Jirimiạ 2:20 - সান্তালী বাইবেল

²⁰ “Ḍher din laharege am do amakʼ arãṛem rạputʼ giḍi akada ar amakʼ tonolem topakʼ akada; arem meneda, ‘am do bạń sapʼ sorama.’ Am do mimitʼ usul buru ar hạṛiạṛ dare buṭạkore kusumbi leka ombakʼkatem laṭghaṭetʼ kana.

Jirimiạ 2:20 Iomraidhean Croise

1 Rapajko 12:32

Jihudạ ṭoṭha talare oka porob hoyokʼkan tahẽkan ona porob leka irạlakʼ cando reakʼ gel mõṛẽakʼ din hilokʼre uni do Bethelre hõ mitʼṭecʼ porob reakʼe bebostakeda ar acʼe benao akade mĩhũ ńutumte pinḍ cetanre janware samaṅkedea. Uni do Bethel reakʼ usul than boṭkocʼkore hõ acʼ benaoakʼ mundilre naekekoe bahalketʼkoa.

1 Rapajko 14:23

Ona chaḍa onko do ako lạgitʼ mitʼke mitʼ usul burure ar mitʼke mitʼ dare buṭạkore than boṭkocʼko benaokeda ar sonot dhiri ar Asera muṭhạnko benao joṅana.

Sereńko 107:14

Ńut, ar kaṛaṅ ńut khon uni doe oḍokketʼkoa; uni do onkoakʼ sikṛiye rạputʼgiḍikatʼtakoa.

Sereńko 2:3

Onkoko meneda, “Dela, unkinakʼ sikṛi bon topagma, Ar unkinakʼ tonol bon raṛakatakin ma.”

Sereńko 78:58

Onko do buru coṭ reakʼ pinḍko beoharkate uniko bekusi ocokedea; ar tite benaoakʼ murtiko pujạwatʼkote uniko edre ocokedea.

Exodus 19:8

Noa katha ańjomkate hoṛko do mitʼ domteko menkeda, “Probhu Isor okaṭakʼe menakatʼ ale do jotogele onkaea.” Ar hoṛko okako menketʼ Mose do ona Probhu Isore baḍae ocokedea.

Exodus 24:3

Mose do ruạṛkate Probhu Isorakʼ katha tinre hoṛko ṭhene lạikeda ar uniyakʼ sanam ạnkoe sodorkeda unre hoṛko do mitʼ domteko menkeda, “Probhu Isor cetʼ cetʼkoe menakatʼ ale do ona jotole manaoa.”

Exodus 3:8

Misorrenkoakʼ ti khon onko rukhiyạko lạgitʼ iń doń pheḍ hecʼakana. Iń do ona disạm khoniń oḍok ạgukoa ar Kananrenko, Hittirenko, Amorirenko, Pherisirenko, Hiwirenko ar Jebusirenkoakʼ disạmteń idikoa. Ona disạm do maraṅgea ar mońjgea; onḍe do toa ar dumur rasa reakʼ jãhãn okulạnge bạnukʼa.

Jesaea 1:21

Hae, kũạri nagraha, ona do kusumbi leka hoyakana! Mitʼ okte uni do hok reakʼ bicạrte perecʼe tahẽkana; unire dhorom tahẽkana, menkhan ńitokʼ do khũniạhikoko girobasokʼ kana.

Jesaea 10:27

Enhilokʼ onkoakʼ bojha ar arãṛ do apeakʼ taren khon ocogokʼa; arpe moṭa akante ona arãṛ do rạpudokʼtakoa.

Jesaea 14:25

Ińakʼ disạm talare Ạsurren raj doń rạputʼ gejerea ar ińakʼ buru cetanreń lebetʼ gasmanḍaoea. Unre ińren hoṛko ṭhen khon uniyakʼ arãṛ do sạṅgińokʼa ar onkoakʼ taren khon bojha hõ ocogokʼa.”

Jesaea 9:4

Midiạnakʼ bhagaokʼ dinre okam cekaletʼ, onkage am dom rạputʼ kaca kucạya ona hamal arãṛ do, one okako gokʼ akatʼ, ar ona ṭheṅgage, one oka doe daletʼko, ar onko jạtrenkoge, okoe do onkoko santaoetʼko.

Jirimiạ 13:27

Iń do amakʼ laṭghaṭ, hinhạukʼ ar nilạjiạ loṭghuṭgeń ńelakada; ṭạnḍi ar buru boṭkocʼre amakʼ hirkhạwakʼ kạmiko hõń ńelakada. Amre do hae hae E Jerusalem! Ar tinạkʼ din besapha akan dom tahena?”

Jirimiạ 17:2

Aperen hopon ar hoponerako do mimitʼ hạṛiạṛ dare buṭạkore ar usul buruko reakʼ than boṭkocʼko ar Asera khunṭiko disạyetʼkana.

