Jirimiạ 15:7 - সান্তালী বাইবেল

⁷ Disạm reakʼ phaṭok duạrkore amren hoṛ do haṭakʼteń gumkoa. Ińren hoṛko cetanre hoponkoakʼ gujukʼ reakʼ homor halaṅ iń paṛao ocoya ar onko doń marao utạrkoa, ente onko do akoakʼ hor khon bako ruạṛ akana.

Jirimiạ 15:7 Iomraidhean Croise

Sereńko 1:4

Menkhan bedhoromko do bako onkana; onko do hoete oṭaṅ calakʼkan bhusạ lekanako.

Jesaea 41:16

Am do onakom guma ar hoe do onakoe oṭaṅ idia. Menkhan am do Probhu Isor iạtem rạskạkʼa ar Israelren uni sonoticʼ do amren sarhaoanicʼe hoyokʼa.

Jesaea 9:12

Aramrenko do purub secʼ khon ar Philisṭiko do pạchim secʼ khon moca cahapʼkateko utʼ gotʼkaea. Niạko hoylenre hõ uniyakʼ edre do baṅ thirokʼtaea. Ńit hõ uniyakʼ ti do tul akaege menakʼtaea.

Jesaea 9:13

Menkhan okoe onkoe hạn akatʼko uni ṭhen hoṛko do bako ruạṛ hecʼlena, ar phạdren Probhu Isorakʼ sana leka hõ bako calaolena.

Jirimiạ 18:21

Onate onkoren hoponko do akal ar tarwaṛere baṛe soprotkom. Onkoren bạhuko do bạńjhi arko rạnḍikʼtakoma; onkoren herel hoṛ do mahamạriteko gujukʼma, ar onkoren juạnko hõ lạṛhạire tarwaṛetege.

Jirimiạ 5:3

E Probhu Isor, am do cetʼ sạriyakʼ bam beṅgetʼakʼ kana? Onkom hạ̃nletʼkore onko do cetʼ baṅ hasoletʼkoa; ar onkom sumạrletʼkore hõ onko do bako sudhrạulena. Onkoakʼ mẽtʼãhã do dhiri khon hõ bạ̃ṛtiko keṭecʼketʼtakote kastaokʼ hõ bako aṅgocleda.

Jirimiạ 51:2

Ar Babel do ekʼwer lạgitʼ ar uniyakʼ disạm jarkharokʼ lạgitʼ uni ṭhen bidisiạkoń kolkoa; onko do muhin hilokʼ beṛhae secʼ khon uni upạrteko teṅgona.

Jirimiạ 9:21

Gujukʼ do aboakʼ jalna secʼte aboakʼ gaṛkore boloakana; ona do kulhi khon gidrạko ar dobạṭiạ khon juạnkoe marao utạr akatʼkoa.

Jeheskel 24:25

Probhu Isor do arhõe metadińạ, “E manwa hopon, oka hilokʼ iń do ona daṛe reakʼ gorbo, onkoakʼ rạskạ ar ṭhonok, onkoakʼ mẽtʼãhã reakʼ suk, onkoakʼ mon reakʼ khojogokʼakʼ ar onkoren hopon ar hoponerakoń hataokoa,

Jeheskel 36:12

Iń do ape cetante hoṛko, metakʼme ińren hoṛ Israelkoń dãṛãbaṛa ocokoa. Onko do apeko ạidạripea ar onkoren ạidạri reakʼ ṭhạ̃ipe hoyokʼa; ar tishõ bin gidrạwanko do bape hoyocokoa.

Sakariạ 1:4

Aperen hapṛamko leka do alope hoyokʼa. Onko ṭhen lahaten nạbiko do niạ kathageko lạileda, jemon onko do akoakʼ bạṛicʼ hor ar bạṛicʼ hewa khonko ruạṛ hijukʼ. Menkhan bako ańjomleda ar ińakʼ katha hõ bako hetawada.

Mathae 3:12

Uniyakʼ haṭakʼ do tirege menakʼtaea ar khạrại do mońjteye saphaetaea. Ar phosol do acʼakʼ golareye jarwaea, menkhan bhusạ do tishõ baṅ ĩṛĩjokʼ seṅgelreye atar giḍikakʼa.”

Dosar Biboron 28:18

“Ape hõ Sarapankope hoyokʼte apeakʼ gharońjre hopon ar hoponerako hõko komaokʼa, khetre phosol hõ komaokʼa, mĩhũ-meromko ar bhiḍiko hõ komgeko hoponokʼtapea.

Dosar Biboron 28:32

Aperen hopon ar hoponerako do eṭakʼ jạtren hoṛ ṭhenko soprotkoa. Onko lạgitʼ koyokʼ hor iạte apeakʼ mẽtʼ do kãṛãkʼtapea, menkhan jãhãnakʼ cekae reakʼ cetʼ daṛege baṅ tahentapea.

Dosar Biboron 28:41

Okoeko hopon ar hoponerako hoyokʼtape onko hõ ape ṭhen bako tahena, ente onko do bondikateko idiocokʼa.