Jirimiạ 13:17 - সান্তালী বাইবেল

¹⁷ Ar katha bape ańjom khan apeakʼ bạḍại iạte iń do danaṅreń raga, ạḍitetʼ geń raga ar ińakʼ mẽtʼ do mẽtʼ dakʼte perecʼjokʼtińạ, ente Probhu Isorren hoṛ do bondikateko idi ocokʼa.

Jirimiạ 13:17 Iomraidhean Croise

Sereńko 119:136

Ińakʼ mẽtʼdakʼ do ạtukʼkantińạ ente hoṛko do amakʼ hukum bako manaoeda.

Sereńko 80:1

E Israelren gupiyicʼ, am do aleakʼ katha luturakʼme; am do Joseph bõsrenko bhiḍi pal lekam ạyuretʼkoa. Am, one Kerub cetanrem duṛupʼ akan, ar amakʼ marsal baṛe bamber ocoyme.

Jesaea 63:11

Unre uniren hoṛ do mare din reakʼ katha, metakʼme Mose ar uniren hoṛko okte reakʼ kathako disạkeda. Onkoko menkeda, “Okoe do acʼren hoṛko ar onkoren mukhiyạko jalapuri talateye ạyur ạguletʼko, okoe do onko talare tahen lạgitʼ iạte acʼren sonot Jiue ematʼko tahẽkan uni do okare menaea?

Jirimiạ 14:17

“Am do hoṛko noa katham metakoa, ‘siń ńindạ ińakʼ mẽtʼ khon mẽtʼ dakʼ jorokʼma, ente iń jạtren kũạri kuṛiko do ạḍiko ghạl akana.

Jirimiạ 15:17

Okoe rạskạ ar hulạsate bubulakʼko ńũiyetʼkan onkoakʼ dolre do tishõ bạń duṛupʼlena, onko sãote tishõ bạń rạskạ mitʼlena; iń cetanre amakʼ ti tahẽkante eskargeń duṛupʼkan tahẽkana ar am do raṅgaotem perecʼ akadińa.

Jirimiạ 17:16

Amren hoṛ gupiko khon iń do bạń ńir pharak akana; am dom baḍaegea muhin do bạń khojkana. Ińakʼ moca khon oka oḍokokʼ ona do am ṭhen baṅ okoya.

Jirimiạ 22:5

Menkhan niạko hukum bape manao enḍekhan iń Probhu Isor do ińakʼ ńutumte kiriạkateń meneda, niạ raj oṛakʼ do jarkharokʼa.’ ”

Jirimiạ 23:1

Probhu Isore meneda, “Hae, onko gukʼpiko do, one okoe do ińakʼ gupi ṭạnḍiren bhiḍikoko maraoetʼko arko chirchạtur cabayetʼkotiń.”

Jirimiạ 23:2

Ona iạte okoe do ińren hoṛko gupiyetʼko onko gukʼpiko upạrte Israelren Probhu Isor doe meneda, “Ape do ińakʼ palren bhiḍikope chirchạtur akatʼkoa arpe laga ńir akatʼkoa, onko do bape joton akatʼkoa; onate iń do apeakʼ behok iạteń sạjạipea.

Jirimiạ 9:1

Hae, ińakʼ bohokʼ do dakʼge hoylen khan, ar ińakʼ mẽtʼ do jharna dakʼge hoylentiń khan! Enḍekhan iń jạtren okoeko hoṛko gocʼ ocoakan onko lạgitʼ siń ar ńindạń rakʼkea.

Rak̕joṅ 1:16

Onatege iń doń rakʼeda, ińakʼ mẽtʼdakʼ do jorokʼ kantińạ. Jiwi raṛejtiń lạgitʼ do celege bạnukʼkoa, ar jiwi cerṭha ocoytiń lạgitʼ hõ bạnukʼkoa. Ińren gidrạko do ujạṛgeko hoyakana, ente bạiriko doko jitạuena. ”

Rak̕joṅ 1:2

Uni do ạyupʼ jokhecʼ ạḍiye rakʼetʼ kana, mẽtʼ dakʼte johakine lohotʼetʼtaea. Acʼren dulạṛiạko modren uniyakʼ jiwi raṛejtae lạgitʼ do okoehõ bạnukʼkoa. Uniren gateko do jotoge uniko eṛeakadea; onko jotoge uniren bạiriko hoyakana.

Rak̕joṅ 1:9

Uniyakʼ mạilạ do uniyakʼ kicricʼrege laṭkao akantaea; darakan din reakʼ do bae dạndilena. Uni doe sombotʼ bhindạṛ akana; jiwi raṛecʼtae lạgitʼ do celege bạnukʼkotaea. Uniye meneda, “E Probhu Isor, ińakʼ duk baṛe ńeltińme, ente bạiriko doko jitạu akana. ”

Rak̕joṅ 2:18

Amren hoṛkoakʼ ontor do Probhu Isor ṭhen rakʼ rakʼteko meneda, “E Sion hoponerawakʼ pạcri, amakʼ mẽtʼ dakʼ do siń ńindạ gaḍa leka ạtukʼma; am apnar do alom sạjại ocokʼa, mẽtʼ hõ alom jirạu ocowakʼa.

Rak̕joṅ 3:48

Ińren hoṛ doko marao idikʼkana, onate ińakʼ mẽtʼdakʼ do gaḍa dakʼ leka ạtukʼ kantińạ.

Jeheskel 24:16

“E manwa hopon, noa uyukʼrege am ṭhen khon amakʼ mẽtʼ reakʼ hạ̃siń idi lạgidokʼ kana. Enhõ am do alom rakʼ homora, alom raga se mẽtʼ dakʼ alom joroytama.

Jeheskel 34:31

E ińakʼ palrenko, ińakʼ ạtiń ṭạnḍirenko, ape do ińren kangeape ar iń doń aperen Isor kana. Ar iń Probhu Isorge noa katha doń meneda.’ ”

Jeheskel 36:38

Jerusalemre niṭ akatʼ porobre cetʼleka samaṅokʼ bheḍakote perejokʼkan tahẽkan onkage dhaṅdhaser akan nagrahako do alekha manwakote perejokʼa. Unre onko doko baḍae daṛeakʼa, ińkangeạń Probhu Isor do.”

Jeheskel 9:4

Uni doe metadea, “Am do Jerusalem nagraha talate parom calakʼme ar ona talare okako bạṛicʼakʼ kạmi hoyakan ar ona iạte okoeko kũhrạuetʼkan onkoakʼ moloṅre mitʼṭecʼ cinhạ emakom.”

1 Samuel 15:11

“Sạul do ińakʼ monduk reakʼe hoyakana, ente uni do iń ṭhen khone pharak akana ar ińakʼ hukume bebatao akada.” Niạ katha ańjomkate Sạmuel doe khĩsena ar goṭa ńindạ Probhu Isor ṭhene rakʼ aṅgakeda.

1 Samuel 15:35

Sạmuel tinạkʼ din jiwetʼe tahẽkan unạkʼ din uni do Sạul sãote ar bae ńapamlena. Israelko cetanre Sạule rajkedete Probhu Isorakʼ duk reakʼe hoylente Sạmuel do uni lạgitʼe dukokʼ kan tahẽkana.