Jirimiạ 14:16 - সান্তালী বাইবেল

¹⁶ Okoe nạbi do onko ṭhen nạbi lekate kathako roṛetʼkan onkoakʼ mạ̃ṛĩ do lạṛhại ar akalte Jerusalem reakʼ kulhikore giḍi ocokʼa. Unre onko se onkoren bạhuko ar gidrạko topako lạgitʼ okoehõ bako tahena. Onkoakʼ kuṛại do onko cetanregeń upʼakoa.

Jirimiạ 14:16 Iomraidhean Croise

Kạhtukko 1:31

Akoakʼ kạmi reakʼ kuṛại doko ńamgea, ar apnarakʼ sopolha reakʼ jotege lacʼko perejtakoa.

Jesaea 51:20

Amren hoponko doko jhin jhinạu akana; onko do kulhi mucạtʼre jhạlire sapʼakan jhaṅkaṛ jel lekako giticʼ akana. Onko cetanre Probhu Isorakʼ edre, amren Isorakʼ sạjại onkore paṛao akana.

Jesaea 9:16

Okoe onko jạtrenko horko udukʼako onko do bhul horteko idikoa; ar onko pańjakanko do bako bujhạu daṛeakʼa okateko calakʼ kana mente.

Jirimiạ 18:21

Onate onkoren hoponko do akal ar tarwaṛere baṛe soprotkom. Onkoren bạhuko do bạńjhi arko rạnḍikʼtakoma; onkoren herel hoṛ do mahamạriteko gujukʼma, ar onkoren juạnko hõ lạṛhạire tarwaṛetege.

Jirimiạ 20:6

Ar E Pashur, am ar am gharońjren sanam hoṛ do bondikate Babeltepe idi ocokʼa. Onḍe do amem gujukʼa arko topamea; ar amren okoeko gateko ṭhen nạbi lekate eṛe katham roṛakatʼ onko jotokoakʼ dosa hõ onkage hoyokʼtakoa.”

Jirimiạ 27:15

Probhu Isore meneda, ‘iń do onko bạń kol akatʼkoa. Onko do iń ńutumte eṛeyakʼko nạbiyeda. Ona iạte ape ṭhen okoeko nạbiyetʼ onko nạbi doń sạṅgińkoa ar ape sanamkogepe marao utạrokʼa.’ ”

Jirimiạ 4:18

Amakʼ colon ar amakʼ sanam kạmiko iạtege noako do am upạrteko hecʼakana. Noa do amakʼ dusṭami reakʼ sạjạikana. Noa do ạḍitetʼ haṛhatʼgea; noa do amakʼ ontorre bitʼ akana.”

Jirimiạ 5:31

Nạbiko do eṛeyakʼko nạbiyeda, naekeko do akoakʼ tirege ạidạri dohokateko ḍanṭao kana, ar ińren hoṛko do nonkageko dulạṛkana. Menkhan E ińren hoṛko, ona reakʼ mucạtʼ hecʼlenre cetʼpe cekaea?”

Jirimiạ 7:33

Ona tayom noko hoṛkoakʼ mạ̃ṛĩ do coṭren cẽṛẽko ar dhạrtiren janwarkoakʼ jomakʼ hoyokʼa ar onko lagako lạgitʼ do celehõ bako tahena.

Jirimiạ 8:1

Probhu Isore meneda, “Unre Jihudạren raj ar cetan hudạren kạmiyạkoakʼ jaṅko, naeke ar nạbikoakʼ jaṅko ar Jerusalemren hoṛkoakʼ jaṅko do onkoakʼ topa khon oḍok ocokʼa.

Jirimiạ 8:2

Ona jaṅko do siń-cando, ńindạ-cando ar sermaren sanam ipilko samaṅre giḍi akan tahena, ente onko do sermaren sanamgeko dulạṛetʼko tahẽkana arko sewawako kan tahẽkana ar onkoko pańjayetʼko tahẽkante, onko sãoteko solhayetʼ tahẽkana arko sewawako kan tahẽkana. Ar ona jaṅko do jarwakate bako topakakʼa, bickom onako do otre guricʼmande lekage hoyokʼa.

Jirimiạ 9:20

Ńitokʼ do E Maejiuko, Probhu Isorakʼ katha ańjompe; uniyakʼ moca reakʼ katha ańjom lạgitʼ lutur jhijtape. Ar aperen hoponerako jare jarekʼ cetʼakope ar eṭakʼko do homor halaṅ reakʼ sereń cetʼakope.

Jirimiạ 9:22

Probhu Isorge noa katha do memene metadińạ, “Hoṛkoakʼ mạ̃ṛĩ do gur akan tahena guricʼ leka; irokʼicʼ tayomre binḍạko leka, okoehõ ona do bako jarwaea.”

Jeheskel 39:14

Ona eae cando mucạtʼre disạm saphae lạgitʼ hoṛko bahal ocokʼa. Onko do goṭa disạm dãṛã dãṛãte giḍi akan jaṅko sendra toda arko topakakʼa.

Amos 7:17

Ar onatege Probhu Isor doe meneda, ‘amren bạhu do nagrahare kusumbiye hoyokʼa, ar amren hopon ar hoponerako do tarwaṛeteko gujukʼa. Amakʼ disạm do jokha baberteko hạṭińjoṅa ar am do mitʼṭecʼ bhonḍ disạmrem gujukʼa. Israelren hoṛ do khạṭige akoakʼ disạm khon eṭakʼ disạmteko bondi idi ocokʼa.’ ”

Mathae 15:14

Onko do apnartetʼko kãṛãgere hõ kãṛã ạyurko kanako. Ar kãṛã do kãṛãye ạyure khan banarge ghaḍlakʼrekin ńurokʼa.”

Johan sodor 16:1

Inạ tayom iń doń ańjomkeda, ona mundil khon onko eae goṭen serma goḍetko do mitʼ hoṛ ãṭ aṛaṅteye metako kana, “Ape do senkate Isorakʼ edrete perecʼ eae goṭecʼ bạṭi dhạrtire dulpe.”