Jirimiạ 15:21 - সান্তালী বাইবেল

²¹ Iń do bạṛicʼkoakʼ ti khoniń rukhiyạmea ar kurmutạhakoakʼ ti khon doń chaḍaomea.”

Jirimiạ 15:21 Iomraidhean Croise

Genesis 48:16

uni serma Goḍet, okoe do sanam muhin reakʼ ti khone rukhiyạ akadiń, unige nukin gidrại bhorakinma. Nukin hotetege iń ar ińren hapṛam Abraham ar Isahakakʼ ńutum do jiwetʼ tahenma. Ar aboakʼ disạmre nukin bõsren hoṛ do lekhare ḍherko hoyokʼma.”

Sereńko 27:2

Bạṛicʼ hoṛ do ińakʼ jelko joma mente tinreko hecʼ sorokʼa unre iń upạrtenko ar ińren bạiriko doko tohotʼ gurokʼa.

Sereńko 37:40

Probhu Isorge onko doe goṛowakoa are rukhiyạkoa; bạṛicʼkoakʼ ti khon unige onkoe bańcaokoa, ar unige onko doe rukhiyạkoa, ente onko do unirege asrayko hatao akada.

Sereńko 97:10

Okoe Probhu Isorko dulạṛede onko do bedhoromko hirkhạwakʼ ma; ente uni do acʼ sekʼwawaekoe bańcaoetʼkoa ar bạṛicʼ hoṛkoakʼ ti khone rukhiyạyetʼkoa.

Jesaea 29:20

Kurmutạhako do ar bako tahena; ṭiṭkạri hoṛko hõko caba utạrokʼa, ar okoe bạṛicʼakʼ kạmiko menjoṅkan onko doko marao ocokʼa.

Jesaea 29:5

Menkhan amren locotʼ locotʼ bạiriko do lopotʼ dhuṛi lekako hoyokʼa; onko kurmutạhako do oṭaṅokʼkan bhusạ lekako hoyokʼa. Hẽ, mitʼ ripitʼrege phạdkoren Probhu Isor do huḍur, ot laṛao ar ãṭ saḍete, bharḍo ar birbão hoe ar jojomkan seṅgelteye sạjạikoa.

Jesaea 49:26

Okoe amko santaome onkoakʼ jel do onkogeń jom ocokoa; onko do bubulakʼ leka akoakʼ mãyãmko ńũiya arko bulokʼa. Unre sanam manwako baḍaea, iń Probhu Isorge amren babańcaoicʼ ar chakʼḍaoicʼ, ar Jakobren uni daṛeanicʼ do.”

Jesaea 54:17

Am upạrte tearakʼ khanḍa bhanḍako hõ oka kajrege baṅ jojaokʼa; ar bicạrre am upạrteko teṅgokʼ hoṛko do amge dusirem paṛaokoa. Noa kangea Probhu Isorren golamkoakʼ bakhra do, ar noa kangea onkoakʼ dhorom hõ.”

Jesaea 60:16

Gogo cetʼleka acʼren hopone nunuae onkage boṅgan hoṛ jạtrenko ar rapajko do akoakʼ bhage bhage jinisko emama. Ar unrem baḍae daṛeakʼa, iń Probhuge amren babańcaoicʼ, amren chakʼḍaoicʼ, ar ińge Jakobren uni daṛeanicʼ do.

Jirimiạ 16:1

Ona tayom Probhu Isore metadińạ,

Jirimiạ 20:13

Ape do Probhu Isor ńutumte sereńpe. Probhu Isorge õṛhẽyepe. Uni do dusṭạmi hoṛkoakʼ ti khon reṅgecʼ orecʼkoakʼ jiwiye rukhiyạyetʼtakoa.

Jirimiạ 26:24

Menkhan Saphanren hopon Ahikam do Jirimiại goṛowadea, onate Jirimiạ goje lạgitʼ hoṛkoakʼ tire bae soprotledea.

Jirimiạ 31:11

Iń Probhu Isorge Jakob doń chaḍao ạguiyea ar onko khon hõ daṛeankoakʼ ti khoniń owareya.

Jirimiạ 38:28

Babelrenko do tinạkʼ din Jerusalemko dokholakatʼ tahẽkan unạkʼ din Jirimiạ do pahradarkoakʼ ona racaregeye tahẽyena.

Jirimiạ 39:11

Babelren raj Nebukadnesar do Jirimiạ babotre rajren rurukhiyạ dolren subedar Nebusaradan noa hukumadea,

Jirimiạ 39:12

“Unim ńel todarotea; ar jãhãnakʼ alom loksantaea bickom uni okae men onam onkawaea.”

Jirimiạ 50:34

Menkhan onkoren chakʼḍaoicʼ doe daṛeangea; uniyakʼ ńutum do phạdkoren Probhu Isorge. Uni do onkoakʼ mamblae calaotakoa jemon onkoakʼ disạmre suluke ạgui ar Babelren hoṛkoe ḍamaḍol ocoko.”

Daniel 3:17

Ale okoe Isorle sewawae kan uniye khoj khan tobe do ona jolokʼkan bhaṭa khon acʼakʼ titeye bańcaolea.

Daniel 3:25

Uniye menkeda, “Enḍekhan iń do pon hoṛ seṅgelre dãṛãbaṛae kaniń ńeletʼkoa. Onko do raṛage menakʼkoa ar jãhãnakʼge baṅ hạ̃n akantakoa, ar ponicʼ hoṛ do ńelokʼte debota lekae ńelokʼkana.”

Mathae 6:13

ar biḍạute alom aderlea, menkhan bạṛicʼakʼ khon bańcaolem. [Ente raj ar daṛe ar ṭhonok jaejug hạbicʼ amakʼge, Amen.]

Romiko lạgitʼ Pạul Apostolakʼ ciṭhi 16:20

Sulukren Isor do ạḍi usạrage apeakʼ jaṅga latarre Soetane lebetʼ gańjaoea. Aboren Probhu Jisuakʼ daya ape cetanre baṛe tahenma.

2 Korinthiko 1:10

Uni do maraṅ gujukʼ khone rukhiyạketʼlea ar ńit hõe rukhiyạ idiyetʼlea. Ale do unire noa asle dohoyeda je, uni do jao ghuṛigeye rukhiyạlea.