Jirimiạ 2:13 - সান্তালী বাইবেল

¹³ Ente ińren hoṛ do bareako ghạṭ akada. Jion dakʼ reakʼ bhumbuk doń ińkangea, onko do ińgeko bạgi giḍi akadińạ, ar apnar lạgitʼ nonkan dakʼ ḍạḍiko benao akada one onakore do dakʼge baṅ tahenkan.

Jirimiạ 2:13 Iomraidhean Croise

2 Rapajko 22:17

Onko do ińko bạgi giḍi akadińạ ar debotako ńutumte dhupko jeretʼetʼ kana ar akoakʼ titeko benao akatʼko sanam murhutʼkote ińko khĩs ocoyediń kana; ona iạte niạ jaega upạrte ińakʼ edre do salgaokʼkan tińạ ar ona do baṅge ĩṛĩjokʼa.’

Sereńko 36:9

Am do jion reakʼ marsal kanam; amakʼ marsaltege ale dole marsalena.

Sosolhayic̕ 1:14

Siń cando latarre jãhãnakʼge cekae hoyokʼ ona jotogeń ńelkeda; ariń ńelkeda jotowakʼge ạuṛiyakʼgea, eken hoe tayomte ńir calakʼkan chaḍa ar cetʼge baṅkana.

Sosolhayic̕ 1:2

Uni doe meneda, “Ạuṛiyakʼgea, ạuṛiyakʼgea! Okaṭakʼge tahẽ utạrokʼ lạgitʼ do baṅkana. Jotowakʼge ạuṛiyakʼgea!”

Sosolhayic̕ 12:8

Sosolhayicʼe meneda, “Ạuṛiyakʼgea, ạuṛiyakʼgea, jotoge ạuṛiyakʼgea!”

Sosolhayic̕ 2:11

Enhõ okakoń ceka akatʼ ar oka ńam lạgitʼ iń khaṭaolen ona secʼ tinreń ạribạndhikeda unreń ńelkeda jotowakʼge ạuṛiyakʼ kana. Noako sanamakʼ do eken hoe tayomte ńir calakʼkan chaḍa ar cetʼge baṅkana. Siń cando latarre okaṭakʼge porhowanakʼ do baṅkana.

Sosolhayic̕ 2:21

Niạ reakʼ karon do hoyokʼkana bud, ạkil ar lekman iạte mitʼ hoṛ doe khaṭao daṛeakʼa, menkhan ona tayom uniyakʼ jotowakʼ do ạidạri lekate nonkan mitʼ hoṛ lạgitʼ doho oṭokakʼ hoyokʼtaea okoe do ona lạgitʼ jãhãnakʼ cetʼge bae khaṭao akan. Noa hõ ạuṛiyakʼgea ar ạḍi kosṭo reakʼ kangea.

Sosolhayic̕ 2:26

Okoe Isore kusi ocoye uni do bud, ạkil ar rạskại danaea, menkhan kại hoṛ do dhon-durib jogaṛ lạgitʼ ar ona jogao reakʼ kạmiye emaea, jemon ona do uni hoṛe emawae one okoe do Isore kusi ocoyedekan. Noa hõ ạuṛiyakʼgea, hoe tayomte ńir calakʼkan chaḍa ar cetʼge baṅkana.

Sosolhayic̕ 4:4

Ińiń ńelkeda, ạḍepaseren hoṛ cetanre hiskạ iạte manwa do joto lekanakʼe khaṭaokʼ kana ar joe ńameda. Ar niạ hõ ạuṛiyakʼ kana, eken hoe tayomte ńir calakʼ chaḍa ar cetʼge baṅkana.

Jesaea 1:3

Ḍaṅgra do acʼren kisạ̃ṛe oromedea, gadha hõ acʼren mạlikakʼ nandware oromeda, menkhan Israel do acʼren mạlik bae baḍaeyede kana, ar ińren hoṛ hõ iń do bako bujhạu edeńkana.”

Jesaea 1:4

Hae! Onko do kạite perecʼ mitʼṭen jạtrenkoge, dusi reakʼ bojhate perecʼ hoṛge, behoketʼren bõskoge, bạṛicʼakʼ kạmiyetʼkan hoponkoge. Onko do Probhu Isorko bạgi giḍi akadaea ar Israelren uni sonoticʼko nihạ̃t akadea arko dea giḍi akadea.

Jesaea 12:3

Ona iạte ape do hulạsate bańcao reakʼ kũń khon dakʼpe loya.

Jesaea 5:13

Onate buj bạnukʼtako iạte ińren hoṛko do eṭakʼ disạmre bondi akanko tahena. Onkoren manotan hoṛ do reṅgecʼteko gujukʼa, ar onkoren eṭakʼko hoṛ do tetaṅteko chaṭ chaṭaokʼa.

Jesaea 55:2

Okaṭakʼ jomakʼ baṅkan ona lạgitʼ ṭaka poesa do cedakʼpe khoroca? Okaṭakʼte baṅ tirpit ona lạgitʼ do cedakʼpe khaṭaokʼ kana? Ańjompe, ińakʼ katha ańjompe, oka bhageakʼkan ona jompe; ar itilanakʼre rạskạjoṅpe.