Jirimiạ 2:31

“Niạ piṛhiren hoṛko, ińakʼ katha ańjompe. Israelko ṭhen iń do cetʼ hahaṅkar iń hoyakana? Iń do cetʼ kaṛaṅ ńut reakʼ disạmiń hoyakana? Ińren hoṛ do cedakʼko mena, ‘ale do sạdhintegele dãṛãbaṛa daṛeakʼa; ar am ṭhen do bale hijukʼa?’

Jirimiạ 3:13

Am do eken amakʼ ghạṭko aṅgocʼme, amren Probhu Isor upạrtem hul akada mente, ar hạṛiạṛ dare buṭạkore debotako do amakʼ dulạṛem em akawatʼkoa ar ińakʼ aṛaṅ hõ bam ańjom akada.’

Jirimiạ 30:8

“Iń phạdkoren Probhu Isorgeń meneda, enhilokʼ iń do onkoakʼ taren khon arãṛiń rạputʼ giḍikatakoa ar onkoakʼ tolkoń topakʼ giḍikakʼa; bidisiạko ar do golam menkate bako dohokoa.

Jirimiạ 5:5

Onatege iń do mukhiyạko ṭheniń senokʼa ariń galmaraoakoa; onko do khạṭige Probhu Isorakʼ hor ar akoren Isorakʼ ạnko baḍaegea.” Menkhan onko do mitʼdomte arãṛ rạputʼkate tonolko topakʼ akada.

Jeheskel 16:28

Asurrenko sãote hõm loṭghuṭi akada, ente bam tirpitokʼkan tahẽkana; menkhan am do enrehõ bam tirpitlena.

Jeheskel 16:31

Am do kulhi mucạtʼ dobạṭiạkore than ghuṭukom benao joṅkana ar loṭghuṭi kạmikate hõ amakʼ kuṛại dom nihạ̃t giḍikakʼ kana.

Jeheskel 16:41

Onko do amakʼ oṛakʼ-duạrko jeredtama ar ḍher maejiuko samaṅre amiń sạjạimea. Nonkate iń do amakʼ laṭghaṭiń mokoń ocoytama; ar amren dulạṛiạko do ṭaka poesa ar bam emakoa.

Jeheskel 20:28

Okaṭakʼ disạm emako reakʼ iń kiriạlen onḍe idiko tayom onko do jãhãrege usul buru ar hạriạṛ dare buṭạko ńelketʼ onḍege janwarko samaṅketʼkoa. Onko do samaṅokʼ reakʼ porobkote ińko khĩs ocokedińạ.

Jeheskel 23:5

“Ohola do ińrene tahẽkanre hõe loṭghuṭikeda. Uniren dulạṛiạko, metakʼme Ạsurrenko secʼ uni doe gagojok ʼkan tahẽkana. Onko do beguni roṅ kicricʼ horokʼ akatʼ lạṛhại birko, disạm cakʼlaoko ar subedarko tahẽkana; ar jotoge ńapae juạn ar sadomre dejokʼ aswariko tahẽkana.

Hosea 1:2

Hosea hotete pạhil dhao katha roṛ jokhecʼ Probhu Isor do uniye metadea, “Am do senkate mitʼṭen kusumbi ayo baplayem. Ar laṭghaṭren hoponko omonjoṅme, ente disạmren hoṛko do ạḍitetʼko laṭghaṭeda Probhu Isorko bạgi akadete.”

Hosea 2:5

Onkoren eṅgattetʼ doe laṭghaṭ akada ar okoe uniyakʼ kukhireye hoyakan uni do lajao paṛaoakʼgeye kạmi akada. Uniye menkeda, ‘ińren dulạṛiạkoń pańjakoa; onkoge ińakʼ jomakʼ ar ńũiyakʼ, bhiḍi upʼ, mĩhĩ musnạ jạ̃ṛĩ sutạm, sunum ar ńũńũakʼko emạńkana.’

Hosea 3:3

Ona tayom uniń metadea, “Iń tulucʼ giticʼmidokʼ lạgitʼ am do ḍher din tạṅgiy hoyokʼtama. Menkhan am do alom loṭghuṭiya se jãhãe hoṛ sãote hõ alom dulạṛokʼa. Ar ińhõ am lạgitʼ koyokʼ hor akaeyiń tahena.”

Hosea 4:13

Buru reakʼ cuṛạkore onko do janwar dãṛẽko samaṅetʼkoa ar buru cetan reakʼ Elon, Libni ar Ela dare buṭạko reakʼ umulre dhupko jeretʼeda. Ona iạte aperen hoponerako do kusumbiko hoyokʼtapea ar hoponkoren bạhuko doko loṭghuṭiya.

Hosea 9:1

E Israel, eṭakʼ jạtrenko leka do alom hulạs porobokʼa. Am do amren Isor bạgikate unire bepạtiạricʼem hoyakana; ar mitʼke mitʼ khạrạire kusumbi reakʼ kuṛại ńamkate am dom kusi akana.

