Jirimiạ 16:6 - সান্তালী বাইবেল

⁶ Niạ disạmren huḍiń hapṛakʼ sanamgeko gujukʼa. Okoehõ onko do bako topakoa, onko lạgitʼ do bako homor halaṅa ar onko lạgitʼ akoakʼ hoṛmo hõ bako getʼ cirạitakoa, ar bohokʼ hõ bako hoyo poṭorokʼa.

Jirimiạ 16:6 Iomraidhean Croise

2 Bõsbudạ 36:17

Onko upạrte Probhu Isor do Babelren raje ạgukedea. Uni raj do mundil oṛakʼre onkoren juạnkoe gocʼketʼkoa, uni do juạn kuṛi ar koṛako, haṛamko se umerte laha akanko okoege bae mãyãwatʼkoa. Isor do onko sanamkoge uni rajakʼ tireye jimạkatʼkoa.

Jesaea 22:12

Enhilokʼ phạdkoren Probhu Isor do rakʼ ar homor lạgitʼ, bohokʼ reakʼ upʼ hoyo poṭortape lạgitʼ ar gõṛẽ kicricʼ horokʼ lạgitʼe hohowatʼpe tahẽkana.

Jesaea 24:2

Enhilokʼ naeke ar disạm hoṛko, kisạ̃ṛ ar gutiko, kisạ̃ṛ erako ar kạ̃ṛmĩko, kiriń ar ạkhrińko, dhar emokʼko ar hataoko ar rin emokʼko ar rin hataoko onko jotokoakʼ dosa do mitʼ lekage hoyokʼtakoa.

Jirimiạ 13:13

Enḍekhan onkom metakoa, Probhu Isore meneda, ‘okoe niạ disạmreko girobasokʼ kan, metakʼme Dạudakʼ siṅghạsonre duṛupʼ akan sanam rapajko, naekeko, nạbiko ar Jerusalemre girobasokʼ kan jotoge iń doń bul ocokoa.

Jirimiạ 47:5

Gasa doe jare jarekʼa ar acʼakʼ bohokʼe ceḍeytaea; Askelon doe marao giḍi ocokʼa. E bilạn ṭạnḍiren sarecʼ hoṛko, ar tinạkʼ din apeakʼ hoṛmope getʼ sirạ soroytapea?

Jirimiạ 48:37

Onko do duk sodor lạgitʼ mitʼke mitʼ bohokʼko ceḍe akatʼtakoa ar gocoko hoyo giḍi akatʼtakoa; tiko getʼ sirạsoro akana ar ḍanḍare gõṛẽ kicricʼko horokʼ akawana.

Jirimiạ 7:29

E Jerusalem, amakʼ upʼ getʼkate sạṅgińte giḍikakʼme; ceḍe ḍuṅgrikore homor halaṅme, ente Probhu Isor do acʼe raṅgao akan piṛhirenko nihạ̃t are giḍi sae akatʼkoa.

Jirimiạ 8:2

Ona jaṅko do siń-cando, ńindạ-cando ar sermaren sanam ipilko samaṅre giḍi akan tahena, ente onko do sermaren sanamgeko dulạṛetʼko tahẽkana arko sewawako kan tahẽkana ar onkoko pańjayetʼko tahẽkante, onko sãoteko solhayetʼ tahẽkana arko sewawako kan tahẽkana. Ar ona jaṅko do jarwakate bako topakakʼa, bickom onako do otre guricʼmande lekage hoyokʼa.

Levitikus 19:27

Bohokʼ reakʼ beṛhaete alope kaṭopʼ ạcura ar goco hõ alope bạṛija.

Levitikus 19:28

Gocʼ hoṛko lạgitʼ rakʼ homor jokhecʼ hoṛmo alope getʼ cirạkʼa. Hoṛmore khodạ se sikạ hõ alope sikạkʼa. Iń kangeạń aperen Probhu Isor do.

Amos 6:11

Probhu Isor do tinreye hukuma unre maraṅ maraṅakʼ oṛakʼko do rạputʼ dhaṅdhaserokʼa ar huḍiń huḍiń oṛakʼko do rạputʼ gejerokʼa.

Mathae 9:23

Inạ tayom Jisu do Jihudikoren uni mukhiyạ hoṛakʼ oṛakʼteye calaoena. Onḍe do tạriạ oroṅko ar hoṛko kạuạ rạuạkʼkane ńelketʼkoa.

Dosar Biboron 14:1

“Ape do aperen Probhu Isorren hoponko kanape. Ona iạte gocʼ hoṛko lạgitʼpe rakʼ homor joṅre hoṛmore alope getʼ cirokʼa, se bohokʼ samaṅ secʼ alope hoyo poṭorokʼa.

Johan sodor 20:12

Ona tayom iń do, kạṭicʼ lạṭu joto gocʼ hoṛko ona siṅghạson samaṅre teṅgo akaniń ńelketʼkoa. Inạ tayom do puthiko oṭakʼ ocoyena. Ona tayom ar mitʼṭecʼ puthi hõ oṭakʼ ocoyena. Ona do jion reakʼ puthi tahẽkana. Ar ona puthire noko gocʼ hoṛkoakʼ kạmi reaṅ cetʼleka ol tahẽkan onkage onkoakʼ bicạr do hoyena.

Johan sodor 6:15

Dhạrtiren sanam rapajko, napṛakʼko, maraṅ subedarko, kisạ̃ṛko ar daṛean hoṛko, mitʼke mitʼ golam ar sạdhin hoṛko do danderkore ar buru reakʼ huṭupʼ dhirikoreko okoeyena.