Jirimiạ 16:7 - সান্তালী বাইবেল

⁷ Okoe onko gocʼko lạgitʼko homor halaṅ, se eṅgat-apat lạgitʼko homor halaṅ onko jiwi raṛecʼ emako lạgitʼ okoehõ piṭhạ ar dakʼ do bako emakoa.

Jirimiạ 16:7 Iomraidhean Croise

Jobakʼ 42:11

Uniren boeha ar miserako okoe do laha khonko orom akade tahẽkan onko sanamkoge uniyakʼ oṛakʼre hecʼkateko jom ńukeda. Ar Probhu Isor do uni cetanre okako duke ạguketʼ ona lạgitʼ jiwi raṛecʼko emadea. Onko do mimitʼ hoṛ thoṛa thuṛi ṭaka poesa ar mimitʼ goṭecʼ sona mundạmko emadea.

Sosolhayic̕ 4:1

Siń cando latarre oka santaoko hoyokʼkan ona secʼ mitʼ dhao beṅgetʼkateń ńelkeda santao ocokʼko doko rakʼeda, menkhan onko jiwi raṛecʼ emako lạgitʼ do celege bạnukʼkoa. Sasantaoko ṭhen do ektiạri menakʼa, menkhan santao ocokʼko jiwi raṛecʼ emako lạgitʼ do celege bạnukʼkoa.

Jirimiạ 22:10

Gocʼ akan raj lạgitʼ do alope rakʼ homora; ona khon bickom bondikate okoe sạṅgińteye idi ocoakan uni lạgitʼ rakʼ homorpe, ente uni do tishõ ar bae ruạṛ hijukʼa se acʼakʼ janam disạm hõ ar bae ńelńama.

Rak̕joṅ 1:9

Uniyakʼ mạilạ do uniyakʼ kicricʼrege laṭkao akantaea; darakan din reakʼ do bae dạndilena. Uni doe sombotʼ bhindạṛ akana; jiwi raṛecʼtae lạgitʼ do celege bạnukʼkotaea. Uniye meneda, “E Probhu Isor, ińakʼ duk baṛe ńeltińme, ente bạiriko doko jitạu akana. ”

Jeheskel 24:17

Am do kuhrạukʼme. Ar gocʼ icʼ lạgitʼ do alom homor halaṅa. Dạhṛikʼme jaṅgare cạṭki horogme; amakʼ moca alom bedtama ar hokʼmorkoakʼ jomakʼ hõ alom joma.”

Hosea 9:4

Onko do Probhu Isor ńutumte darkha rasate coḍorakʼ samaṅokʼakʼ do bako samaṅa ar onkoren janwar samaṅokʼakʼte hõ uni do bako kusi ocodaṛeaea. Onkan samaṅokʼakʼ onko ṭhen do hokʼmor halaṅetʼkoakʼ jomakʼ lekage hoyokʼa; ar okoe onako jom onko sanamgeko bhonḍokʼa. Ona jomakʼ do akoakʼ lacʼ bikʼ lạgitʼge hoyokʼa, Probhu Isorakʼ oṛakʼte ona do baṅ ạgukʼa.

Dosar Biboron 26:14

Gocʼko lạgitʼ homor halaṅ dinre hõ am ńutumte begar dohoakatʼ hạṭińko reakʼ khon cetʼge bạń jomakada, se chut iń tahẽkan jokhecʼ hõ oṛakʼ khon bạń oḍokleda, se ona khon jãhãn hạṭiń hõ gocʼko ńutumte bạń dan akada. Iń do ińren Probhu Isorakʼ katha lekageń kạmi akada. Amem hukumakatʼ jotowakʼgeń kạmi akada.