Jirimiạ 15:1 - সান্তালী বাইবেল

¹ Unre Probhu Isor do ińe metadińạ, “Mose ar Sạmuel hõ hecʼkate iń samaṅrekin teṅgolenre hõ enhõ ińakʼ mon do noko hoṛ secʼ ohoge ạcurlena. Iń samaṅ khon noko do laga ńirkom; onko doko sen joṅma.

Jirimiạ 15:1 Iomraidhean Croise

Genesis 19:27

Dosar hilokʼ Abraham do ạḍi setakʼre beretʼkate ona jaegae calaoena one okare laha hilokʼ Probhu Isor samaṅreye teṅgo akan tahẽkan.

2 Rapajko 17:20

Ona iạte Probhu Isor do sanam Israelkoe nihạ̃t giḍiketʼkoa. Uni do harket sasetreye dohoketʼkoa ar luluṭkoakʼ tireye jimạkatʼkoa, ar mucạtʼre acʼ samaṅ khone ocokʼ giḍikatʼkoa.

Sereńko 106:23

Onate uniye menkeda onko doe maraokoa; ar onageye kạmikea menkhan bachao akade Mose do uniyakʼ hijukʼ horreye teṅgoyena, jemon ḍahao maraoko reakʼ edre khone ruạṛ daṛeae.

Sereńko 99:6

Mose ar Aron hõ uniren naekeko modren kin tahẽkana; okoe uni ṭhenko koejoṅkan tahẽkan onko modre Samuel hõe tahẽkana. Mose, Aron ar Samuel do Probhu Isorko hohowae kan tahẽkana ar uni do onkoe roṛ ruạṛako kan tahẽkana.

Kạhtukko 14:35

Okoe ạkil salakʼe kạmi raj do uniye bạsutaea, menkhan okoe kạmiạyicʼ do lajao paṛaoakʼe kạmi uni do uniren edreyanicʼe hoyokʼa.

Jirimiạ 10:18

ente Probhu Isore meneda, “Noa oktere okoe disạmreko tahen onko doń capatʼ giḍikakoa; onko cetanre nonkan ghoṭnań paṛao ocoya jemonko aṭkar daṛeakʼ.”

Jirimiạ 11:14

“Noko hoṛko lạgitʼ do alom koejoṅa se onko lạgitʼ jãhãnakʼ hõ alom nehõrạńạ, onkoakʼ kosṭokʼ oktere ińko hohoạńre hõ iń do bạń ańjomtakoa.

Jirimiạ 14:11

Ona tayom Probhu Isor do iń metadińạ, “Noko hoṛkoakʼ bhạlại lạgitʼ do alom koea.

Jirimiạ 14:12

Onkoko upạsetʼre hõ onkoakʼ rakʼ do bạń ańjomtakoa; jeredokʼ samaṅokʼakʼ ar anaj samaṅokʼakʼko samaṅre hõ iń do bạń ataṅtakoa. Ona bodolte lạṛhại, akal ar mahamạrgeń kola ar onateń maraokoa.”

Jirimiạ 15:19

Unre Probhu Isor doe menkeda, “Monem ạcurletam khan iń do lahate lekań ataṅ ruạṛmea jemon ińem sapʼsorạń; ar ạuṛiyakʼ katha roṛ baṅkate damanakʼ katham roṛ enḍekhan ińakʼ mocategem roṛa. Noko hoṛ do am secʼko ạcurokʼa, menkhan am do onko secʼ alom ạcurokʼa.

Jirimiạ 16:13

Ona iạte ape do nonkan mitʼṭecʼ disạmteń lebda giḍikapea one ona disạm reakʼ katha bape baḍaekan, ar aperen hapṛamko hõ bako baḍaekan tahẽkana. Onḍe ape do siń ńindạ debotakope sewawakoa, ente iń do ar baṅgeń dayawapea.’ ”

Jirimiạ 16:5

“Okaṭakʼ oṛakʼre hoṛko homor halaṅetʼkan ona oṛakʼte do alogem bolokʼa; Homor hakʼlaṅ ar onkoakʼ duktem dukokʼte onḍe do alogem calakʼa, ente noko hoṛko khon ińakʼ suluk, dulạṛ ar daya doń ocokʼ akatʼtińạ.

Jirimiạ 18:20

Bhageakʼ bodolte cetʼ bạṛicʼakʼko halaea? Menkhan onko do iń lạgitʼ ghaḍlakʼko la akada. Disạime, amakʼ edre onkore jemon ruạṛ calakʼ onate am samaṅre teṅgokate onkoakʼ kathań roṛetʼkana.

