Jirimiạ 17:11 - সান্তালী বাইবেল

¹¹ “Uni hoṛ do chitri cẽṛẽ lekanae, okoe acʼ bae obor akatʼ beleren hoponkoe jarwayetʼko; uni do bạṛicʼ lekate dhone hameṭjoṅa. Uni do acʼakʼ adha dinkorege ona doe bạgiyakʼ kana, ar mucạtʼre uni do lelha lekae sạbudokʼa.”

Jirimiạ 17:11 Iomraidhean Croise

Jobakʼ 20:21

Jom leka do cetʼge sarecʼ baṅ tahentaea; uniyakʼ kisạ̃ṛtetʼ do ar baṅ ṭambhaokʼtaea.

Sereńko 49:13

Okoe apnar cetanreko bhorsakʼkan, ar okoe onkoakʼ kathako sãhãkʼakʼ kan, onkoakʼ dosa hõ onkage hoyokʼa. (Sela)

Sereńko 55:23

Menkhan E Isor, khuniạhi ar phạsiarako do patal purirem khadlekoa, onkoakʼ bahaokʼ dinko adha ạuri hoyokʼrege; iń do am cetanreń bhorsakʼa.

Kạhtukko 13:11

Khaṭao begorte oka ṭaka ńamokʼ ona do oṭaṅokʼa, menkhan okoe hoṛ khaṭaokate ṭakae doho jarwae uniyakʼ do baḍhaokʼtaea.

Kạhtukko 15:27

Lalociạ hoṛ do acʼakʼ gharońjre duke ạguiya, menkhan okoe hoṛ ghuse hirkhạwakʼ uni do jione ńama.

Kạhtukko 21:6

Eṛe alaṅte okoe dhonko hameṭetʼkan onko do moronko ńam baṛayeda; onko lạgitʼ ona dhon hameṭjoṅ do gujukʼ lahare thoṛagan suk reakʼ sãhetʼkana.

Kạhtukko 23:5

Dhon secʼ amakʼ mẽtʼ calaolen khange ona do cabakʼa, ente ona reakʼ phạ̃kṛạ̃kʼko do janamokʼa ar pajhaṛ leka coṭ secʼe uḍạukʼa.

Kạhtukko 28:16

Okoe disạm cakʼlaoicʼakʼ bud bạnukʼtae uni doe santaoa; ar okoe cakʼlaoicʼ laloce hirkhạwakʼ uni do ḍher din jiwetʼe tahena.

Kạhtukko 28:20

Pạtiạran hoṛ do ḍher bhore ńama, menkhan okoe kisạ̃ṛokʼ lạgitʼe ahkaokʼkan uni do sạjạiye ńama.

Kạhtukko 28:22

Lalocan hoṛ do kisạ̃ṛokʼ lạgitʼe dhãoṛa dhạ̃uṛi baṛaea, menkhan uni do bae baḍaea okulạn do uniye tạṅgi akadeya mente.

Kạhtukko 28:8

Okoe hoṛ jãhã lekan sudtege acʼakʼ dhone baḍhaotae, uni do nandanko dayawako lạgitʼge onae jarwayeda.

Jirimiạ 22:13

Probhu Isore meneda, “Hae uni do, one okoe bedhoromakʼte acʼakʼ oṛakʼe benaoetʼkan ar behokakʼkote acʼakʼ koṭha kandhakoe tearetʼtae. Hae uni do, okoe hoṛ jãhãnakʼ baṅ emkate acʼakʼ disạmren hoṛkoe khaṭaoetʼko ar onkoakʼ khaṭaoakʼ reakʼ kuṛại bae emako kan.

Jirimiạ 22:17

Menkhan amakʼ mẽtʼ ar mon do eken behokakʼ hameṭjoṅ, miridoskoakʼ mãyãm ar santao ar julum reakʼge menakʼa.”

Jirimiạ 6:13

“Huḍińko khon hapṛakʼko hạbicʼ sanamkoge labko monejoṅ kana, nạbi ar naekeko hõ eṛeyakʼko kạmikana.

Jirimiạ 8:10

Ona iạte akoren bạhuko do eṭakʼ hoṛko ar onkoakʼ khet baṛge do nãwã mạlik koń emakoa. Huḍiń utạricʼ khon maran utạricʼ hạbicʼ jotoge lab lạgitʼko lalocakʼ kana; nạbiko ar naekeko jotoge eṛeyakʼko kạmikana.

