Jirimiạ 2:11 - সান্তালী বাইবেল

¹¹ Jạtkoren debota do Isorko baṅkanre hõ enhõ jãhãe jạtrenkoge akoren debota do bako bodol akatʼkoa; menkhan ińren hoṛ do akoren ṭhonokren Isor bodolte ạuṛiyakʼren debotako aṅgocetʼkoa.

Jirimiạ 2:11 Iomraidhean Croise

1 Rapajko 11:33

Iń doń onkaea, ente onko gel gusṭirenko do ińko bạgi giḍi akadińạ ar Sidonren debi Astarot, ar Moabren debota Kemos ar Amonikoren debota Milkomko sewawae kana. Solomonren apattetʼ Dạud okae cekayetʼ tahẽkan onko do bako onkayeda. Onko do ińakʼ mẽtʼre oka ṭhikakʼ baṅkan onako kạmikana, ar ińakʼ niạm ar hukumko hõ bako bataoeda.

2 Rapajko 1:3

Menkhan Probhu Isorren goḍet do Tisberen Eliại metadea, “Am do senkate Samariạren raje kol akatʼko hoṛko sãote ńapamkatem metakoa, ‘Israelre Isor do cetʼ bạnuiya, onate Ekronren debota Bakʼal-sebub ṭhen kulijoṅpe calakʼ kana?

2 Bõsbudạ 13:9

Ape do Probhu Isorren naekeko, metakʼme Aronren hoponko ar Liwikope laga ńir akatʼkoa ar eṭakʼ eṭakʼ disạmren hoṛko leka apnar lạgitʼ naekepe bahal akatʼkoa. Naeke lekate apnartetʼ begarokʼ lạgitʼ jãhãege mitʼṭen damkom ar eae goṭen bheḍae ạguko unige onko debotakoren naekeye hoedaṛeakʼa.

Sereńko 106:20

Onkoren ṭhonokren Isor bạgikate onko do ghãs jom ḍaṅgrawakʼ murhutʼko ataṅkeda.

Sereńko 115:4

Onkoren boṅga murhutʼko do sona ar rupạte manwa tite benaoko kanako.

Sereńko 3:3

Menkhan E Probhu Isor, am do beṛhaete ḍhal leka menama. Amge ińakʼ ṭhonok do ar amge ińakʼ bohokʼem rakapʼ ocoakatʼtińạ.

Jirimiạ 16:20

Hoṛko do cetʼ apnar lạgitʼ debotako benao daṛeakoa? Arko benaolekore hõ onko do isor doko baṅkana.”

Jirimiạ 18:13

Ona iạte Probhu Isore meneda, “Jạt jạtrenko talare ḍunḍhạukate ńelme, noa lahare nonkan katha do okoeye ańjomakada? Kũạri kuṛi Israel do mitʼṭecʼ hirkhạwakʼe kạmiakada.

Jirimiạ 2:5

Probhu Isore meneda, “Aperen hapṛamko do cetʼ ińakʼ dosko ńamletʼa, ar onate iń khonko sạṅgińlena? Onko do ạuṛiyakʼren boṅgako pańjaketʼkote apnartetʼ hõko ạuṛiyakʼena.

Jirimiạ 2:8

Naekeko hõ bako kuliyana, ‘Probhu do okare menaea mente?’ Okoeyakʼ tire ạn-ạri tahẽkan onko hõ bako oromledeńa; onko do iń upạrteko hulkeda. Nạbiko hõ ạuṛiyakʼren boṅgako tayomte senkate Bakʼal debota ńutumteko nạbiyetʼ tahẽkana.

Jirimiạ 5:7

Probhu Isore meneda, “E Jerusalem, am do cedakʼ iń ikạmea? Amren hoponko doko bạgi giḍiakadińạ ar okoe do Isorko baṅkan onkoakʼ ńutumteko kiriạkʼ kana. Iń do onkoakʼ jạruṛokʼakʼ jotowakʼ iń purun akatʼtakore hõ, enhõ onko doko laṭghaṭ akada ar kusumbikoakʼ oṛakʼte gad gadko calaoena.

Jeheskel 14:5

Israelkoakʼ ontor ńam ruạṛ lạgitʼge iń do noań onkaea, ente onko jotoge akoren boṅga muṭhạnko lạgitʼ ińko bạgi akadińạ.

Jeheskel 5:7

“Onate iń Probhu Isoriń meneda, E Jerusalem, am beṛhaeteakʼ disạmko khon hõ bạ̃ṛtim bạṛicʼ akana. Am do ińakʼ niạm bam ańjomakada ar ińakʼ ạn ạriko hõ manao tińme. Am beṛhaeten jạtrenko hõ niạm lekate bako calao akana.

Mikạ 4:5

Jạt jạtrenko do akoren debotakoakʼ daṛeteko kạmiyetʼre hõ abo do jaejug aboren Probhu Isorakʼ daṛete bon kạmi idiyma.

Romiko lạgitʼ Pạul Apostolakʼ ciṭhi 1:23

Jaejug ṭhonokte perecʼicʼ Isor sewa bạgikate onko do manwako, cẽṛẽko, janwarko ar leńokʼ ṭunḍạṅokʼkoakʼ muṭhạnko sewawakʼ kana.

1 Korinthiko 8:4

Ńitokʼ do boṅga ṭhen samaṅakʼ jomakʼ reaṅ iń roṛeda. Baḍaegea bon dhạrtire cele boṅgage bạnukʼkoa, ar mitʼ goṭen chaḍa ar cele Isor hõ bạnukʼkoa.

Galathiko lạgitʼ Pạul Apostolakʼ ciṭhi 4:8

Pạhilre Isor bape baḍae akade tahẽkanre okoepe sewawako kan tahẽkan onko do cele debgeko baṅkana.

Dosar Biboron 32:16

Ạnạṛi Isor sewawae iạte uni do ạḍiko ãṭ ocokedea, ar hirkhạwakʼkoteko khĩs ocokedea.

Dosar Biboron 32:21

Isore baṅkan nonkanicʼko sewawaekante ar bako botorạńkante onko do ińko ãṭ ocoakadińa; ar onkoren boṅga murhutʼko iạte ińko khĩs ocoakadińa. Okoe do jạtrenko baṅkan onkoakʼ tire soprotkate onkoń jaljalao ocokoa; ar mitʼṭen bebuj jạtrenkoakʼ tire soprotkate onkoń khĩs ocokoa.

Dosar Biboron 33:29

E Israel, bhạgangeam am do! Am do Probhu Isorren bańcao akan jạtren kanam, am leka do ar cele jạtrenkoge bạnukʼkoa. Unige amren gokʼṛoyicʼ ḍhal do, ar unige amakʼ gorbokʼ reakʼ tarwaṛe. Bạiriko do am samaṅre botorteko thar tharaokʼa, ar onkoakʼ usul jaega dom lebetʼ gańjaotakoa.”

1 Patras 1:18

Baḍaegeape, jion horte calakʼ lạgitʼ aperen hapṛamko ṭhen khonpe ńamakatʼ bạṛicʼ colon khon sona se rupạ leka heṛokʼ jãhãn jiniste do bape kiriń chaḍao akana;

1 Samuel 4:21

Isorakʼ sinduk do bạirikoakʼ tire calaoen iạte ar uniren jãwãe ar hońhartetʼe gocʼen iạte uniye menkeda, “Israelkoakʼ ṭhonok do calaoena.” Ar ona iạte uni gidrạwakʼ ńutum do Ikabode dohoketʼtaea.