Jirimiạ 15:10 - সান্তালী বাইবেল

¹⁰ Hae, hae! E eṅgạńtiń, cedakʼ iń dom janamkedińa, one okoe sãote goṭa disạm do jhogṛa are lạṛhạikan? Okoehõ rin do bạń emakatʼkoa se okoehõ iń do rin bako emakawạdińa, enhõ sanamkoge iń doko sarapạńkana.

Jirimiạ 15:10 Iomraidhean Croise

1 Rapajko 21:20

Ahab do niạ katha ańjomkate Eliại metadea, “E ińren bạiri, niạ dhao dom ńam akadińạ.” Eliại roṛ ruạṛkeda, “Hẽ, ńam akatʼmegeạń, ente Probhu Isorakʼ mẽtʼre oka bạṛicʼakʼ kan ona onkae lạgitʼge am dom kiriń akana.

1 Rapajko 22:8

Israelren raj do Jihudạren Jehosaphat raje metadea, “Ńit hõ nonkan mitʼṭen hoṛ menaea one uni hotete Probhu Isor bon kuli daṛeke, menkhan uni doń kurudae kana, ente uni do ińakʼ bhạlại reakʼ katha do tishõ bae roṛ akada, bạṛicʼakʼgeye nạbiya. Uni doe hoyokʼkana Imlạ hopon Mikạ.” Jehosaphate roṛ ruạṛkeda, “Raj do jemon onkan katha aloe roṛ.”

Sereńko 109:28

Onko doko sarapạńma, menkhan am do bhorạńme; onko do iń upạrteko teṅgolen khan lajaoreko paṛaokʼma, menkhan amren golam doe rạskạkʼa.

Sereńko 15:5

Uni do sud chaḍa pańcate ṭakae emokʼa, ar ghus bae hataoa ar miridoskoakʼ hõ bae khutiytakoa. Okoe nonkae kạmiyetʼkan uni do jaoge teṅgo ṭak akane tahena.

Sereńko 69:4

Okoe khamakha iń cetanreko edrekʼkan Onkoakʼ lekha do ińakʼ bohokʼ upʼ khon hõ ḍhergea. Ar okoe iń nosṭoyińko menetʼkan onko do ạḍiko daṛegea; onko do eṛe iạte ińren bạiriko hoyakana. Ar bạń kombṛo akatʼre hõ em ruạṛ hoyokʼkan tińạ.

Exodus 22:25

“Ińren jãhãe reṅgecʼ hoṛ ṭaka dharem emae enḍekhan mahajonko leka uni ṭhen khon sud alom hataotaea.

Kạhtukko 26:2

Ghaṛwa se bhạluạ cẽṛẽ cetʼleka hante nateko uḍạu baṛae, onkage ạuṛiyakʼ reakʼ sarap do baṅ pheḍ hijukʼa.

Jirimiạ 15:20

Noko hoṛ ṭhen do pitạl reakʼ mitʼṭecʼ daṛeanakʼ pạcri lekań hoyocomea; onko do am upạrteko lạṛhạiya menkhan bako bhagao daṛeama, ente iń Probhu Isorgeń metamkana, am rukhiyạme ar bańcaome lạgitʼ iń do am são sãoteń tahena.

Levitikus 25:36

Uni ṭhen khon jãhãn sud alope hataoa, bickom uni hoṛ jemon ape talareye tahẽdaṛeakʼ ona lạgitʼ aperen Isor botoraepe.

Levitikus 25:37

Ṭaka pańcate emkate sud hatao do baṅ ganokʼa ar uni ṭhen jãhãn jomakʼ jinis ạkhriń lekhan jãhãn lab hatao ho baṅ ganokʼa.

Habakkuk 1:3

Cedakʼ dusṭami hoṛ ńelko lạgitʼ dom jorae moṭeńkana? Cedakʼ am do behokakʼem sahaoeda? Iń samaṅre jarkhar ar santao hoyokʼkana ar jhogṛa hõ jaoge hoyokʼkana.

Mathae 24:9

“Unre santaope lạgitʼko soprotʼpea arko gocʼpea. Iń iạte sanam hoṛko hirkhạwapea.

Mathae 5:44

Menkhan ińiń metape kana, aperen bạiriko dulạṛkope. Ar okoe apeko santaoetʼpe onko do koeakope.

Luk 2:34

Inạ tayom Simon do onkoe bhoratʼkote Jisuren eṅgat Mạriạme metadea, “Isor do noae teṅgo akada, nui bale gidrạ iạte Israelko modre aema hoṛ doko ńurokʼa, arhõ aema doko rakapʼ ocokʼa. Nui do nonkan mitʼṭecʼ cinhại hoyokʼa, uni upạrte ḍher hoṛge kathako roṛa.

Luk 6:22

Bhạgangeape, Manwa Hopon iạte hoṛko hirkhạwapere, ar somaj khonko oḍoklepere arko landa dhutʼapere ar apeakʼ ńutum ańjomteko tholere.

Aposkạmi 28:22

Menkhan ale do amakʼ mon reakʼ kathakole ańjomtama, ente alele baḍaea joto jaegarege hoṛko do ona dol reakʼ upạrte kathako roṛeda.”