Jirimiạ 15:8 - সান্তালী বাইবেল

⁸ Onkoren rạnḍi maejiukoakʼ lekha do gaṅgaren gitil lekań hoeocoya. Am do bir banṭa hoṛren eṅgat kanam, amren hoṛko upạrte tikin jokhecʼ mitʼṭecʼ nonosṭoyicʼ iń ạguiyea; ar onko cetanre ackage haso ar botoriń paṛao ocoya.

Jirimiạ 15:8 Iomraidhean Croise

Jesaea 3:25

Aperen hoṛko do tarwaṛete ar lạṛhại birko do lạṛhạireko gujukʼa.

Jesaea 3:26

Sion reakʼ phaṭok duạr doko homor halaṅa; ar Sion do ujạṛ akante otreye duṛupʼkokʼa.

Jesaea 4:1

Enhilokʼ eae goṭen maejiu do mitʼṭen herel hoṛ sapʼkateko metaea, “Aleakʼ jom-ńũ ar horokʼ bande reakʼ do aletegele bebosta joṅa; eken amren bạhu mentele tahen reakʼ ạidạri baṛe emaleme. Aleakʼ henosta baṛe sạṅgińtaleme.”

Jirimiạ 16:3

ente iń Probhu Isorgeń meneda, noa ṭhạ̃ire janamokʼ gidrạko, ar onkoren eṅgatko ar onkoren apatko do gogocʼ rogteko gujukʼa. Okoehõ onko lạgitʼ do bako homor halaṅa ar okoehõ onko do bako topakoa menkhan guricʼ leka giḍi akanko tahena. Onko do lạṛhại ar akal hoteteko marao utạrokʼa ar onkoakʼ mạ̃ṛĩ do coṭren cẽṛẽ ar birren janwarkoakʼ jomakʼge hoyokʼa.

Jirimiạ 18:21

Onate onkoren hoponko do akal ar tarwaṛere baṛe soprotkom. Onkoren bạhuko do bạńjhi arko rạnḍikʼtakoma; onkoren herel hoṛ do mahamạriteko gujukʼma, ar onkoren juạnko hõ lạṛhạire tarwaṛetege.

Jirimiạ 22:7

Iń do am upạrte nonosṭokoń kolkoa; onko mimitʼkoakʼ tire do khanḍa bhanḍa tahena. Onko do amakʼ bhage bhage debdạru dareko maga ar seṅgelreko khadle giḍikakʼa.

Jirimiạ 4:16

Jạt jạtrenko ṭhen ar Jerusalemrenko ṭhen niạ katha jạhirpe, “Gherao ekʼsetʼ lạgitʼ lạṛhại phạdko do sạṅgiń disạm khonko hijukʼkana; onko do Jihudạ reakʼ nagrahako upạrte lạṛhại lạgitʼko hohoyetʼkana.

Jirimiạ 5:6

Ona iạte bir khon mitʼṭen dhạcri kul do oḍok hecʼkate onkoe gocʼkoa. Ar hahaṅkarren mitʼṭen hunḍạr doe maraokoa ar onkoakʼ nagraha ṭhen mitʼṭen tạrupʼ do tãṛãkʼ akane tahena. Ar jãhãege onḍe khonko oḍokokʼ onko doe or cirạkoa, ente onkoakʼ ghạṭ do ḍhergea ar bạṛicʼ horte calakʼ reakʼ ghoṭna hõ maraṅgetakoa.

Jirimiạ 6:26

E ińren hoṛko, gõṛẽ kicricʼ horogpe ar torocʼre kunḍlạṅ baṛaepe. Sadher hoponakʼ gujukʼre cetʼleka hoṛko homor halaṅ onkage homor halaṅpe, ente jarkharicʼ do acʼkage abo cetanreye hijukʼa.

Rak̕joṅ 5:3

Ale do ṭũạr amarkole hoyakana, aleren baba do bạnuitalea, aleren gogo doko rạnḍi akana.

Jeheskel 22:25

Ona disạmren nạbiko doko soṛojontrokana; onko do hạnḍrạukʼ kan dhạcri kul leka kanako. Onko do hoṛko jomkoa, dhon-durib ar damanakʼ jinisko hataoa ar disạm talare ḍher maejiuko rạnḍi ocokoa.

Hosea 4:5

E naekeko, ape do siń ar ńindạpe tohodokʼkana ar ape sãote nạbiko hõko tohodokʼkana. Onatege iń do aperen gogo Israel doń marao utạrea.

Luk 21:35

Ar baṅkhan cetʼleka pạsi ackage bond godokʼ onkage ona din hõ ackage apere hecʼ paṛaokʼa, ar onka leka dhạrtiren sanam hoṛko cetanre hõ hecʼ paṛaokʼa.