Jirimiạ 22:28

Nui Konia do nonkan mitʼṭecʼ nihạ̃t giḍiyicʼ rạputʼ bhajan kanae one okoehõ bako khoje? Cedakʼ uni ar uniren hoponko do bin opromakʼ disạmreko lebda giḍi ocokʼa?

Jirimiạ 23:39

enḍekhan khạṭigiń uṭhạupea ar iń samaṅ khoniń giḍikapea ar okaṭakʼ nagraha do ape ar aperen hapṛamkoń ematʼko tahẽkan ona nagraha hõ iń samaṅ khoniń lebda giḍikakʼa.

Jirimiạ 35:19

Ona iạte iń do Israelren phạdkoren Probhu Isoriń meneda, iń sewawạń lạgitʼ Rekabiạren hopon Jonadabakʼ bõsre tishõ hoṛkoakʼ khạnti do baṅ hoyokʼtakoa.”

Jirimiạ 52:3

Jerusalem ar Jihudạren hoṛko iạte Probhu Isor do edreteye jaljalaoena ar mucạtʼre acʼ samaṅ khon onkoe sạṅgiń giḍikatʼkoa. Tayomte Sedekiạ do Babelren raj upạrteye hulkeda.

Jirimiạ 9:19

Sion khon jare jare ańjomokʼ kana, “Abo dobon jarkhar utạrena! Ar ạḍitetʼ bon lajao ocoakana! Aboakʼ oṛakʼ duạr do marao utạr akana, ar onatege aboakʼ disạm do bạgiyakʼ hoyokʼtabona.”

Jeheskel 14:14

ar onko pene hoṛ, metakʼme Noha, Daniel ar Jobge, ona talareko tahen, enḍekhan, onko hõ akoakʼ dhorom iạte eken akoakʼ jiwigeko rukhiyạ daṛeketakoa. Iń Probhu Isorge noa katha doń meneda.

Jeheskel 22:30

“Iń do onko talare nonkan mitʼ hoṛakʼ khojiń hataokeda, okoe do bhite gathao rakab ar disạmren hoykate bhit reakʼ paṛakʼre iń samaṅreye teṅgokʼ jemon disạm do aloń dhaṅdhaser daṛeakʼ, menkhan celege bạń ńamletʼkoa.

Hosea 9:15

Probhu Isore meneda, “Gilgolre onko do akoakʼ joto lekan dusṭạmiko ehopʼleda, ar onḍe onko do hirkhạwakoń ehopʼena. Onkoakʼ kại iạte ińren hoṛko tala khoniń laga oḍokkoa. Onko do ar bạń dulạṛkoa; onkoren mukhiyạko doko huhulko kana.

Sakariạ 3:3

Unre Josuạ do mạilạ kicricʼ horokʼ akatʼ dosarege Probhu Isorren goḍet samaṅreye teṅgo akan tahẽkana.

Dosar Biboron 9:26

Ar uni ṭhen noa menkateń koeleda, ‘E Probhu Isor am do amren hoṛko alom marao giḍikoa. Ente onko do amren hoṛ kangeako ar amge amakʼ maraṅ daṛetem chaḍao akatʼkoa ar amakʼ daṛeanakʼ tite Misor khonem oḍok ạgu akatʼkoa.

Ibriko 9:24

Asolakʼ sonot jaega reakʼ nokolakʼ lekate manwa tite tearakʼ jãhãn sonot jaegare Mạsi do bae bololena, bickom ona bodolte uni do sermateye boloyena jemon abo iạte Isor samaṅre ńite hạjir daṛeakʼ.

Bikʼcạrko 5:9

Ińakʼ mone do Israelkoren onko mukhiyạko secʼ lawerena ar apnarakʼ kusite lạṛhạiko oḍok senena; Probhu Isorakʼ sabasige hoyokʼtaema baṛe!

1 Samuel 12:19

Unre onko sanamko do Samuelko metadea, “Amren Probhu Isor ṭhen amren gutiko lạgitʼ koeme jemon alole gujukʼ, ente rajle koeante aleakʼ judạ judạ kạiko sãote niạ kại hõ juṭucʼentalea.”

1 Samuel 12:23

Iń do ape lạgitʼ koejoṅ tishõ aloń thirokʼte Probhu Isor upạrte aloń kại. Iń do dhorom ar sạriyakʼ reakʼ horte calakʼ reakʼiń cetʼapea.

1 Samuel 7:9

Unre Samuel do nunu bae bạgi akatʼ mitʼṭen bhiḍi hopone hataoana ar uni do bhiḍi hoponte Probhu Isor ńutumte mitʼṭecʼ jeredokʼ samaṅokʼakʼ e samaṅkeda. Uni do Israel hoponko ńutumteye rakʼkeda ar Probhu Isor hõ uniye roṛ ruạṛadea.