Jirimiạ 14:3 - সান্তালী বাইবেল

³ Lekman hoṛ do dakʼ lạgitʼ akoren gutikoko koletʼkoa; menkhan onko do dakʼ reakʼ ṭhạ̃ite hecʼkate dakʼ bako ńametʼkante eken kanḍawategeko ruạṛ calakʼ kana; onko do lajao arko as chuṭạu akante bohokʼko poṭom esetʼ akatʼtakoa.

Jirimiạ 14:3 Iomraidhean Croise

2 Samuel 15:30

Dạud do rakʼ rakʼte jạitun buruteye rakapʼ calaoena. Uni do bohokʼ poṭom esetʼkate eken jaṅgae taṛametʼ tahẽkana. Hoṛko hõ jotoge uni sãote bohokʼ poṭomkate rakʼ rakʼte rakabokʼko ehopʼena.

2 Samuel 19:4

Raj do acʼakʼ mẽtʼãhã betʼkate noa menkate ãṭ aṛaṅte rarakʼe dhurạuena, “Hae, ińren hopon Absalomtiń! Hae, Absalom, ińren hopontiń, ińren hopontiń do!”

1 Rapajko 17:7

Disạmre bae dakʼetʼ tahẽkante ona soḍokʼ reakʼ dakʼ hõ ańjetʼena.

2 Rapajko 18:31

“Ape do Hiskiạwakʼ katha alope ańjoma. Ạsurren raje meneda, ‘ape do iń tulucʼ sulukokʼpe ar iń ṭhen oḍok hijukʼpe. Enḍekhan ape do uniyakʼ darkha bagwan reakʼ jo ar loa dare reakʼ jope joma ar apnarakʼ kuń khon dakʼpe ńũiya.

Ester 6:12

Inạ tayom Mordekai do arhõ raj dolan reakʼ phaṭo duạr ṭhene senena. Menkhan Haman do dukte bohokʼe tol esetʼente usạrate oṛakʼteye calaoena.

Jobakʼ 6:20

Onko do khạṭi akanko tahẽkan iạte kosṭoko ńameda; ar onḍe senkate doko as chuṭạukʼ kana.

Sereńko 109:29

Iń upạrtenko do opomanko horokʼjoṅ ma, ar lajao do aṅgrop lekako oyokokʼma.

Sereńko 40:14

Okoe do iń gojeń reakʼ kurumuṭure menakʼko onko jotoge lajao arko opomanokʼma; okoe ińakʼ sorbonasko khojkan onko do bohokʼ tumbutʼkateko ruạṛ calakʼma.

Jirimiạ 14:4

Ot do paṛakʼ akana, ente disạmre dakʼge bae dakʼeda; cacasko hõko as chuṭạuente bohokʼre tiko capo akana.

Jirimiạ 15:18

Cedakʼ ińakʼ haso do baṅ cabakʼkantińạ, cedakʼ ińakʼ ghao do baṅ besokʼkantińạ, cedakʼ ona do baṅ ocogokʼkana? Iń ṭhen do cetʼ eṛe ạtukʼkan dakʼ ar baṅ tahenkan jharna dakʼ lekagem hoyokʼa?

Jirimiạ 2:13

Ente ińren hoṛ do bareako ghạṭ akada. Jion dakʼ reakʼ bhumbuk doń ińkangea, onko do ińgeko bạgi giḍi akadińạ, ar apnar lạgitʼ nonkan dakʼ ḍạḍiko benao akada one onakore do dakʼge baṅ tahenkan.

Jirimiạ 2:37

Am do bohokʼre ti capokate ona ṭhạ̃iyem bạgiyakʼa, ente okoe cetanrem bhorsalen onko do iń Probhu Isorgeń nihạ̃t giḍi akatʼkoa; onko hotete jãhãn porho do baṅ hoyokʼtama.”

Jirimiạ 20:11

Menkhan Probhu Isor do daṛeanicʼ bir banṭa leka iń são sãote menaea, onate iń khedeńko doko tohodokʼa ar bako jitạu daṛeakʼa. Onko do bako jo baha daṛeakʼa ar lajaoreko paṛaokʼa; onkoakʼ bemanot ocokʼ reakʼ do okoehõ tisge bako hiṛiń daṛeakʼa.

Jirimiạ 3:3

Ona iạte achaṛ dakʼko akoṭokʼ kana ar niron din reakʼ dakʼ hõ baṅ hijukʼkana. Am do kusumbi ạimại lekagem ńelokʼkana; ar lajao hõ bam lajaokʼ kana.

Rak̕joṅ 4:4

Nunu gidrạkoakʼ alaṅ do tetaṅte tạrure jalatʼakana; gidrạko do jomakʼko kokoekana, menkhan celehõ bako emakokana.

Hosea 2:3

Ar baṅkhan uni doń uluṅea ar acʼakʼ janam hilokʼ cetʼlekae tahẽkan onkageń hoeocoyea. Uni do hahaṅkar jaega, ar khaṅgoṭ jumi lekań hoeocoyea ar dakʼ tetaṅteń gocʼ ocoyea.

Joel 1:20

Bir janwarko hõ am ṭhenko rakʼeda, ente ạtukʼ dakʼ do ańjetʼ rohoṛakana ar hahaṅkar reakʼ ạtiń ṭạnḍiko hõ seṅgele jomakada.

Amos 4:7

Irokʼ din pe cando ạuri tiyogokʼrege iń do ape cetanre jạṛi dakʼ iń akoṭkeda. Mitʼṭecʼ atore jạṛi dakʼ kolkate eṭakʼ atore do bạń dakʼ ocowada. Mitʼṭecʼ khet do dakʼte lohotʼena, ar eṭakʼ khet do dakʼ begorte khaṅgoṭena.

Amos 4:8

Dakʼ lạgitʼ ape do ḍhoya ḍhape mitʼ ato khon eṭakʼ atope senlena menkhan tirpitokʼ leka dakʼ do bape ńamleda; enhõ ape do iń ṭhen bape ruạṛ hecʼlena.

Sakariạ 14:17

Ar dhạrtiren jạt jạtrenko Jerusalemte phạdkoren Probhu Isorakʼ sewae lạgitʼ bako calakʼ enḍekhan onkoakʼ disạmre do dakʼ hõ bae daga.