Jirimiạ 2:18 - সান্তালী বাইবেল

¹⁸ Ar ńitokʼ do nil gaḍa reakʼ dakʼ ńũi lạgitʼ cedakʼ Misorte dom calakʼ kana? Phurạt gaḍa reakʼ dakʼ ńũi lạgitʼ hõ Ạsurte do cedakʼem calakʼkana?

Jirimiạ 2:18 Iomraidhean Croise

2 Bõsbudạ 28:16

Ona jokhecʼ Ahas raj do goṛo ńam lạgitʼ Ạsurren raj ṭhen hoṛkoe kolketʼkoa.

Jesaea 23:3

Sihon gaḍa, metakʼme nil gaḍa ḍhip aṛeteakʼ anaj do maraṅ jalapuri cetante hijukʼkan tahẽkana; ar Tur reakʼ arjaowakʼ do ona gaḍa aṛe reakʼ phosolge tahẽkana, ar Tur do sanam jạtkoren beparigeye tahẽkana.

Jesaea 31:1

Hae onko do one okoe goṛo ńam lạgitʼ Misorteko calakʼkan! Onko do sadom ar rãt gạḍireko bhorsakʼ kana ar aswarikoakʼ maraṅ daṛe cetanre pạtiạuko dohoyeda, menkhan onko do Israelren uni sonoticʼ secʼ bako beṅgetʼeda ar Probhu Isor ṭhen goṛo bako khojkana.

Jesaea 7:20

Enhilokʼ Probhu Isor do apeakʼ bohokʼ reakʼ upʼ, jaṅga reakʼ upʼ ar gocoko hoyo ocoytape lạgitʼ Phurạt gaḍa hanasa khon mitʼṭecʼ holatʼ, metakʼme Ạsur raje bhaṛa ạguiyea.

Jirimiạ 2:36

Amakʼ hor pheraotam lạgitʼ do cedakʼem ạcur baṛae kana? Ạsur babotre cetʼlekam lajao ocolen onkage Misor iạte hõm lajao ocokʼa.

Jirimiạ 31:22

E bạṛicʼ horte senakan kuṛi, ar tinạkʼ din am dom dãṛãbaṛaea? Iń Probhu Isor do dhạrtire mitʼṭecʼ nãwãnakʼ iń hoyocoakada, ona do hoyokʼ kana, maejiu do herel hoṛe aḍ bańcaoea.”

Rak̕joṅ 4:17

Ạuṛiyakʼ goṛo ńam reakʼ aste aboakʼ mẽtʼ do nijor akantabona; nonkan mitʼ jạtrenko secʼ bon koyokʼ horakatʼ tahẽkana okoe do bako rukhiyạ daṛeabon.

Rak̕joṅ 5:6

Ale do jomakʼko ńama iạte Misor ar Ạsurrenko gobolrenkole hoyakana.

Jeheskel 16:28

Asurrenko sãote hõm loṭghuṭi akada, ente bam tirpitokʼkan tahẽkana; menkhan am do enrehõ bam tirpitlena.

Jeheskel 17:15

Menkhan uni disạm cakʼlaoyicʼ do sadom ar mitʼṭen maraṅ lạṛhại phạdko ńamko lạgitʼ Misorte goḍete kolkedete Babelren raj upạrteye hulkeda. Uni do cetʼe jitạukʼgea? Okoe nonkanakʼe kạmi uni do cetʼ rehaeye ńamgea? Kiriạ teakʼe rạputʼ lekhan uni do cetʼ rukhiyại ńamgea?

Hosea 5:13

“Ephrayim do tinre acʼakʼ roge ńelkeda ar Jihudạ do acʼakʼ ghaoko unre Ephrayim do Ạsur secʼ ạcur ruạṛkate goṛo ńam lạgitʼ uni maraṅ raj ṭhen hoṛe kolketʼkoa. Menkhan uni do rog hõ bae boge daṛeataea ar uniyakʼ ghaoko hõ bae bes daṛeakʼa.

Hosea 7:11

“Ephrayim do mitʼṭen bebuj parwa leka kanae; uni doe lelhagea. Uni do ghane Misore hohoaekana ar ghane do Ạsur ṭhene calakʼkana.