Amos 3:10

Probhu Isore menetʼkana, “Onko do hokakʼ kạmi bako baḍaekana; onko do gaṛko talare julum ar luṭ reakʼ jinisko doho jarwa akawana. Onatege mitʼṭen bạiri do onkoakʼ disạme gherao esetʼeda; ar onkoakʼ dakʼram gaṛkoe rạpudtakoa ar gaṛkoe luṭjoṅa.”

Mikạ 2:9

Ińren hoṛkoren maejiuko do onkoakʼ oṛakʼ duạr khonpe laga ńiretʼkoa. Ińakʼ bhor khon onkoren hopon ar hoponerako jaejugpe recʼetʼkoa.

Mikạ 7:3

Onkoakʼ banar ti do behokakʼ kạmi lạgitʼ gạkhuṛgetakoa. Mukhiyạko do sandesko khojkana, bikʼcạrko do ghusko jomeda, ar kisạ̃ṛko okako khojkan onako baḍae ocokana; ar onko jotoge mitʼ domte phundiko aṭaoetʼkana.

Sephaniạ 1:9

Okoe do duạr reakʼ ganaḍe donateko paromokʼkan ar santao ar phạsiạra hotete akoren debotawakʼ oṛakʼko perecʼetʼkan onko do enhilokʼgeń sạjạikoa”

Sakariạ 5:4

Phạdkoren Probhu Isore meneda, ‘iń do ona sarapiń kola ar ona do kombṛokoakʼ oṛakʼre ar okoe iń ńutumte eṛe eṛeko kiriạkʼkan onkoakʼ oṛakʼte senkateye bolokʼa ar onkoakʼ oṛakʼ reakʼ kaṭ ar dhiri sudhại jarkhartakoa.”

Malaki 3:5

Phạdkoren Probhu Isore meneda, “Unre bicạrme lạgitʼ iń do am ṭheniń hijukʼa; ar unre jạdu udukʼko, kusumbiko, eṛe goha emokʼko ar okoe do din ṭakʼlaokoe ṭhokayetʼko, okoe do rạnḍi maejiu ar ṭũạr amarkoe santaoetʼko ar bidisiạko hok reakʼ bae bicạretʼtako kan, metakʼme okoe iń bako botorạń onko sanamko upạrte goha emokʼ do bạń biloma.

Mathae 23:13

“Hae, ape sostor baḍaeko, Phạrusiko ar phạsiạrako do! Ente ape do hoṛko samaṅre serma raj reakʼ duạrpe siń esetʼkakʼ kana. Onare ape hõ bape bolokʼkana ar okoe bolokʼ lạgitʼko kurumuṭukan onko hõ bape bolo ocoakokana.

Luk 12:20

Menkhan Isor do uniye metadea, ‘E bebuj, teheń ńindạge am dom gujukʼa. Enḍekhan onem doho jarwa akatʼ dhon do okoeyakʼ hoyokʼa?’ ”

1Timothi 6:9

Menkhan okoe kisạ̃ṛokʼ hoyokʼ sanayetʼko onko do aema lekan biḍạu ar jhạlikoreko paṛaokʼa, ar nonkan bebuj ar laloc mon janamakoa, one onate maraokʼ ar nosṭokʼre hoṛkoe unumetʼko.

Titus lạgitʼ Pạul Apostolakʼ ciṭhi 1:11

Noko hoṛkoakʼ moca do tubetʼkatako jạruṛa, ente labjoṅ lạgitʼ baṅ ganokʼakʼko cetʼako kana; ar nonkate onko do gharońjkoko ạulạueda.

2 Patras 2:14

Onkoakʼ mẽtʼ do loṭghuṭite perecʼgea ar tisge kạkại do bako bạgiya. Onko do dhoromre nijor monanko lalocko udukʼakote bhul horteko idikoa. Onkoakʼ ontor do eken lalocgeye cetʼakada. Onkore sarap menakʼa. Onko do sojhe hor bạgikate bhul hor secʼko ghańjeṛ akana.

2 Patras 2:3

Lalocte eṛeteakʼ katha menkate akoakʼ porho lạgitʼ onko do kạmireko lagaopea. Onkoakʼ sạjại do ḍher din khonge jhulạu akana, ar onkoakʼ nosṭokʼ do bae duṛupʼ thirakana.