Jirimiạ 2:15 - সান্তালী বাইবেল

¹⁵ Dhạcri kul doko hạnḍrạukʼ kana: uni upạrteko hạnḍrạukʼ kana. Onko do uniyakʼ disạmko ujạṛakada; ar uniyakʼ nagrahako doko ḍahao marao akada, onate onare do celege bạnukʼkoa.

Jirimiạ 2:15 Iomraidhean Croise

Jobakʼ 4:10

Dhạcri kulakʼ hạnḍrạukʼ ar taras, ar takʼrasicʼakʼ taras hõ thirokʼ kana.

Sereńko 57:4

Reṅgecʼ edekan dhạcri kul leka hoṛko talare iń doń giticʼ akana; onkoakʼ ḍaṭa do borlom ar sar leka, ar alaṅ do laser tarwaṛe lekage.

Jesaea 1:7

Apeakʼ disạm do ujạṛ akantapea, nagrahako do seṅgelte jarkhar akana. Apeakʼ khetko reakʼ phosolko do apeakʼ mẽtʼ samaṅrege porjạtrenko luṭ idiyetʼ kana; ar bidisiạko do disạmko jarkhar akada.

Jesaea 24:1

Ńelpe, Probhu Isor do dhạrtiye ujạṛ utạr are marao lạgidokʼ kana. Uni do ona reakʼ cetantetʼe ulṭạu giḍikakʼa ar onare girobasokʼ kan hoṛkoe chirc hạturkoa.

Jesaea 5:29

Kul eṅga lekage onkoakʼ hạnḍrạukʼ do; onko do dhạcri kul lekako hạnḍrạukʼa ar guńjrạukʼ kanako akoren sikạrko lạgitʼ. Onko doko ger ạtkirkoa; ar celege bako rukhiyạ daṛelekoa.

Jesaea 5:9

Ińakʼ luturte phạdkoren Probhu Isorakʼ niạ kathań ańjomakada, “Sạrige maraṅ maraṅ oṛakʼko do marao utạrokʼa, ar napae napae dolanre do celege bako tahena.

Jesaea 6:11

Unre iń doń menkeda, “E Probhu Isor, ar tinạkʼ din?” Uni doe roṛ ruạṛạdińa, “Tinạkʼ din nagrahako baṅ marao utạrokʼ, oṛakʼ-duạr baṅ ujạṛokʼ ar khet-baṛgeko baṅ jarkharokʼ;

Jirimiạ 10:22

Ańjompe, khobor hijukʼkana! Jihudạ reakʼ nagrahako do ujạṛokʼa ar toyokoakʼ tahen ṭhạ̃i hoeocoy lạgitʼ utạr disạm khon gulmal reakʼ sabad hijukʼ kana.

Jirimiạ 25:30

“Ńitokʼ am do onko upạrte nạbi lekate noako katha roṛme, ‘Probhu Isor do cetan khone hạnḍrạua; ar acʼakʼ sonot ṭhạ̃i khon acʼakʼ aṛaṅe ańjom ocoytaea ar uniyakʼ disạm upạrte ãṭteye hạnḍrạua. Ar darkha joko len leka uni do dhạrtireko girobasokʼkan sanamko upạrteye hohoea.

Jirimiạ 25:9

Iń do utạrren sanam jạtrenko ar ińren golam Babelren Nebukadnesar rajiń hoho ạguiyea. Noa disạm ar onaren hoṛko upạrte ar beṛhaeten sanam jạtrenko upạrte onkoń ạgukoa. Iń do purạte onko hoṛkoń maraokoa ar onko do botoran ar landa-dhutʼan jạtrenkoń hoyocokoa; onkoakʼ disạm do jaejug lạgitʼ iń ḍahao maraoa.

Jirimiạ 26:9

Cedakʼ am do Probhu Isor ńutumte nonkam nạbi akada, “Baṅma noa oṛakʼ do Silo leka hoyokʼa ar nagraha do ḍahao maraokʼte ujạṛokʼa?” Noa menkate sanam hoṛ do Probhu Isorakʼ oṛakʼre Jirimiạko esetʼ ạcurkedea.

