Jirimiạ 18:18 - সান্তালী বাইবেল

¹⁸ Hoṛko menkeda, “Dela, abo do Jirimiạ upạrte phundi bon aṭaoa; ente naeke ṭhen ạn-ạri reakʼ cecetʼakʼ, ạkilanko ṭhen sopolha ar nạbiko ṭhen Isorakʼ katha ma menakʼge. Onate dela, aboakʼ moca kathate uni bon dusiyea ar uniyakʼ katha do babo moneyakʼa.

Jirimiạ 18:18 Iomraidhean Croise

2 Samuel 15:31

Unre Dạudko lạiyadea, “Absalom tulucʼ soṛojontroko modre Ahitophel hõ menaea.” Niạ katha ańjomkate Dạud do nonka menkate koejoṅe ehopʼena, “E Probhu Isor, Ahitophelakʼ sopolha baṛe ạuṛiyakʼ ocoytaeme.”

2 Samuel 17:14

Absalom ar Israelren sanam hoṛko menkeda, “Ahitophelakʼ sopolha khon Erekren Husaiyakʼ sopolhage bhagea.” Ente Absalom cetanre jarkhar ạgui lạgitʼ Probhu Isorge Ahitophelakʼ bhage sopolhae ạuṛiyakʼ ocoytae lạgitʼe ṭhik dohoakatʼ tahẽkana.

1 Rapajko 22:24

Unre Kenanren hopon Sedekiạ do sen sorente johare Mikại thapakedeteye metadea, “Probhu Isorren jiu am tulucʼ katha roṛ lạgitʼ iń ṭhen khon oḍok kate oka horteye senlena?”

2 Bõsbudạ 24:21

Menkhan hoṛko do Sakariạ upạrteko soṛojontrokeda ar rajakʼ hukumte Probhu Isorakʼ baker racare dhiriteko tiń gocʼkedea.

Jobakʼ 5:13

Uni do ạkilanko cạture hudisetʼkoa, ar eṛekoakʼ phundire do baṅ jo bahakʼkana.

Sereńko 21:11

Onko do am upạrte bạṛicʼ sopolha ar bạṛicʼakʼ reakʼko goṭayetʼre hõ, onko do onare ohoko jitạu daṛelena.

Sereńko 52:2

Amakʼ alaṅ do nonosṭowakʼ lạgitʼgeye goṭayeda; E phạsiạricʼ, amakʼ alaṅ do laser holatʼ lekana.

Sereńko 57:4

Reṅgecʼ edekan dhạcri kul leka hoṛko talare iń doń giticʼ akana; onkoakʼ ḍaṭa do borlom ar sar leka, ar alaṅ do laser tarwaṛe lekage.

Sereńko 64:3

Onko do tarwaṛe leka akoakʼ alaṅko dhar akatʼtakoa, onkoakʼ haṛhatʼ katha do akʼ sarreko lagao dohoakada;

Kạhtukko 18:21

Moca reakʼ katharege jion ar moron do ṭehãḍokʼa; okoe lek lekan kathako roṛ onko do ona reakʼ joko ńama.

Jesaea 32:7

Bodmaskoakʼ kạmi do bạṛicʼgetakoa; nacarkoakʼ nehõr hok reakʼ kanrehõ onko do eṛe kathate maraoko lạgitʼ bạṛicʼakʼ phundiko aṭaoa.

Jirimiạ 1:19

Onko do am upạrteko lạṛhạiya menkhan bako bhagao daṛeama, ente iń do rukhiyạime lạgitʼ am são sãotege minạńa. Iń Probhu Isorge noa katha doń menetʼkana.”

Jirimiạ 11:19

Iń do gure lạgitʼ tiyạkʼ idiyekan bheḍa hopon lekań tahẽkana; iń do bạń bujhạu daṛeada, onko do noa menkate iń upạrteko soṛojontro kana mente, “Dela, abo do dare ar ona reakʼ jo bon nosṭoea; dela, abo do jiwetʼkoakʼ disạm khon uni bon getʼ giḍikaea jemon uniyakʼ ńutum do alo disạkʼtae.”

Jirimiạ 18:11

“Ona iạte am do Jihudạ ar Jerusalemren hoṛkom metakoa, Probhu Isore meneda, ‘ńelpe, ape lạgitʼ muhin reakʼ iń hudis akada ar ape upạrte mitʼṭecʼ iń goṭa akada. Onate ape do apeakʼ bạṛicʼ hor khon ruạṛokʼte bhageakʼ colonpe ar bhageakʼko kạmipe.’

Jirimiạ 18:19

E Probhu Isor, ińakʼ katha ańjomme; iń upạrte okam menakatʼ ona moneyakʼme.