Jesaea 63:8

Uni doe men akada, “Khạṭige onko do ińren hoṛ kanako, ar nonkan hopon kanako onko do tishõ bako bepạtiạu ocokʼa,” Ar ona iạtege onkoren babańcaoicʼe hoyena.

Jirimiạ 1:16

Ińren hoṛ do ińko bạgi giḍi akadińạ, onko do debotako ńutumte dhupko jeretʼeda ar apnar tite benaoakʼ jinisko ḍobokʼakʼ kana. Iń do onkoakʼ dusṭạmi kạmi iạte onko upạrte ińakʼ bicạrkoń jạhira.

Jirimiạ 14:3

Lekman hoṛ do dakʼ lạgitʼ akoren gutikoko koletʼkoa; menkhan onko do dakʼ reakʼ ṭhạ̃ite hecʼkate dakʼ bako ńametʼkante eken kanḍawategeko ruạṛ calakʼ kana; onko do lajao arko as chuṭạu akante bohokʼko poṭom esetʼ akatʼtakoa.

Jirimiạ 15:6

Iń Probhu Isorgeń meneda, am dom bạgi akadińạ ar eṭakʼ hortem ghańjeṛ akana. Ona iạte am secʼ tiyiń tiạrtińạ ariń maraomea; ar bạń dayawama.

Jirimiạ 17:13

E Probhu, Israelkoakʼ as, okoe amko bạgi akatʼme onko sanam do lajaoreko paṛao ocokʼa. Am ṭhen khon okoeko ruạṛ senakan onkoakʼ ńutum do dhuṛire olokʼtakoa, ente onko do jiwetʼ dakʼren jharna Probhuko bạgi akadea.

Jirimiạ 18:14

Lebanon reakʼ him do cetʼ jãhãtis buru reakʼ dhasna khon le cabakʼa? Ar sạṅgiń khon ạtu ãṛgonkan reaṛ dakʼ do cetʼ jãhãtisokʼ cabakʼa?

Jirimiạ 19:4

Ente onko do ińko bạgi giḍi akadińa ar niạ ṭhạ̃i do debotakoakʼ ṭhạ̃iko benao akada; onko do nonkan debotako ṭhen dhupko jeretʼeda one onkoakʼ katha do akoren hapṛamko se Jihudạren rapajko hõ tisge bako baḍaekan tahẽkan. Ona chaḍa niạ ṭhạ̃i do miridoskoakʼ mãyãmteko perecʼ akada.

Jirimiạ 2:11

Jạtkoren debota do Isorko baṅkanre hõ enhõ jãhãe jạtrenkoge akoren debota do bako bodol akatʼkoa; menkhan ińren hoṛ do akoren ṭhonokren Isor bodolte ạuṛiyakʼren debotako aṅgocetʼkoa.

Jirimiạ 2:17

Amren Probhu Isor do ṭhik horteye idiyetʼme tahẽkanre unim bạgiyadete amtege cetʼ noako do bam ạgu akawana?

Jirimiạ 2:26

“Kombṛoe sapʼ ocolenre cetʼ lekae lajao ocokʼ onkage Israel bõsrenko hõko lajao ocokʼa. Onko do apnarte, akoren rapajko ar kạmiyạko, onkoren naekeko ar nạbiko jotogeko lajao ocokʼa

Jirimiạ 4:22

Probhu Isore meneda, ‘Ińren hoṛko doko lelhagea; onko do bako baḍae akadińạ. Onko do bebuj hopon ar hoponera kanako; onko do bujhạu reakʼ daṛege bạnukʼtakoa. Bạṛicʼakʼ kạmiren guruko kanako, menkhan bogeakʼ kạmi do bako baḍaea.”

Jirimiạ 5:26

“Ińren hoṛko talare bạṛicʼ hoṛ menakʼkoa okoe do cẽṛẽ jhãmpako leka tãṛãkʼ akaeko tahenkan; onko do pạsi oḍaokate manwako sapʼkoa.

Jirimiạ 5:31

Nạbiko do eṛeyakʼko nạbiyeda, naekeko do akoakʼ tirege ạidạri dohokateko ḍanṭao kana, ar ińren hoṛko do nonkageko dulạṛkana. Menkhan E ińren hoṛko, ona reakʼ mucạtʼ hecʼlenre cetʼpe cekaea?”

Jeheskel 14:5

Israelkoakʼ ontor ńam ruạṛ lạgitʼge iń do noań onkaea, ente onko jotoge akoren boṅga muṭhạnko lạgitʼ ińko bạgi akadińạ.