Jirimiạ 33:10

“Ape do niạ ṭhạ̃i reaṅpe meneda, ‘noa do ujạṛ akana; nonḍe do manwa se janwar hõ bạnukʼkoa.’ Menkhan Jihudạ reakʼ okako nagraha ar Jerusalem reakʼ okako ḍahar do ujạṛge menakʼ, one okare manwa se janwar hõ bako tahenkan onḍe do arhõ rạskạ ar hulạs reakʼ aṛaṅ ańjomokʼa ar jãwãe koṛa ar bạhu kuṛiyakʼ aṛaṅ hõ ańjomokʼa; ar okoe Probhu Isorakʼ oṛakʼre gun manao reakʼ samaṅokʼakʼko ạgui onkoakʼ aṛaṅ hõ ańjomokʼtakoa. Onko doko mena, ‘phạdkoren Probhu Isor sarhaoepe, ente Probhu Isor doe bhagegea, ar uniyakʼ daya do jaejug hạbicʼ tahẽakae tahenkana.’ Iń do lahate lekage niạ disạm reakʼ dosań ạgu ruạṛa.

Jirimiạ 34:22

Iń do onkoń hukumakoa ar niạ nagrahategeń ruạṛ ạgukoa. Onko do noa nagraha upạrteko lạṛhạiya arko hatjona ar onako jeretʼ giḍikakʼa. Iń do Jihudạ nagrahakoń marao ar ujạṛakʼ iń hoeocoya.”

Jirimiạ 4:7

Mitʼṭen dhạcri kul do gajaṛ bạgikateye oḍok hecʼakana; ar jạtrenko maraoko lạgitʼ hõ mitʼ hoṛe mohnḍa akana. Amakʼ disạm ujạṛ lạgitʼ uni do acʼakʼ ṭhạ̃i khone oḍok akana. Amakʼ nagrahako do jarkharokʼa, onḍe do celege bako tahena.

Jirimiạ 44:22

Apeakʼ bạṛicʼ ar hirkhạwakʼ kạmiko Probhu Isor do tinre bae sahao daṛeada unre apeakʼ disạm do ujạṛakʼ, maraoakʼ ar hirkhạwakʼ ṭhạ̃ige hoyena ar ona disạm reakʼ ńutum do hoṛkoko sarapakʼa. Ar teheń hạbicʼ hõ ona do onkage menakʼa.

Jirimiạ 5:6

Ona iạte bir khon mitʼṭen dhạcri kul do oḍok hecʼkate onkoe gocʼkoa. Ar hahaṅkarren mitʼṭen hunḍạr doe maraokoa ar onkoakʼ nagraha ṭhen mitʼṭen tạrupʼ do tãṛãkʼ akane tahena. Ar jãhãege onḍe khonko oḍokokʼ onko doe or cirạkoa, ente onkoakʼ ghạṭ do ḍhergea ar bạṛicʼ horte calakʼ reakʼ ghoṭna hõ maraṅgetakoa.

Jirimiạ 50:17

“Israel do chirchạtur akan bhiḍi palko leka kanae one dhạcri kule laga akade. Pạhilre Ạsurren raj do uniye jomkedea; ar mucạtʼre Babelren raj Nebukadnesar do uniyakʼ jaṅkoe tạhuṛketʼtaea.

Jirimiạ 51:38

Uniren hoṛko do jotoge dhạcri kul lekako hạnḍrạukʼa, dhạcri kul hopon lekako gõ gõkʼa.

Jirimiạ 6:8

E Jerusalem, sontorokʼ reakʼ katha ańjomme, ar baṅkhan am ṭhen khon ruạṛ senkate amakʼ disạmiń jarkhar cabaytama ar baṅ berelokʼ disạmgeń hoeocoya.”

Jirimiạ 9:10

Buruko ńutumteń rakʼeda ar hahaṅkar reakʼ ạtiń ṭạnḍiko lạgitʼ doń homor halaṅeda. Ente onako do dhaṅdhaser akana, ar okoehõ onkate do bako paromokʼkana. Mĩhũ meromkoakʼ bhokraokʼ hõ baṅ ańjomokʼkana. Coṭren cẽṛẽ ar janwar doko dạṛ akada arko calao cabayena.

Jirimiạ 9:11

Probhu Isore meneda, “Jerusalem do mitʼṭecʼ dhaṅdhaserakʼ ar toyokoakʼ tahen lạgitʼ bhugạkʼgeń hoeocoya. Ar Jihudạ nagrahako do nonkań dhaṅdhasera, onḍe do ar okoehõ bako girobasokʼa.”

