Jirimiạ 16:16 - সান্তালী বাইবেল

¹⁶ “Menkhan ńitokʼ do ḍher jạilạgeń hoho ạgukoa ar onko do hako lekako sapʼkoa. Ona tayom iń do arhõ sesendrako hõń hoho ạgukoa onko do mitʼke mitʼ maraṅ ar huḍiń buruko ar dhiri ciritʼ khonko sendra totʼkoa.

Jirimiạ 16:16 Iomraidhean Croise

Genesis 10:9

Probhu Isor samaṅre uni do mitʼṭen sesendra birbanṭa hoṛge. Ona iạteko mena, “Nimrod do Probhu Isor samaṅre mitʼṭen birbanṭa sesendrayicʼ.”

Jesaea 2:21

Probhu Isor do tinre dhạrtiren hoṛko botor udukʼako lạgitʼe hijukʼa unre uniyakʼ botoranakʼ edre ar uniyakʼ ṭhonok reakʼ malkaokʼ khon bańcaokʼ lạgitʼ maraṅ maraṅ dhiri ciritʼre ar buru reakʼ paṛakʼreko bolokʼa.

Jesaea 7:19

Onko do hecʼkate buru dhasnakore, buru paṛakʼkore, jạnum jhạuạkore ar ṭạnḍikoreko basakʼa.

Jirimiạ 25:9

Iń do utạrren sanam jạtrenko ar ińren golam Babelren Nebukadnesar rajiń hoho ạguiyea. Noa disạm ar onaren hoṛko upạrte ar beṛhaeten sanam jạtrenko upạrte onkoń ạgukoa. Iń do purạte onko hoṛkoń maraokoa ar onko do botoran ar landa-dhutʼan jạtrenkoń hoyocokoa; onkoakʼ disạm do jaejug lạgitʼ iń ḍahao maraoa.

Jirimiạ 4:29

Aswari ar dhinkiạkoakʼ sabad ańjomte nagraharen sanam hoṛ doko dạṛ pạnḍuja. Adom hoṛ do gajaṛteko bolokʼa ar adom hoṛ do maraṅ maraṅ dhiriteko rakapʼa. Mitʼke mitʼ nagraha do ujạṛ akan tahẽna; onḍe do cele hoṛge bako girobasokʼa.

Jirimiạ 49:5

Iń phạdkoren Probhu Isorgeń meneda, am beṛhaeten sanamko ṭhen khon amre heṛan botoriń ạguiya. Ape mimitʼko dope laga ńir ocokʼa; ar dạṛjoṅ hoṛ do okoehõ bako samṭaokoa.

Jirimiạ 6:9

Phạdkoren Probhu Isore meneda, “Darkha khet khon cetʼ leka darkha joko gotʼ doṛhae onkage bạiriko do disạm khon Israel jạtrenko gotʼ dohṛakoa. Okoe hoṛ darkha joe god ar cetʼleka tiye ạwil onko hõ sarecʼ hoṛkore onkageko kạmiya.”

Rak̕joṅ 4:18

Hoṛko do abo lạgitʼ tãṛãkʼ akaeko tahenkan tahẽkana, onate abo do phaelao ṭhạ̃ikore babon taṛam daṛeakʼkan tahẽkana. Aboakʼ ses dinko do sorakan tahẽkana, ar aboakʼ dinko hõ caba akan tahẽkana, ente aboakʼ ses okte do seṭer akan tahẽkana.

Rak̕joṅ 4:19

Abo okoeko lagayetʼ bon tahẽkan onko do pajhaṛ khon hõ coṭkargeko tahẽkana; onko do burukoreko laga baṛayetʼ bon tahẽkana ar hahaṅkarre abo lạgitʼko tãṛãkʼkokʼ kan tahẽkana.

Hosea 10:10

Ińaakʼ kusi sana lekage onko doń sạjạikoa; onkoakʼ babar goṭecʼ kại iạte onko tolko lạgitʼ eṭakʼ jạtrenko onko upạrteń jarwakoa.

Amos 4:2

Probhu Isor do acʼakʼ sonottetʼ reakʼ kiriạteye meneda, “Ona okte do khạṭige daraekana tinre ạṅkuskotepe bạkupʼ idi ocokʼa; ape sanamkoge ạṅkustepe or idi ocokʼa.

Amos 5:19

Ona din do dhạcri kul khon ńir bańcaokate bana eṅga samaṅreye paṛao akan hoṛ leka, one acʼakʼ oṛakʼte ńir bolokate bhitreye capoyen sãote biń do tiye sogakʼkede.

Mikạ 7:2

Disạm khon Isor botorae kan hoṛ doko meṭao ocoakana; dhoromicʼ do mitʼ hoṛ hõ bạnugicʼan. Sanamkoge mãyãm joroy lạgitʼko tãṛãkʼ akana; onko jotoge akoakʼ pạsire jhạlikoko khojkana.

Sephaniạ 1:12

Unre iń do diuheante Jerusalem reakʼ sanam ṭhạ̃ire khojiń hataoa ar okoe do apnartetʼ tirpit akae tahenteye men, ‘Probhu Isor do bhage bạṛicʼ cetʼge bae cekaea,’ onko doń sạjạikoa.

1 Samuel 24:11

E ạlińren ạpuń, nõkʼõe ńelben, ạlińakʼ tire abenakʼ aṅgrop reakʼ ańcar kuṭrạ. Ạlińge abenakʼ aṅgrop khon ańcar liń getʼ kuṭrạ akatʼa menkhan aben do bạliń gocʼletʼ bena. Enḍekhan aben do ńitokʼ ben bujhạu daṛeakʼ kana je, aben cetanre ạlińakʼ jãhãn behokakʼ se hulteakʼ do bạnukʼa. Ar aben upạrte kại hõ bạliń kại akada, menkhan enhõ aben do ạliń gocʼliń lạgitʼ ben sendra baṛayetʼlińạ.

1 Samuel 26:20

Menkhan aben ṭhen ạlińakʼ nehõr do noage, Probhu Isor bạnui nonkan sạṅgiń jãhã ṭhạ̃ire ạlińakʼ mãyãm jemon alo jorokʼ. Burure cetʼleka hoṛ do citri cẽṛẽ sendarko calakʼ onkage Israelkoren raj hõ mitʼṭen tejo sendraye lạgitʼe oḍokʼ hecʼakana.”