan bodolte rạskạ reakʼ sunum ar as chuṭạukʼ akan bodolte sarhaoe reakʼ kicricʼ iń em daṛeako. Onko do dhorom reakʼ elon dareko ńumogokʼa; Probhu Isorge ona doe rohoe akada jemon onko hotete acʼakʼ mạhima sodorokʼtae.

Jirimiạ 11:16

Probhu Isor do noko jạtrenko jote perecʼ mońj mitʼṭen jạitun dare menteye hohoatʼko tahẽkana. Menkhan maraṅ birbão reakʼ saḍe iạte uni do onare seṅgele lagaoakʼa ar onate onako reakʼ ḍạrko do lo ṭhuṭkudokʼa.

Jirimiạ 11:17

Phạdkoren Probhu Isor, okoe do uniye rohoelede uni do uniyakʼ sorbonas reakʼe ray akada, ente Jihudạ ar Israelren hoṛ do bạṛicʼakʼko kạmiakada ar Bakʼal debota ńutumte dhupko jeretʼ akatʼte uniko edre ocoakadea.

Jirimiạ 5:10

“Ape do Jerusalem reakʼ darkha bagwan talate sen paromokʼpe ar onako maraope menkhan purạte do alope nosṭo caba utạra. Ona reakʼ dạṛko hese giḍikakʼpe, ente noko do Probhu Isorren doko baṅkana.

Rak̕joṅ 4:1

Hae! cetʼleka mạlchạ akana sona do, Cetʼ leka pherao akana nirạ sona do. Mitʼke mitʼ kulhi reakʼ dobạṭiạkore sonot ṭhạ̃i reakʼ dhiriko do cetʼ leka chirchạtur akana.

Jeheskel 15:2

“E manwa hopon, darkha nạ̃ṛĩ do cetʼ bir reakʼ jãhãn dare nạ̃ṛĩ khon sorosgea?

Mathae 21:33

“Mitʼṭecʼ phen ańjompe. Mitʼṭen oṛakʼ kisạ̃ṛ do mitʼṭecʼ darkha bagwane benaokeda ar ona beṛhaeteye eṭetʼ ạcurkada. Tayomte uni do ona bagwanre lelen kũnḍe la tearketʼte mitʼṭecʼ usul pahra oṛakʼe benaokeda. Ar inạ tayom do cacasko ṭhen onae bạisạu oṭokatʼte acʼ do eṭakʼ disạmteye calaoena.

Mark 12:1

Ona tayom Jisu do phenko hotete cetʼakoe ehopʼena. Uni doe metatʼkoa, “Mitʼ hoṛ do mitʼṭecʼ darkha bagwane benaoketʼte ona beṛhaeteye eṭetʼ ạcurkada. Ar darkha rasa benao lạgitʼ lelen kunḍe laketʼte mitʼṭecʼ usul oṛakʼe benaokeda. Ona tayom cacasko ṭhen bạisạu oṭokate uni do eṭakʼ disạmteye calaoena.

Luk 20:9

Ona tayom Jisu do disom hoṛko cetʼako lạgitʼ noae lạiyatʼkoa: “Mitʼ hoṛ do mitʼṭecʼ darkha bagwane benaokeda ar cacasko ṭhen bạisạu oṭokate ḍher din lạgitʼ eṭakʼ disạmteye calaoena.

Johan 15:1

“Ińge sạri darkha nạ̃ṛĩ ar ińren Baba doe mạli kana.

Dosar Biboron 32:32

Probhu Isore meneda, “Onkoakʼ darkha nạ̃ṛĩ do Sodom reakʼ darkha nạ̃ṛĩ khon ar Gomora reakʼ khet khonge omon akana. Onkoakʼ darkha nạ̃ṛĩre do bis menakʼa, ar darkha thopako do haṛhatʼgetakoa.

Dosar Biboron 4:37

Uni do aperen hapṛamkoe dulạṛketʼkoa ar ona tayom do onkoren bõskoe bachao hataoana. Ar onate acʼ hạjir tahẽkate acʼakʼ maraṅ daṛete Misor disạm khon apeye oḍok ạguketʼpea.

Josuạ 24:31

Josuạ tinạkʼ din jiwetʼe tahẽkan ar ona tayom dinkore okoeko murubbiko jiwetʼko tahẽkan unạkʼ din Israelko do Probhu Isorko sewawadea. Israelko lạgitʼ Probhu Isor oka bhageakʼkoe kạmiletʼ ona do onkoren murubbiko hõko ńelleda.