Jirimiạ 2:8

Naekeko hõ bako kuliyana, ‘Probhu do okare menaea mente?’ Okoeyakʼ tire ạn-ạri tahẽkan onko hõ bako oromledeńa; onko do iń upạrteko hulkeda. Nạbiko hõ ạuṛiyakʼren boṅgako tayomte senkate Bakʼal debota ńutumteko nạbiyetʼ tahẽkana.

Jirimiạ 20:10

Iń beṛhaete do ạḍitetʼge botorgea, ente niạko katha do ḍher hoṛge khae khoyetʼ kaniń ańjometʼkoa, “Uni ńutumte mamblae me; dela, uni ńutumte bon mamblae ma.” Ińren sanam gateko do ińiń leńjetʼ bhindạṛokʼ reakʼ ńel horrege menakʼkoa, “Hoedaṛeakʼa uni bon ṭhoka daṛeaea, ar uni cetanre bon jitạukʼa arbon hala hạli daṛeakʼa.”

Jirimiạ 26:11

Unre naekeko, nạbiko, rajkạmiyạko ar sanam hoṛko menkeda, “Nui hoṛ do gujukʼ sạjại ńam lek kanae, ente uni do noa nagraha upạrteye nạbi akada; ar ona do apeakʼ luturtegepe ańjomakada.”

Jirimiạ 37:13

Menkhan tinre uni do Benjạminakʼ phaṭok duạr ṭhene seṭerena, unre Iria ńutuman mitʼṭen pahradarkoren subedar do uni sapʼkedeteye metadea, “Am dom Kạldiko secʼ lạgidokʼ kana.” Nui Iria do Selemiạren hopone tahẽkana, ar Selemiạ do Hanaiạren hopon kanae.

Jirimiạ 44:16

“Probhu Isor ńutumte okako katham lạiyale kan ona do bale ańjomtama.

Jirimiạ 44:17

Ale okale roṛakatʼ ona do khạṭigele kạmiya. Cetʼ leka aleren hapṛamko, rapajko ar rajkạmiyạko do Jihudạ nagrahakore ar Jerusalem reakʼ ḍaharkore sermaren rạni ńutumte dhupko jeretʼetʼ tahẽkan arko coḍoretʼ tahẽkan onkage ale hõle kạmiya. Ona jokhecʼ aleakʼ do aḍhela jomakʼ tahẽkana ar ale hõ ạḍi bhagele tahẽkana ar jãhãn kosṭoge bale ńamleda.

Jirimiạ 8:8

“Ape do cekatepe meneda, ‘ale do ạkilanko kanale ar Probhu Isorakʼ ạn-ạriko ale ṭhen menakʼa.’ Menkhan dhorom guru do ạn-ạriko bhulgeko lạiyetʼte olokʼko do eṛe kathako ol akada.

Rak̕joṅ 3:62

Ińren bạiriko do goṭa dinge iń upạrteko phasar phusuretʼ kana ar ạḍi lekan kathako roṛeda,

Jeheskel 7:26

Muhin cetan muhin hijukʼa, unạn cetan unạn ańjomokʼa. Onko do nạbiko ṭhen khon dorson reakʼ katha ańjom lạgitʼko kurumuṭuiya; naekekoakʼ ạn-ạri reakʼ cecetʼakʼ ar murubbikoakʼ sopolha do baṅ tahena.

Levitikus 10:11

Ona chaḍa Probhu Isor do Mose hotete Israelko okako niạme emakatʼko ona hõ onkope cetʼakoa.”

Mikạ 3:6

“Ape lạgitʼ ńindạ daraekana, ape do cetʼ dorsonge bape ńela; ape lạgitʼ do ńut daraekana, ape do nạbi lekate cetʼge bape roṛ daṛeakʼa. Ape lạgitʼ cando doe hạsurokʼa ar siń do ńutokʼa.”

Mikạ 3:7

Onate dorson ńeńelko doko lajao ocokʼa gonokko doko bemanot ocokʼa. Onko do jotoge mẽtʼãhãko danaṅtakoa, ente Isor do cetʼ roṛ ruạṛge bae emakoa.

Malaki 2:7

Isorakʼ monsubạ babotre cecetʼakʼ emokʼ do naekekoakʼ lek kana, menkhan ona cecetʼakʼ jemon alo adokʼ. Ona chaḍa Isorakʼ katha baḍae lạgitʼ do naekeko ṭhenge calakʼ jạruṛa, ente onko do phạdkoren Probhu Isorren paṭhaona hoṛ kanako.

Luk 11:45

Unre sostor baḍaeko modre mitʼ hoṛ do Jisui metadea, “E Guru, am do noa kathate ale hõm bemanotetʼlea.”

Johan 9:40

Adom Phạrusiko do Jisu sãoteko tahẽkana. Onko do noa katha ańjomte Jisuko metadea, “Enḍekhan ale hõ cetʼle kãṛãgea?”