Jirimiạ 13:20 - সান্তালী বাইবেল

²⁰ Probhu Isore meneda, “E Jerusalem, beṅgetʼ rakabme, ńelme utạr secʼ khon bạiriko daraekana. Okaṭakʼ palrenko do amakʼ tireko em hoylen, ar okoeko bhiḍiko iạtem bạḍạiyetʼ tahẽkan onko doko okayena?

Jirimiạ 13:20 Iomraidhean Croise

Kạhtukko 14:28

Porjako saṅgelen khan rajakʼ do ṭhonok hoyokʼa, menkhan kạmiạko begor mạlikakʼ do jarkharaokʼge.

Jirimiạ 1:14

Probhu Isore metadińạ, “Niạ disạmre okoeko girobasokʼ kan onko cetanre muhin do utạr secʼ khon banbạsi leka hijukʼa.

Jirimiạ 1:15

Iń do utạr reakʼ rajosṭiren sanam jạtrenkoń hohoako kana.” Ar rapajko do hecʼkate Jerusalem reakʼ phaṭok duạrko reakʼ bolokʼ horre akoakʼ siṅghạsonko bạisạua. Ar onko do ona beṛhaeteakʼ pạcri ar Jihudạ reakʼ sanam nagrahako esetʼ ạcura.

Jirimiạ 10:22

Ańjompe, khobor hijukʼkana! Jihudạ reakʼ nagrahako do ujạṛokʼa ar toyokoakʼ tahen ṭhạ̃i hoeocoy lạgitʼ utạr disạm khon gulmal reakʼ sabad hijukʼ kana.

Jirimiạ 13:17

Ar katha bape ańjom khan apeakʼ bạḍại iạte iń do danaṅreń raga, ạḍitetʼ geń raga ar ińakʼ mẽtʼ do mẽtʼ dakʼte perecʼjokʼtińạ, ente Probhu Isorren hoṛ do bondikateko idi ocokʼa.

Jirimiạ 23:2

Ona iạte okoe do ińren hoṛko gupiyetʼko onko gukʼpiko upạrte Israelren Probhu Isor doe meneda, “Ape do ińakʼ palren bhiḍikope chirchạtur akatʼkoa arpe laga ńir akatʼkoa, onko do bape joton akatʼkoa; onate iń do apeakʼ behok iạteń sạjạipea.

Jirimiạ 25:37

Probhuakʼ jolokʼkan edre iạte sulukte perecʼ ṭạnḍiko do potit jumi leka tahena.

Jirimiạ 6:22

Probhu Isor do noa kathae meneda, “Ńelpe, utạr disạm khon mitʼ dol maraṅ lạṛhại phạdko hijukʼkana; pirthimi reakʼ ses simạna khon mitʼ maraṅ jạtrenko udgạu ocokʼkana.

Habakkuk 1:6

Iń do Babelrenkoń sapṛaoetʼkoa; onko do kurmutạha jạtren kanako, onko do eṭakʼkoakʼ disạm hatjoṅ lạgitʼ dhạrti reakʼ sanam ṭhạ̃iteko calakʼkana.