Jirimiạ 13:21 - সান্তালী বাইবেল

²¹ Okoeko rapaj sãotem gatelen Probhu Isor do am cetare onko tinreye dohokoa unre am do cetʼem menkea? Bedonokʼ jokhecʼ maejiu cetʼ leka haso rakapʼae onkage amhõ cetʼ baṅ hasomea?

Jirimiạ 13:21 Iomraidhean Croise

2 Rapajko 16:7

Tayomte Ahas do Asurren raj Tiglot-Pileser ṭhen niạ katha roṛ lạgitʼ hoṛkoe kolkatʼkoa, “Iń do amren guti ar amren hopon kạnạń. Am do hijukʼte Aramren raj ar Israelren rajakʼ ti khon rukhiyạyińme. Unkin do ińkin akromoneń kana.”

Jesaea 10:3

Sạjạiyokʼ dinre tinre sạṅgiń khon jarkharakʼ hijukʼa unre ape do cetʼpe cekaea? Goṛo ńam lạgitʼ okoe ṭhenpe ńir calakʼa? Apeakʼ dhon durib do okoe ṭhenpe doho oṭokakʼa?

Jesaea 13:8

Onko do ạḍi bebạṛicʼko botorokʼa, ar ạḍi ãṭ hasokoa, gidrạ janamede kan maejiu leka bedonteko thakao cabakʼa, onko do cahapʼkate apan apin secʼko beṅgetʼjoṅa ar mẽtʼãhã do jaljalaokʼtakoa.

Jesaea 21:3

Iń do lacʼ hasoteń thakao akana, maejiuakʼ bedon leka haso rakapʼ akadińạ. Ar ạḍi jalaregeń paṛao akana, ariń ańjomeda, botorge ańjomokʼkana, menkhan bạń ńel ńameda.

Jirimiạ 2:25

Menkhan am do sontor akae tahenme, ar baṅkhan jaṅga reakʼ panahe hõ nosṭokʼtama ar amakʼ nạnḍri hõ rohoṛokʼ tama. Menkhan amem men akada, ‘jãhãn porhoge bạnukʼa. Iń do debotageń dulạṛetʼkoa, onkogeń pańjakoa.’

Jirimiạ 22:23

E Lebanon reakʼ debdạru kaṭte benaoakʼ oṛakʼren tahen kạnicʼ, maejiu hoṛakʼ bedon leka tinre haso rakapʼama unre am dom geraṅa!”

Jirimiạ 30:6

Ape do kulijoṅpe ar ńelpe, herel hoṛ do cetʼ kukhire gidrại janam daṛekea? Enḍekhan cetʼ iạte daṛean herel hoṛ do bedonokʼkan maejiu leka lacʼ cetanre ti capo akan ar sanamkoakʼ mẽtʼãhã do mulin akaniń ńeletʼkana?

Jirimiạ 38:22

Jihudạ rajakʼ oṛakʼren sarecʼ maejiuko do Babel rajren subedar ṭhenko idi ocokʼa. Onko maejiuko do amko metama, ‘amren gateko do bạṛicʼ horteko idiakatʼmea, ar amko bhagao ocoakatʼmea. Losotʼre jaṅga do thạli akantama; ar amren gateko do amko bạgi akatʼmea.’

Jirimiạ 4:30

E ḍahao marao akan nagraha, am do cetʼem cekaya? Arakʼ kicricʼ ar sona reakʼ gohnate do cedakʼem abhranokʼ kana? Cedakʼ mẽtʼre do aenom kajarem lagaojoṅ kana? Am do ạuṛiyakʼgem sajokʼ kana. Amren dulạṛiạko do amko kurudam kana, onko do amakʼ jiwi hatao lạgitʼko kurumuṭu kana.

Jirimiạ 4:31

Mitʼṭen maejiuakʼ bedonokʼ reakʼ aṛaṅ leka, pạhil hopone janamokʼ reakʼ bedon leka Sionren hoponerawakʼ rakʼ iń ańjomakada. Uni do sahẽtʼ ńam lạgitʼe ahkaokʼ kana ar ti tiạrkateye meneda, “Hae iń doń acetokʼ kana, khũniyạhiko do ińko seseń kana.”

Jirimiạ 48:41

Uniyakʼ sanam nagrahako do hatokʼa ar aotan gaṛko hõ ạidạrikʼtaea. Enhilokʼ Moabren birbão hoṛkoakʼ mon do bedonokʼkan maejiuakʼ mon leka hoyokʼtakoa.

Jirimiạ 5:31

Nạbiko do eṛeyakʼko nạbiyeda, naekeko do akoakʼ tirege ạidạri dohokateko ḍanṭao kana, ar ińren hoṛko do nonkageko dulạṛkana. Menkhan E ińren hoṛko, ona reakʼ mucạtʼ hecʼlenre cetʼpe cekaea?”

Jirimiạ 6:24

Onko reaṅ khoborle ńamakada ar onate aleakʼ ti do lạbṛugokʼkantalea. Ale do hasotele thakao akana; bedonokʼkan maejiu lekage haso rakapʼ akawatʼlea.

Jeheskel 28:9

Amren gogocʼko samaṅre unre cetʼem mena, ‘iń doń isor kana?’ Menkhan okoe ame ghạlme, uniyakʼ tire am dom manwa kana, debota do baṅa.

Mathae 24:8

Menkhan noako do eken bedon reakʼ ehopʼkana.

1 Thessalonikikko 5:3

Ar tinre hoṛko mena, “Suluk hoyakana, botor reakʼ do cetʼge bạnukʼa,” Unre bhạrti hoṛmo akan maejiuko acka bedon rakapʼako leka onko hoṛ doko ḍahao maraokʼa. Ar oka lekate hõ bako rukhiyạ daṛeakʼa.