Jeheskel 47:1

Ona tayom uni do mundil oṛakʼte bolokʼ hor ṭhene ruạṛ ạgukedińa, ariń ńelkeda mundil oṛakʼte bolokʼ hor reakʼ kandha khon dakʼ do purub secʼ ạtu oḍokokʼ kana. Mundil oṛakʼ do purub secʼ samaṅ akan tahẽkana. Ona dakʼ do mundil oṛakʼ reakʼ dạkhin aṛe reakʼ kandha khon pinḍ reakʼ dạkhin aṛete ạtu calakʼkan tahẽkana.

Mikạ 2:8

Nebetar ińren hoṛ do bạiri lekako hoyakana. Lạṛhại khon ruạṛ hecʼakan hoṛko leka okoe do khạtirjomako dãṛãnkan onkoakʼ hoṛmo khon kicricʼpe or totʼetʼtakoa.

Mikạ 6:3

Probhu Isore meneda, “E ińren hoṛko, iń do apeakʼ cetʼ iń ceka akada? Ar oka lekate ape do kosṭoń em akatʼpea? Ma roṛ ruạṛạńpe.

Sakariạ 13:1

“Iń phạdkoren Probhu Isorgeń meneda, enhilokʼ Dạudakʼ bõsren ar Jerusalemren hoṛkoakʼ kại ar besapha akanakʼ ạrupʼ saphae lạgitʼ mitʼṭecʼ jharna do jhijogokʼa. Ar enhilokʼ do disạm khon boṅgako sạṅgiń ocokʼa ar onkoakʼ ńutum do celehõ bako disạiya. Disạm khon onkoren nạbikoń sạṅgiń giḍikakoa ar bạṛicʼ jiuko hõń sạṅgińkoa.

Johan 4:10

Jisu do uni maejiue roṛ ruạṛadea, “Isorakʼ danem baḍaele khan ar okoe am ṭhen dakʼe kokoe kana enḍekhan amge honaṅ uni ṭhen dakʼem koekea ar uni do jiwetʼ dakʼe emkema.”

Johan 4:11

Maejiue menkeda, “Menkhan amakʼ ma loloteakʼ hõ coṅ bạnukʼtam ar kũń ma khạndrige. Enḍekhan oka khon ona jiwetʼ dakʼ dom ńamkeda?

Johan 4:14

Menkhan iń oka dakʼiń emokʼ, ar okoe onae ńũi uni do tisge oho tetaṅlea. Ona dakʼ do uniyakʼ ontorre jaejug jion lạgitʼ bhumbukokʼkan dakʼ jharna leka hoyokʼa.”

Johan 7:37

Ado porob reakʼ mucạtʼ din do mitʼṭecʼ asol din tahẽkana. Enhilokʼ Jisu doe teṅgoyente ãṭ aṛaṅteye menkeda, “Jãhãe hoṛ tetaṅede khan uni do iń ṭhene hijukʼma ar dakʼe ńũ idijoṅma.

Dosar Biboron 31:16

Probhu Isor do Moseye metadea, “Am do amren hapṛamko ṭhen giticʼ lạgitʼem calakʼkana, menkhan noko hoṛ okaṭakʼ disạmko bolo lạgidokʼkan onḍe onko do ạnạṛi deb debi ṭhenko ạkhrińokʼa arko laṭghaṭa. Onko do ińko bạgiyińạ ar oka bondobosiń doholetʼ ona hõko rạpuda.

2 Patras 2:17

Noko hoṛ do ańjedokʼkan jharna ar hoete oṭanokʼkan kuṛhạ lekanako. Noko lạgitʼ do kaṛaṅ kucạṅ ńut dohoakana.

Johan sodor 21:6

Uni do arhõe metadińạ, “Hoyena. Ińge Alpha ar Omega, etohopʼ ar mucạtʼtetʼ. Okoe tetaṅ edekan uni do jiwetʼ dakʼ reakʼ jharna khon begor damteń ńũ ocoyea.

Johan sodor 22:1

Ona tayom uni serma goḍet do jion dakʼ reakʼ gaḍae udukʼạdińạ. Ona do dhiri hisir leka rilạmala tahẽkana ar Isor ar Bheḍa Hoponakʼ siṅghạson ṭhen khon ạtu oḍokkate nagraha reakʼ kulhi talate ạtukʼkan tahẽkana.

Johan sodor 22:17

Sonot Jiu ar bạhu kuṛi dokin meneda, “Dela hijukʼme,” Ar okoe noa kathae ańjometʼ uni hõe menma, “Dela hijukʼme.” Okoe tetaṅede kan uni doe hijukʼma ar okoe dakʼ ńũi menetʼkan uni do begor damte jion dakʼe ńũ idi joṅma.

Bikʼcạrko 10:13

Menkhan ape do iń bạgikate debotakope sewawako kana, onate ar bạń bańcaopea.

1 Samuel 12:10

Unre aperen hapṛam do Probhu Isor ṭhen rakʼketʼteko menkeda, ‘ale dole kại akada; ale do Probhu Isor bạgikate Bakʼal ar Astoretle pujạ akawatʼkinạ; ńitokʼ bạirikoakʼ ti khon baṛe rukhiyạleme, ar ale do amgele sewawama.’