Jirimiạ 13:9 - সান্তালী বাইবেল

⁹ “Iń Probhu Isor do noa kathań meneda, Jihudạ reakʼ bạḍại ar Jerusalem reakʼ maraṅ bạḍại do nonkageń maraoa.

Jirimiạ 13:9 Iomraidhean Croise

Kạhtukko 16:18

Bạḍại do bạṛicʼakʼe ạguiya ar phulạukʼ mon do maraokʼge.

Jesaea 16:6

Ale do Moabakʼ bạḍại reakʼ kathale ańjom akada; uni do ạḍitetʼ bạḍại menakʼtaea. Uniyakʼ gorbo reakʼ katha, ar acʼ apnarte maraṅokʼ reakʼ katha ar sanam lekan bạḍại reakʼ kathale ańjomakada, menkhan joto bạḍại do ạuṛiyakʼgetaea.

Jesaea 23:9

Uniyakʼ sanam bạḍạiko maraotae lạgitʼ ar dhạrtiren manotan hoṛko bemanotko lạgitʼ phạdkoren Probhu Isorge niạ doe goṭa doholetʼ tahẽkana.

Jirimiạ 13:8

Ona tayom Probhu Isor do ińe metadińạ,

Jirimiạ 25:18

Iń do Jerusalem ar Jihudạ reakʼ nagrahako ar onaren rapajko ar rajkạmiyạkoń ńũ ocoketʼkoa, jemon teheń cetʼ leka menakʼko onkage jarkharakʼ, ujạṛakʼ, cigạri ar sarapan hoṛko hoyokʼ.

Jirimiạ 48:29

“Moab do ạḍi bạḍại hoṛkanae. Abo do uniyakʼ bạḍại reakʼ katha, uniyakʼ eṛeteakʼ, uniyakʼ edre reakʼ ar uniyakʼ phulạukʼ reakʼ katha bon baḍaegea.

Jeheskel 16:50

Onko do bạḍạite perecʼko ar iń samaṅre hirkhạwakʼko kạmikan tahẽkana. Onate am cetʼ lekam ńeletʼkan onkage onko hõń sạṅgiń akatʼkoa.

Jeheskel 16:56

Am do amakʼ bạḍại reakʼ dinre amren boeha kuṛi Sodom dom landa-dhutʼaekan tahẽkana;

Levitikus 26:19

Iń do apeakʼ daṛe reakʼ bạḍạigeń rạputʼ giḍitapea. Ar apeakʼ bohokʼ cetan reakʼ rimil do mẽṛhẽtʼ leka ar jaṅga latar reakʼ ot do pitạl lekań keṭecʼ ocoya.

Nạhum 2:2

Dhaṅ dhakʼserko do Israelko ujạṛ akadere hõ ar uniyakʼ darkha bagwanko marao akatʼtaere hõ Probhu Isor do ńit hõe Jakobren kangea, metakʼme uni do Israelakʼ lahateakʼ ṭhonoke ruạṛkataea.

Sephaniạ 3:11

Ar ińre okako behok reakʼem kạmiakatʼ ona iạte enhilokʼ am dom lajaokʼa, ente niạ nagraha khon iń do sanam hulạsokʼ ar bạḍạiyokʼkan hoṛkoń oḍok giḍikoa. Ińakʼ sonot buru cetanre am do ar tishõ bam gorbokʼa.

Luk 18:14

“Ińiń metapekana, Isor do mạsul-uṭhạuicʼge bin dusi menteye ataṅkedea ar uni do oṛakʼteye ruạṛ calaoena. Menkhan uni Phạrusi doe dusikedea. Okoe acʼteye usulokʼ uni doe copotʼ ocokʼa ar okoeye copotʼ ocokʼ uni doe usul ocokʼa.”

Jakob 4:6

Menkhan Isorakʼ daya do arhõ ḍhergea. Onate sonot sostorre ol menakʼa, “Isor do phulạukʼkanko upạrteye teṅgona, menkhan mạ̃hirko doe bhorakoa.”

1 Patras 5:5

Onkage E juạnko, ape do aperen murubbiko tabere tahenpe. Ar jotokoge nindhạn tahente mimitʼko sapʼ sopohotʼpe, ente sonot sostor reakʼ katha leka, “Isor do phulạukʼkankoe teṅgo darametʼkoa, menkhan nindhạnko doe dayawako kana.”