Jeheskel 36:3

Onatege iń Probhu Isoriń menetʼ kana, jạt jạtrenkoakʼ dokholre jemonpe hijukʼ ar jemon hoṛko hiskạ arko landa dhutʼape ona lạgitʼ onko do beṛhae secʼ khonko maraoetʼpea arko utʼetʼpea.

Jeheskel 5:14

“E Jerusalem, am beṛhaeten jạtrenko modre okoe do am aṛeteko parom calakʼ onkoakʼ mẽtʼ samaṅre dhaṅdhasericʼ ar landa-dhutʼicʼ iń hoyocomea.

Hosea 11:10

Amren hoṛ do ińko pańjayińạ, ente iń do dhạcri kul lekań hạnḍrạukʼa. Ar ińiń hạnḍrạu tayom ińren hoponko do pạchim secʼ khon thar tharaokʼ tulucʼko hijukʼa.

Hosea 5:14

Ephrayim ṭhen ar Jihudạ ṭhen do dhạcri kul lekageń hoyokʼa. Unkin doń or cirạkinạ ar kaṭra kuṭrạkateń bạgi oṭoạkinạ. Iń do unkiniń idikinạ ar unkin bańcaokin lạgitʼ do celege bako tahena.

Amos 3:12

Probhu Isore meneda, “Gukʼpiyicʼ cetʼleka dhạcri kulakʼ moca khon jaṅga reakʼ eken barea jaṅ se lutur reakʼ mitʼ kuṭrại rukhiyạ daṛeakʼ onkage Israelren okoeko hoṛ Samariạreko girobasokʼ kan onko do eken onkoakʼ ṭenḍar mạci reakʼ mitʼ konac ar parkom reakʼ kuṭrạgeko rukhiyạ daṛeakʼa.”

Amos 3:4

Sikạr bae ńamle khan kul do cetʼ gajaṛ khone hạnḍrạukʼgea? Ar jãhãnicʼ bae sapʼ daṛeae khan dhạcri kul do cetʼ acʼakʼ danderreye gondraokea?

Amos 3:8

Dhạcri kule hạnḍrạulere okoe hale bae botorkokʼa? Probhu Isor roroṛe metae khan nạbi lekate katha do okoe hale bae nạbikea?

Nạhum 2:11

Onko dhạcri kulkoakʼ dander ńitokʼ do okare menakʼa, one okare akoren hoponko nunuako kan tahẽkan, ar onḍe dhạcri kul ar kul eṅga do hoponko salakʼ khạtirjomako tahẽkana?

Sephaniạ 1:18

Probhu Isorakʼ edre hilokʼ onkoakʼ sona ar rupạ do bae rukhiyạ daṛeakoa. Uniyakʼ ontor jala reakʼ seṅgelte goṭa dhạrti do lokʼa, ente dhạrtire tahẽnkan sanamkoge uni do ackageye caba utạrkoa, hẽ uni do botorgeye ses utạrkoa.

Sephaniạ 2:5

E Kerithiren hoṛko, okoe do jalapuri aṛerepe tahenkan, hae ape do! E Philisṭikoakʼ Kanan, am upạrte Probhu Isorakʼ katha do nonka, “Am do nonkań jarkharmea, amre celege bako tahena.”

Sephaniạ 3:6

Probhu Isore meneda, “Iń do jạt jạtrenkoń marao akatʼkoa; onkoakʼ usul pahra oṛakʼ hõ marao akana. Onkoakʼ hor doń ujạṛ akatʼtakoa; celege onare do bako dãṛãnkana. Onkoakʼ sanam nagraha do marao akana; onḍe do celege bạnukʼkoa ar celege bako girobasokʼ kana.

Sakariạ 11:3

Bhiḍi gukʼpikoakʼ homor halaṅ ańjompe; onkoakʼ bhage bhage ạtiń ṭạnḍiko do nosṭo caba akana. Dhạcri kulkoakʼ hạnḍrạu ańjompe; jordan reakʼ bir do ujạṛena.

Bikʼcạrko 14:5

Tayomte Samson do acʼren go-baba sãote Timnạteye senena. Ar Timnạ reakʼ darkha bagwan ṭhene seṭeren khan mitʼṭen dhạcri kul do hạnḍrạuate Samson secʼe laha hecʼena.