Levitikus 26:13

Ińge Probhu aperen Isor do. Misor disạm khon ińgeń oḍok ạgu akatʼpea jemon Misri hoṛkoren golamko ar alope tahen. Apeakʼ taren reakʼ ãṛãṛ rạputʼkate ińge apeakʼ bohokʼ iń sojhetapea.

Nạhum 1:13

Ńitokʼ do amakʼ taren khon onkoakʼ arãṛiń rạputʼ giḍikakʼa ar amakʼ tol koń topakʼ giḍikakʼa.”

Dosar Biboron 12:2

Okoe jạtrenkoakʼ bedokhol lạgitʼpe calakʼkan onḍe usul buru ar boṭkocʼkore ar hạriạṛ dare buṭạkore akoren debotako sewawako kan tahẽkan onako jaega dope marao giḍikakʼa.

Dosar Biboron 15:15

Disạipe, Misor disạmre ape hõ golampe tahẽkana ar aperen Probhu Isor doe chaḍao akatʼpea. Ona iạte iń do noako hukumiń emapekana.

Dosar Biboron 26:17

Ar teheńge lại sodorpe. Probhu kangeae aperen Isor do ar uniyakʼ horregepe taṛama mente. Arpe aṅgocetʼ kana, uniyakʼ hukumko ar bicạrkope dohoya ar uniyakʼ katha lekape calakʼa.

Dosar Biboron 4:20

Disạipe, Probhu Isor do apeye bachao akatʼpea ar mẽṛhẽtʼ reakʼ seṅgel bhaṭa metakʼme Misor khone oḍok ạguakatʼpea jemon uniren hoṛpe hoyokʼ ar ape do ńitokʼ onagepe hoyakana.

Dosar Biboron 4:34

Ape do kuli joṅpe, aperen Probhu do apeakʼ mẽtʼ samaṅre Misor disạmre ape lạgitʼ okae cekaletʼ onka jãhãn debota jãhãtisokʼ biḍạu hotete, hahaṛa kạmi hotete, cinhạ kạmikote, lạṛhại talate, keṭecʼ ar daṛeanakʼ tite ar maraṅ ar botoranakʼ kạmiko hotete jãhãn jạtren hoṛko eṭakʼ jạtrenko tala khon apnar lạgitʼe oḍok ạgu akatʼkoa se baṅa.

Dosar Biboron 5:27

Aboren Probhu Isor okae menakatʼ, ona do sorkate amge ańjom ạguiyme. Ar uni okae metam ona baḍae ocoleme; ar ale do ańjomkate ona lekagele senokʼa.’

Josuạ 1:16

Onko do Josuạko metadea, “Am okam hukumakatʼle ona dole manaoa ar okarem kolle onḍegele calakʼa.

Josuạ 24:24

Unre sanamkoge Josuạko metadea, “Ale do aleren Probhu Isor gele sewawaea ar uniyakʼ hukumkogele manaotaea.”

Josuạ 24:26

Ar uni do Isorakʼ ạn-ạriko reakʼ sanamakʼ mitʼṭecʼ puthireye ol dohokeda. Uni do mitʼṭecʼ maraṅ dhiri hataokate Probhu Isorakʼ sonot jaega ṭhen Elon dare buṭạre onae bạisạukada.

Johan sodor 17:1

Okoe eae goṭen serma goḍetkoakʼ tire eae goṭecʼ bạṭi tahẽkan onko modren mitʼ hoṛ do hecʼkateye metadińạ, “Dela hijukʼme, aema dakʼ cetanre okoe kusmbiye duṛupʼakan uniyakʼ sạjạiyiń udukʼama.

Bikʼcạrko 10:6

Israel hoponko do arhõ Probhu Isorakʼ nońjorre oka bạṛicʼakʼkan onage kạmiko ehopʼena. Onko do Bakʼal debotako ar Astarot debiko ar Aramrenko, Sidonrenko, Moabrenko, Amonrenko ar Philisṭikoren debotako sewawakoko ehopʼena. Nonkate Israelko do Probhu Isorko bạgikedete ar bako sewawadea.

Bikʼcạrko 2:11

Ar Probhu Isorakʼ mẽtʼre oka bạṛicʼakʼ kan onageko kạmiyetʼ tahẽkana. Onko do Bakʼal debotako sewawae kan tahẽkana.

Bikʼcạrko 2:13

Ar nonkate onko do Probhu Isor bạgikate Bakʼal debota ar Asṭoret debiko sewawae kan tahẽkana.

1 Samuel 12:10

Unre aperen hapṛam do Probhu Isor ṭhen rakʼketʼteko menkeda, ‘ale dole kại akada; ale do Probhu Isor bạgikate Bakʼal ar Astoretle pujạ akawatʼkinạ; ńitokʼ bạirikoakʼ ti khon baṛe rukhiyạleme, ar ale do amgele sewawama.’