Jirimiạ 16:18 - সান্তালী বাইবেল

¹⁸ Onkoakʼ dusṭạmi ar kại gunạkʼte onko do doboṛageń hala ruạṛakoa, ente ińakʼ disạm doko bhonḍ akada ar akoren dhiri murti ar boṅga muṭhạnkote ińakʼ ona ạidạriko tuhetʼ akada.”

Jirimiạ 16:18 Iomraidhean Croise

Sereńko 106:38

Onko do bedhoromko, metatʼme akoren gidrạkoakʼ mãyãmko joro ocokeda. Onko do Kananren murhutʼko ńutumteko dãṛẽketʼkoa, onate goṭa disạmge mãyãmte bhoṅḍena.

Jesaea 24:5

Dhạrti do uniren hoṛko besonot akada. Onko do ạn-ạriko bemanot akada; ạnko rạputʼ akada ar Probhu Isorakʼ bondobos leka do bako taṛam akada.

Jesaea 40:2

Jerusalemren hoṛko sãote mạ̃hir salakʼ katha roṛpe, ar onko ṭhen niạ katha lại sodorpe, onkoakʼ duk ar kosṭo do caba akana, onkoakʼ ghạṭko do ikạ akantakoa, onkoakʼ sanam kạiko reakʼ jo do Probhu Isor ṭhen khon purạgeko ńamakada.”

Jesaea 61:7

Ińren hoṛko do lajao bodolte sompotti reakʼ dobṛa hĩsko ńama, ar bemanot bodolte do dhonteko hulạsokʼa. Onkoakʼ disạmre dobṛa hĩsko ńama ar jaejugko rạskạkʼa.

Jesaea 65:6

“Ńelpe, onkoakʼ katha iń samaṅre ol menakʼa. Iń do ar thir hape akan bạń tahena bickom sạjạiyiń emakoa. Onkoren hapṛamkoakʼ kại lạgitʼ do onkogeń dạyikoa. Onko do burure dhupko jeretʼeda ar onḍe ińko nihạ̃t edeńkana; ona iạte onkoakʼ kuṛại do soṅ ateń emakoa.”

Jirimiạ 17:18

Iń khedeńkanko do lajaoreko paṛaokʼma, menkhan iń do alom lajao ocoyińạ. Onko doko torasokʼma, menkhan iń do alom toras ocoyińạ. Onko cetanre muhin reakʼ din ạguiyme; ar dobṛa nosṭote jarkharkom!

Jirimiạ 2:7

“Iń do mitʼṭecʼ asecʼ tasecʼ hoyokʼ disạmtegeń ạguletʼpea jemon onḍenakʼ jo ar bhage bhage jiniskope jom daṛeakʼ; menkhan ape do hecʼkate ińakʼ disạmpe bhonḍ akada, ar ińakʼ ạidạriyakʼko do kurudanakʼ jinisgepe hoyocoakada.

Jirimiạ 3:9

Uni do loṭghuṭi reakʼ kạmi jãhãnakʼ bae metatʼte dhiriren ar kaṭren debotako sãoteye laṭghaṭketʼte disạme bhonḍkeda.

Jirimiạ 44:4

Iń do aema dhao ińren gutiko, metakʼme nạbikoń kolletʼkoa nonka memen lạgitʼ; noa hirkhạwakʼ do alope kạmiya okaṭakʼ iń kurudakʼkan.

Jirimiạ 7:30

Probhu Isore meneda, “Jihudạren hoṛ do iń nońjorre bạṛicʼakʼko kạmi akada. Ińakʼ oṛakʼre akoren hirkhạwan boṅgako doho akatʼkote onako bhonḍakada.

Jeheskel 11:18

“Onko do onḍe ruạṛ senkate sanam bạṛicʼ boṅga murhutʼko ar hirkhạwan boṅga muṭhạnkoko sạṅgiń giḍikakoa.

Jeheskel 11:21

Menkhan okoeyakʼ ontor do bạṛicʼ murhutʼ ar hirkhạwan boṅga muṭhạnko secʼge menakʼa, onkoakʼ kạmi reakʼ kuṛại do onkoregeń dula. Ar iń Probhu Isorge noa katha doń roṛeda.”

Jeheskel 36:18

Ona iạte ińakʼ raṅgao do onko cetanreń upʼleda, ente onko do disạm talare mãyãmko joroleda ar onkoren boṅga murhutʼkote disạmko bhonḍleda.

Jeheskel 5:11

Ona iạte iń Probhu Isor do ińre kiriạkateń meneda, amren sanam hirkhạwan boṅga murtiko ar hirkhạwakʼ kạmikote ińakʼ oṛakʼem besapha akatʼte iń do ińakʼ dayań ocogtińạ; ar am secʼ do bạń beṅgeda ar mãyã hõ bạń mãyãwama.

Hosea 9:7

Israel do jemone baḍae ńam, sạjại reakʼ din do seṭer akana ar hisạb hatao reakʼ din hõ hecʼakana. Onkoakʼ kại do lekhare ḍhergea Isorko hirkhạwaekante, nạbiko do lelha ar jiuan hoṛ do khepako hudisetʼkoa.

Levitikus 26:30

Iń do apeakʼ pujạ reakʼ than boṭkocʼkoń marao giḍikatapea, dhup reakʼ pinḍkoń rạputʼ giḍikakʼa ar aperen bin jiwiyan debotako cetanre apeakʼ mạ̃ṛĩkoń ṭhikikakʼa, ar edre mẽtʼteń ńelpea.

Mikạ 2:10

Ape do beredokʼte, calakʼpe, ona do apeakʼ jirạukʼ jaega do baṅkana; ente ape do disạmpe bhonḍakada, ona iạtege ona do marao utạrokʼa.

Johan sodor 18:6

Ar eṭakʼko tulucʼ cetʼ lekae beohar akatʼ onkage acʼ sãote hõ beoharpe; uniyakʼ kạmiko leka purạ puri kuṛại emaepe. Okaṭakʼ bạṭire uni do eṭakʼko lạgitʼ bạṛicʼakʼe mesaletʼ tahẽkan, onare uniyakʼ purạ sạjại mesalkate jom ocoyepe.